Bandièra01 1180x150: Comuna de Tolosa

editorial

Qui benefícia del racisme?

L’episòdi de racisme que vegèrem dijòus passat a l’Assemblada Nacionala francesa es pas un fach isolat. Al contrari, es la mòstra d’una inquietanta banalizacion del racisme que de mai en mai es enrasigat dins nòstra societat. Avèm un problèma fòrça grèu que resolverem pas amb l’expulsion d’un deputat pendent 15 jorns.
 
Fa qualques jorns, lo cap dels d’afars exteriors de l’Union Europèa, lo socialista Josep Borrell, disiá qu’Euròpa èra un “jardin” e que la rèsta del Mond èra “la jungla”.E mai Varoufakis aja aviat una campanha per exigir sa demission, res s’es pas pasat. E de fach, Grégoire de Fournas e Borrell son pas brica luènh de la teoria conspiracionista del grand remplaçament o dels discorses de Trump, Orbán, Meloni o Zemmour. Lo racisme s’es installat en cò nòstre amb la complicitat de tota la classa politica, de drecha o d’esquèrra, pr’amor que, fin finala, totes an per interès d'amagar la lucha de las classas.
 
Los quartièrs pus paures d’Occitània, e de tota Euròpa, patisson una grèva crisi sociala e los sols a la denonciar son los que ne fan l’explica populista, simpla e racista: “Los estrangièrs son de delinquents e devon tornar en Africa”. Mas sembla que degun es pas interessat per las questions de fons:
 
— Perqué lo mond migran?
 
— Perqué lo mond que migran o fan totjorn de las ancianas colònias devèrs l’èx-metropòli?
 
— Perqué los endreches que foguèron colonizats son tan paures? Al moment de la colonizacion devián èsser rics, autrament los aurián pas colonizats.
 
— Qui benefícia del petròli, del gas, de l’urani, dels diamants, etc.?
 
Quand aquelas questions seràn publicament pausadas, benlèu se quitarà de cridar “que se’n tornen en Africa” e se cridarà “que se torne a Africa tot çò que se panèt” e “que quiten Africa los esplechaires e los espoliaires”.
 

abonar los amics de Jornalet

 

 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Armanhòls
15.

#14

La presa de notas del greffe de l’assemblada nacionala mençona plan lo plural tanplan coma l’enregistrament dels debats.

Lo sicut èra lo batèu cargart de migrants.

Es validat pel burèu de l’assemblada nacionala.

De notar tanben que lo deputat fusquèc forabandit mentre 15 jorns de l’assemblada, non pas per racisme o xenofòbia, mas per « manifestation troublant l’ordre ».

l’occitanisma se chorrís empobolat pels armanhòls de l’extrema esquèrra. Una puta fin !

  • 5
  • 3
Lo païs dels Potonors d\'extrèma-esquèrra Torn d\'Evòri
14.

#10 Abans de contunhar aquela discutidida que vira en bocla, cal clarificar la situaction.
Oficialament, lo Fournas es estat escluït de l'assemblada per avec dit "Torna en Africa !" al deputat negre de pel que se ditz Bilongo. Aquò es estat denonciat pels deputats LFI, còp sec représ per l'AFP, en seguida per los montons preusdo-jornalistas de la premsa nacionala franchimanda, lo quite president Macron a reagit, e fasèt logicament escadal al nivèl exagonal... quitament en Occitània (la pròba)...

Question : es que lo Fournas a dit "Torna en Africa !" e aquò es vertat, vist lo contèxte, es una frasa racista, e podèm alavetz quitament dins "Jornalet", o denonciar ?

Pr'aquò... Qualquas oras aprèp, aprenèm que lo deputat Bilongo preniá la paraula per evocar un naviu de migrants en dificultat en Mediterranea, e qu'es alavetz que lo Fornas a gulat la frasa "Qu'il retourne en Afrique !" (que s'en tòrne en Africa).

De plan comprendre que l'exclusion de l'assemblada del Fournas es per aver dit, segon los deputats melenchonistas, "Torna en Africa !" al deputat negre Bilongo, e se o a dit, es una frasa racista inaceptabla, e es pr'amor d'aquò que, a part lo RN, l'integralitat dels deputats e lo quite president Macron se son ofuscats...

Lo problèma es que coma la frasa es estada dita dins lo brut de l'assemblada, s'enten pas dins los enregistraments ! n'i a de quite deputats melenchonistas present dins l'Assemblada qu'admetan onestament ara pas aver entendut exactament çò qu'a dit, se son fisats a la version oficiala de lor partit...

Alavetz, ara que lo president Macron el meteis s'es ofuscat qu'un deputat aja dit una frasa racista... Se lo Macron o a dit, es qu'es vertat. PUNT.

Donc, totes los motons dels medias franchimands (e Jornalet tanben) an decidit de far lor "UNA" e de polemicar a partir d'aquesta informacion... Una informacion que la sorga es lo burèu melenchonista (lor interpretacion dels faits)...

Per contra, ara, e aquò se legís de'n perot suls fialats, 99% del monde pensa que lo Fournas parlava del naviu.

Or, se la polemica es estada inicialament lançada, es pr'amor que, segon "los qu'an entendut la frasa del burèu dels insoméses" (totes los melenchonistas l'an pas entenduda, o reconeisson ara) denoncian lo fait racista de díser a un deputat de color de pel negre "TORNA EN AFRICA !!!"...

A l'ora d'ara, 99% del monde pensa donc que l'opinion publica e lo quite president Macron son estat victimas d'una manipulacion propagandista dels melenchonistas...

Dempuèi, n'i a qu'ensajan de "ratrapar lo còp", en díser "òc, benlèu... bon, de tot biais, diser a un naviu de tornar en Africa es tanben racista fin finala, pr'amor que l'òm pòt supausar que s'agís de migrants Africans, e aquí tanben es pr'amor de la color de pel que los del FN o vòlon pas, s'èra un naviu de migrants venguts d'Ucraïna o aurian pas dit etc..." BLA BLA BLA ! inicialament, era pas aquò, l'afar part pr'amor que Fournas auriá dit "Torna en Africa" a Bilongo, èra pas brica question del naviu !!!

Mès o sabètz : val milhor une vertat que rassegura ("Lo RN es un nis de racistas") qu'una vertat qu'emmerda ("Los melenchonistas nos an manipulats"), e tanben qu'es dangeros d'aver rason quand la majoritat s'engana...


  • 10
  • 4
Lo païs dels Potonors d\'extrèma-esquèrra Torn d\'Evòri
13.

#10 Abans de contunhar aquela discutidida que vira en bocla, cal clarificar la situaction.
Oficialament, lo Fournas es estat escluït de l'assemblada per avec dit "Torna en Africa !" al deputat negre de pel que se ditz Bilongo. Aquò es estat denonciat pels deputats LFI, còp sec représ per l'AFP, en seguida per os montans preusdo-jornalistas de la premsa nacionala franchimanda, e lo quite president Macron s a reagit, e fasèt logicament escadal...

Question : es que Fournas a dit "Torna en Africa !" e aquò es vertat, vist lo contèxte, es una frasa racista, e podèm alavetz quitament dins "Jornalet", o denonciar ?

Pr'aquò... Qualques oras aprèp, aprenèm que lo deputat Bilongo preniá la paraula per evocar un naviu de migrants en dificultat en Méditerranea, e qu'es alavetz que lo Fornas a gulat la frasa "Qu'il retourne en Afrique !" (que s'en tòrna en Africa).

De plan comprendre que l'exclusion de l'assemblada del Fournas es per aver dit, segon los deputats melenchonistas, "Torna en Africa" al deputat negre Bilongo, e se o a dit, es una frasa racista inaceptabla, e es pr'amor d'aquò que, a part lo RN, l'integralitat dels deputats e lo quite president Macron se son ofuscats...

Lo problèma es que coma la frasa es estada dita dins lo brut de l'assemblada, s'enten pas dins os enregistraments, n'i a de quite deputats melenchonistas present dins l'Assemblada qu'admetan onestament ara pas aver entendut exactament çò qu'a dit, se son fisat a la version oficiala de lor partit...

Alavetz, ara que lo president Macron el meteis s'es ofuscat qu'un deputat aja dit una frasa racista... Se lo Macron o a dit, es qu'es vertat. PUNT. Donc, aquí, Jornalet coma totes los motons dels medias franchimands an decidit de far lor "UNA" e de polemicar a partir d'aquesta informacion... venguda burèu melenchonista...

Per contra, ara, e aquò se legís de'n perot suls fialats, 99% del monde pensa que lo Fournas parlava del naviu. Or, se la polemica es estada lançada, es pr'amor que, segon "los qu'an entendut la frasa del burèu dels insoméses" (totes los melenchonistas l'an pas entenduda, o reconeisson) denoncian lo fait racista de díser a un deputat de color de pel negre "TORNA EN AFRICA !!!"... A l'ora d'ara, 99% del monde pensa donc que l'opinion publica e lo quite president Macron son estat victimas d'una manipulacion propagandista dels melenchonistas...

Mès o sabètz : val milhor une vertat que rassegura ("Lo RN es un nis de racistas") qu'una vertat qu'emmerda ("Los melenchonistas nos an manipulats"), e tanben qu'es dangeros d'aver rason quand la majoritat s'engana...


  • 9
  • 5
Ugenon
12.

#10 Chau absoludament damandar embé los òmes de man dau Grand Timonèir Melenchon d'anar fotjar los enregistraments de l'Assemblada, per veire si lo meschant deputat De  Fornàs fai  d'ordinari la liason d'après lo vèrbe a la 3a persona dau plurau ! E si quò manca, damorará enquèra lo detector de messonjas… o lo trumentatge ! #Guilhotina

  • 6
  • 16
Emmanuèl Isopet
11.

"Perqué lo mond que migran o fan totjorn de las ancianas colònias devèrs l’èx-metropòli?"
Atencion, aquesta frasas es un ponciu, mas es pas "totjorn" la realitat, se'n manca, e de luènh.
Los contra-exemples son nombroses, avèm pas qu'a relevar lo nombre d'immigrats en França que venon de païses jamai colonizats per França (Espanha, Itàlia, Portugal, Polonhia, Ucraïna, Afganistan, China...).
Tanben avèm tendéncia quand vesèm un immigrat vengut d'una anciana colonia a far lo ligam, sens anar veire las chifras: ont migran los tchadians? cap a Nigèr, Nigeria, Soudan, Cameroun.
Ont migran los senegaleses? 50% en Africa, 40-45% en Euròpa, lo demai en America e en Asia.

  • 16
  • 0

Escriu un comentari sus aqueste article