Bandièra01 capçalera  1180x150: Botiga

editorial

E Ben, nos bolegarem!

Ben a la manifestacion per l’occitan, a Carcassona en 2009
Ben a la manifestacion per l’occitan, a Carcassona en 2009 | Guilhèm Sevilha

Dimècres passat, nos quitèt Ben Vautier, lo brave artista niçard conegut per son caractèr excentric e son indiscutibla contribucion a l’art contemporanèu. Reconegut internacionalament, Ben Vautier non èra pas solament un artista plastician, mas tanben un agitaire public, critic d’art, poèta, fotograf, pintre, decoraire e editor de libres.

Èra plan conegut per sas frasas filosoficoartisticas, sovent escrichas sus de quasèrns, estuges e sacs d’esquina, que lo faguèron venir popular demest los mai joves. Foguèt un digne eiretièr dels dadaïstas e de Marcel Duchamp, e un representant important del movement Fluxus, conegut per sos happenings e accions de carrièra.

Fòrça mèdias an raportat lo decès de nòstre plan aimat artista. Pasmens, pauques an evocat son combat occitanista, non per manca d’informacion mas per aquel mesprètz tan normalizat e banalizat que patissèm tostemps. Totun, Ben èra un brave occitanista. Dins son prètzfach d’artista comunicaire o comuniquèt ben: sostenguèt tostemps l’occitan e los dreches per la dignitat dels pòbles minorizats, participèt activament a las manifestacions per l’occitan e prepausèt generosament son art pel combat occitanista sus de tampas de libres, d’afichas e de tablèus ont se podiá legir: “Siáu Ben aquí”, “Occitan parla ta lenga”, “Volèm l’occitan a la television”, “Parla niçard”, “Siguètz realistas, demandatz l’impossible”, “Cu pèrde la lenga pèrde son país” o “Occitània bolega-ti”, especialament.

“Occitània bolega-ti”,  çò disiá Ben. E ben, nos bolegarem! E Ben, nos bolegarem! Après una vida consagrada a comunicar e transmetre de sentiments, de passions e de pensadas justas, es entre nòstras mans de demostrar que faguèt bona òbra. Qu’Occitània se bolegue es lo melhor dels omenatges que poiriam rendre a Ben.

 

 

Aicí es pas defendut de parlar occitan
Aicí es pas defendut de parlar occitan
Una cultura pòt tuar una autra
Una cultura pòt tuar una autra
l'art es de pertot
l'art es de pertot
Vau mai tard que jamai
Vau mai tard que jamai
Camina o pantais
Camina o pantais
E Ben, nos bolegarem!
E Ben, nos bolegarem!
Cu perde la lenga, perde son país
Cu perde la lenga, perde son país
Occitània bolega-te!
Occitània bolega-te!
N' i a pron, siáu òc e fièr de l'èstre
N' i a pron, siáu òc e fièr de l'èstre
Occitània bolega-te!
Occitània bolega-te!
Occitània liura
Occitània liura
I pas de pòble sens cultura ni de cultura sens lenga
I pas de pòble sens cultura ni de cultura sens lenga
Tampa del libre d'Andrieu Abbe
Tampa del libre d'Andrieu Abbe
Aficha de la manifestacion per l'occitan a Besièrs 2007
Aficha de la manifestacion per l'occitan a Besièrs 2007

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lachaud
1.

E ben bolenga nos dins la conaria.
Brejam nos entre los que son nascuts d'un costat de la Garona e los que son nascuts de l'autre costat, entre los que son nascuts dau costa dau soleh levant e los que son nascuts de l'autre costat.
Snobam la politica que sem au-dessus de tot aquò
Siajam los gardians de l'ortodoxia religiosa, laica, de la sciença materialista, de la medecina convencionala qu'an totas per filosofia la ierarchia e l'obeissença a un cador que se prend per un diu.
Siajam los gardians d'un diu creat per l'òme e a l'imatge de l'òme, autoritari e pervers.
Snobam lo catarisme, la lucha daus camisards, la lucha de 1500ans d'agression militari o administratif contre los occitans e la cultura occitana.
Snobam las contestacions d'una partida de la populacion contre nòstre biais de governar los estats e la societat.

Au diable, lo monde cambia. Demandam una societat sens ierarchia, qu'obeit a las leis d'amor e au respect de tot çò que viu. Cambiam de dirigeants mesme si l'òm tròba pas los novels dins la politica o la religion.

  • 7
  • 7

Escriu un comentari sus aqueste article