Bandièra01 capçalera  1180x150: Novestivada

editorial

Cossí festejar en 2022 los dètz ans de Jornalet

| Abir
Jornalet espeliguèt lo 31 de març de 2012. Fasiá de temps que l’alestissiam e decidiguèrem aquela data per lo far nàisser al moment de la granda manifestacion per la lenga occitana que se teniá a Tolosa. Dètz ans puèi, demòra sonque l’opcion de contunhar e d’anar pus luènh. La còla sèm ara a pensar a celebrar en 2022 los dètz ans d’aqueste quotidian en linha. A mai d’estrenar un nòu sit web, voldriam festejar l’anniversari amb nòstres legeires que son la pèira cantonièra que sosten tot lo projècte.
 
Avèm doncas prevista una reünion de legeires de Jornalet en linha per aqueste mes de novembre. Sa tòca es d’amassar d’idèas, de suggestions, de proposicions, de criticas e tanben de presentar las activitats, las finanças, los projèctes... Seriá plan que dins aquela amassada poguèssem decidir de quin biais o podèm festejar e se podèm organizar d’eveniments endacòm; saique a Puègserguier amb la còla dels Goulamas-k? saique dins qualque Total Festum? saique a l’Estivada? al Festenòc? al Hestiv’òc? al Baladòc...? benlèu pendent la Corsa d’Aran per sa Lengua? A l’EOE? Al 20n anniversari de Macarèl?
 
Per far aquela reünion en linha, avèm previstas qualques datas e oras del mes de novembre, sètz pregats de clicar aicí e d’indicar las datas e oras que vos convendrián mai per fin de convocar l’amassada a la data que vos satisfarà mai a totes. Tre qu’aurem decidida la data vos mandarem l’òrdre del jorn e totas las informacions que cal per se connectar.


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bodiu
10.

#8 e en mai d'aquò es pas iò qu'ai dich que la producion occitana èra paura, lo que o diguèc es #1

Dins mon comentari #3 repreni las questions que se pausa lo #1

Per lo problèma de razon / pas razon, sabèm totis que dempuèi tot temps l'occitanisme a razon pertot, sufís d'agar ont n'es ara per se pausar la question de saber se de còps se sariá pas enganat endacòm !

  • 2
  • 0
Bodiu
9.

#8

Lo problèma es pas d'aver razon o pas, lo problèma es de far las causas coma cal !

E s'avèm pas de public per totas aquelas creacions n'en cal saber lo perqué !

  • 2
  • 0
Jessie
8.

#7 Quina raciocinacion per provar qu'avètz rason ! Anem, avètz rason, pas cap de problèma, la creacion occitana es paura, lo conte es dich. Vos daissi amb vòstras questions, qualqu'un de mai fin que ieu i respondrā saique.

  • 0
  • 0
Bodiu
7.

#6

Cal tornar botar causas en plaça .

D’en primièr m’avetz pas tornat responsas a las questions #5, d’aici endreg, o podetz benlèu pas far d’aqui estant que las chifras vos son de manca (las ai pas tanpauc, nimai se sap pas se son resconduts dins qualques tiretas).

La creacion occitana paura o pas ?

Per i far repòsta podèm sonque diser qu’avèm lo sentit qu’es milhona qu’un còp èra, mas avèm cap de chifras per o destrar e de fach o poder afortir o pas. Es sonque un sentit personal que pòt èsser cambiadís jos l’aflat de mantuns factors indetermenats que damoran non averigables.

Poder destrar la producion nos permetriá d’aver un indicator publicat cada mes sus 15 meses limpaires e plan segur un agach mai espepissat cada an. Atal poiriam afortir çò que per l’ora avèm pas, mas qu’a vista de nas nos semblariá patin cofin, atal espantant.

En repentida, per aver una idèiá enquèra mai espepissada e finòta la producion nòstra sariá d’èsser comparada amb çò produg dins autres país nos permetriá de saber sus qu’un esparon fasèm trantòl. Pel moment es una autra istòria.

Avèm granda espeissedat de mancas

  • 1
  • 0
Jessie
6.

#5 Ieu tanben me parli solet, òc segur, o planhi, mas demòra fals de dire que la creacion occitana es paura. La lenga se morís, clar, mas i a de creators a bodre, es saique una paradòxa,un fum de creacions mas pas gaire de public...

  • 1
  • 0

Escriu un comentari sus aqueste article