editorial
Assemblada de legeires de Jornalet: sus la draia de bastir una bèla còla
Una dotzena de personas participèron ièr de tantòst a la quatrena assemblada de legeires de Jornalet, que se debanèt aqueste dissabte 6 de febrièr de tantòst per videoconferéncia. Saique caliá esperar que i aguèsse una pandemia per aprene que nos poiriam rescontrar mai aisidament atal.
Dins l’òrdre del jorn, se presentèt totas las activitats de l’associacion, pas solament Jornalet mas totes los projèctes parallèls coma l’emission television sus Betevé, la revista en papièr, Eth Ligam Occitan; e tanben los projèctes avenidors dont la botiga en linha e lo nòu sit web de Jornalet e lo rapòrt financièr de l’annada 2020.
Puèi, foguèt lo torn de la paraula per cadun dels participants qu’expausèron lors felicitacions, lors criticas, lors idèas e lors proposicions. Demièg las conclusions, cal soslinhar que se refortirà los ligams amb d’autres mèdias occitans e non-occitans, que serem al costat del totes los mèdias del país per tornar bastir un ret de mèdias que nos permeta d’anar quèrre de recorses endacòm mai, e que trabalharem per aver de vejaires mai femenins e feministas. Un dels problèmas pus urgents a resòlver es lo fach de dependre del trabalh d’una o doas personas, e doncas cal assegurar que i aja tota una còla que trabalha, e que s’un manca, lo mèdia desaparesca pas.
Sèm conscients que lo prètzfach es grand e las ressorsas escassas, mas esperam de rompre los topics e los complèxes amb l’ajuda de totes. Sèm pas perfièches e es segur que cometèm d’errors. Esperam alavetz que nos ajudaretz a nos melhorar amb vòstres comentaris, criticas e contribucions. Fasètz-vos vòstre Jornalet perque Jornalet es de totes.
D’assembladas de legeires n’aviam ja fachas a Rodés, dins l’encastre de l’Estivada; a Vilanuèva d’Òlt dins l’encastre de l’Escòla Occitana d’Estiu e a Carcassona, dins l’encastre de las Febrejadas. Desenant, sembla una bona idèa de contunhar de far las assembladas de legeires en linha. Ça que la, la còla de Jornalet volèm pas arrestar las presentacions presencialas mas nos tocar la man, nos far lo poton, nos far d’abraçadas, partejar lo veire de l’amistat e venir mai umans. Per tant, trantalhetz pas per nos convidar tre que serà possible.
Dins l’òrdre del jorn, se presentèt totas las activitats de l’associacion, pas solament Jornalet mas totes los projèctes parallèls coma l’emission television sus Betevé, la revista en papièr, Eth Ligam Occitan; e tanben los projèctes avenidors dont la botiga en linha e lo nòu sit web de Jornalet e lo rapòrt financièr de l’annada 2020.
Puèi, foguèt lo torn de la paraula per cadun dels participants qu’expausèron lors felicitacions, lors criticas, lors idèas e lors proposicions. Demièg las conclusions, cal soslinhar que se refortirà los ligams amb d’autres mèdias occitans e non-occitans, que serem al costat del totes los mèdias del país per tornar bastir un ret de mèdias que nos permeta d’anar quèrre de recorses endacòm mai, e que trabalharem per aver de vejaires mai femenins e feministas. Un dels problèmas pus urgents a resòlver es lo fach de dependre del trabalh d’una o doas personas, e doncas cal assegurar que i aja tota una còla que trabalha, e que s’un manca, lo mèdia desaparesca pas.
Sèm conscients que lo prètzfach es grand e las ressorsas escassas, mas esperam de rompre los topics e los complèxes amb l’ajuda de totes. Sèm pas perfièches e es segur que cometèm d’errors. Esperam alavetz que nos ajudaretz a nos melhorar amb vòstres comentaris, criticas e contribucions. Fasètz-vos vòstre Jornalet perque Jornalet es de totes.
D’assembladas de legeires n’aviam ja fachas a Rodés, dins l’encastre de l’Estivada; a Vilanuèva d’Òlt dins l’encastre de l’Escòla Occitana d’Estiu e a Carcassona, dins l’encastre de las Febrejadas. Desenant, sembla una bona idèa de contunhar de far las assembladas de legeires en linha. Ça que la, la còla de Jornalet volèm pas arrestar las presentacions presencialas mas nos tocar la man, nos far lo poton, nos far d’abraçadas, partejar lo veire de l’amistat e venir mai umans. Per tant, trantalhetz pas per nos convidar tre que serà possible.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a totes los participants de l'Amassada !
De vertat que foguèt una fòrça bela amassada que balha lo vam e l'enveja d'avançar encara mai e totes amassa.
Es a tots que farem tot...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari