Bandièra01 capçalera  1180x150: Novestivada

editorial

Un segond torn complicat

| Reuters
Es pas necite de far las causas ben, simplament cal que l’adversari siá pièger per que t’elegiscan. Vaquí un biais de far de politica qu’en França s’es menat fins a l’extrèm e qu’ara pòt espetar. Dempuèi longtemps s’es donat de vam a l’extrèma drecha e s’es banalizat e noirit son discors patriotic, racista e omofòb. Aital, gaullistas e socialistas s’asseguravan d’èsser elegits se passavan al segond torn, conscients que lo front republican dels partits tradicionals contra l’extrèma drecha foncionava.
 
En consequéncia, Emmanuel Macron esperava tanben una reeleccion aisida en aqueste segond torn. Sa prevision èra que totes los partits de drecha e d’esquèrra demandarián lo vòte per el amb la consigna d’empedir, a tot prètz, una victòria de l’extrèma drecha. Mas ailàs aqueles partits an patit una revirada electorala e financièra. Ara, la victòria de Macron depend doncas dels votants de Mélenchon. Se cresètz qu’eles elegiràn Macron? Jamai un president aviá pas congreat tanta contèsta sociala.
 
Ièr dissabte, raportàvem de mobilizacions d’estudiants que n’an pro d’aquel cantatge e que son pas dispausats a legitimar Macron per tal d’evitar l’extrèma drecha.
 
Se passa Marine Le Pen, França vendrà una autra Ongria amb las diferéncias que lo percentatge de populacion racializada i es fòrça màger e que lo conflicte social i pòt èsser dramatic. Per quant a l’occitan, podèm imaginar çò que nos arribarà, compte tengut de la politica catalanofòba d’Aliot a Perpinhan. E los responsables d’aquela catastròfa seràn totes aqueles que dobriguèron fa longtemps la caissa de Pandòra en donant de vam a l’ultrapatriotisme racista perque lor conveniá de far de cantatges electorals.
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
15.

#14
Òsca per la cançon !

Ara, manca l'autra partida del diptic per que siá complèta.

  • 0
  • 0
Patrici
14.

"Atau cau pas que siòsque"

Que'm hè tremolar quan l'enteni
Que'm hè hasti quan la vei
Voleri pas que'm tòque.
Dab era que soi mensh hòrt
Dab era que soi mes òrb.
La soa votz que'm hè húger
Que'm hè sagnar las aurelhas
La vesi se lecar los pòts
Quan m'amuisha çò d'inconegut
Quan me mia dens les pregondors
Deu fascisme esconut.
E dab sa ledor desgostanta
Que volerí que hasosse
Desvelhar la consciença de'us qui la cranhen
E shisclar la vergonha a'us qui la sostenguen.
Que't voi har conéisher
Que't voi desnonciar
Tà non pas estar sol a t'espudir.
Tu, Marina.

Destornat deu poème "Atau qu'ei " -(A l'endòsta de l'endòl" - Lionel Labòrda -Per noste 2020)

Que'm hè tremolar quan l'enteni
Que'm capvira quan la vei
Que'm segoteish quan la tòqui.
Dab era que soi mei hòrt
Dab era que soi mensh òrb.
La soa votz que se m'apèra
Que'm cacalica las aurelhas
Qu' aimi quan me leca los pòts
Quan m'amuisha çò d'inconegut
Quan me mia dens les pregondors
Deu saber esconut.
E dab sa beutat sabrosa
Que volerí que hasosse
Desvelhar l'enveja de'us qui la cranhen
E shisclar lo plaser a'us qui la mestrejan.
Que't voi har conéisher
Que't voi partatjar
Tà non pas estar sol a t'aimar.
Tu, ma Lenga.



  • 2
  • 0
cebrila montpelhièr
13.

Mas, aqueles prtzfach son pas dins una canson occitana novela sus cada jorn de la setmana ?
Me podetz dire qual setz ? Que que siî es son de bonas causas de far dimenge !

  • 0
  • 1
Badaluc
12.

A fòrça de far al pus colha, se jamai Marine Le Pen èra elegida auriam bona mina.

  • 6
  • 5
Emmanuèl Isopet
11.

#5 Per aqueles que pensan que se podrà arrestar l'extrèma drecha dins la carrièra un còp arribada al poder, lor farai remarcar que quand òm es pas capable de levar una majoritat per anar pausar un papièr dins una urna, es utopic de pensar trobar una majoritat per s'anar prendre trucs e patacs, se far empresonar e maltractar per una policia (que vòta largament a l'extrèma drecha) qu'aurà bèl jòc d'aparar un resultat democratic. I a sonque los trotskistas per creire al 4° torn. E encara, los d'Arthaud.

  • 19
  • 7

Escriu un comentari sus aqueste article