CAPÇALERA2: AMICS DE JORNALET

Jornalet, gaseta occitana d'informacions

Dissabte, 24 de febrièr

editorial

Dimenge, 12 de novembre de 2017, 03h00

Doctor horroris causa


Comentaris 8 comentaris    
Marrit Flac Bon Plan bon Fabulós (14 vòtes)
carregant En cargar


Dempuèi pauc mai d’un an, la vila de Taghzut, tanben coneguda per son nom arabi Al Hoceima, es lo centre d’una cauma generala e de manifestacions. Las protèstas seguisson la crida del Movement Popular (Amussu agherfan en berbèr o Hirak chaabi en arabi) e tenon totjorn un caire social. Denóncian la seculara marginalizacion economica que la patís lo país del Rif, estofat pel govèrn de Marròc, e revendican de melhoraments dins l’educacion, la santat e l’emplec. Los mèdias ne parlan pas gaire, dins Jornalet n’avèm parlat segon nòstras possibilitats. Mas l’afar es fòrça grèu, e ara tota aquela injustícia e repression que la patís lo pòble rifenc multiplica l’exòde en Euròpa.
 
Segon The Guardian, lo nombre de migrants rifencs qu’ensajan d’arribar en Euròpa s’es multiplicat per tres. Aqueste estiu passat a aumentat considerablament lo nombre de personas que riscan lors vidas dins lo cort mas dangierós percors que dessepara los reialmes de Marròc e d’Espanha. Segon de donadas de Frontex, entre genièr e agost de 2017 l’estrech de Gibartar an ensajat de lo traversar aperaquí 13 600 personas, çò es tres còps mai que pendent lo meteis periòde en 2016.
 
Mas los que capitaràn d’arribar vius en Euròpa, que trobaràn?
 
E mai se tot lo mond que fugisson lo Rif deurián èsser aculhits coma de refugiats politics, Euròpa los tractarà coma de migrants illegals, car en Euròpa i a de personas legalas e illegalas. Los refugiats rifencs arribaràn dins un territòri ostil, miserable e que promòu l’òdi, contra los migrants, contra los refugiats e contra los quites europèus.
 
Euròpa a cabussat lo pòble grèc dins la misèria per d’interèsses economics, e a pas respectat las decisions votadas democraticament pels ciutadans de Grècia.
 
Euròpa a fach un pacte amb Erdoğan, modèl democratic, per aculhir pas pus de refugiats sirians que fugisson la guèrra.
 
Euròpa, ara, agacha devèrs un autre luòc quand Espanha somet Catalonha en batent lo mond que vòlon votar, en encarcerant son govèrn, en fomentant las agressions ultradrechistas per carrièras, en jutjant e condemnant lo mond que manifèstan pacificament...
 
E mentretant l’actual president de la Comission Europèa nos a dich qual es lo prètz de la vergonha. Son posicionament al costat de la politica neofranquista es recompensat amb lo prèmi Prince d’Astúrias, recebut de la man del quite rei d’Espanha, e es nomenat doctor honoris causa per l’Univeristat de Salamanca, amb una abraçada de Mariano Rajoy.
 
Juncker se ditz crestian, coma Rajoy, que tanben va sovent a la messa. De fach, es l’ultradrecha europèa que se revendica la mai crestiana. E la còla de Jornalet nos demandam çò que pensan tota aquela gentalha que govèrna Euròpa quand escotan l’Evangèli a dire: “Car ai agut fam, e m’avètz donat a manjar; ai agut set, e m’avètz donat a beure; soi estat estrangièr, e m’avètz aculhit; soi estat nud e m’avètz vestit; soi estat malaut, e m’avètz vesitat; soi estat en preson, e sètz venguts devèrs ieu”?

 


abonar los amics de Jornalet



publicitat



Comentaris

13 de novembre 20.38h

L'article conclutz amb le crestianisme paradoxal de dreita en general e de Rajoy e Juncker en particular.
Un paradòxe es pas qu'una contradiccion aparenta. De fait, le crestianisme catolic d'estat fosquèt instituat damb l'empereire roman Constantin e sostenguèt totis les regimes monarquistas en seguida.
Citar l'Evangèli pòt s'interpretar coma un messatge subliminal per fin de far passar la caritat coma vertut politica.
Per aitant, fosquèssa le crestianisme, ben d'esquèrra?
La caritat es ... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 de novembre 10.49h

Europa fa l'estrucia, aquò's una tradicion. Qu'en 1936 jà abandonèt Espanha "per s'estalviar un perilh mai grand". França se'n congostèt a l'epoca en disent qu'avia atal escapat a la guèrra. La seguida foguèt a l'auçada d'aquesta tartarinada. Brussèlas fa çò mèsma e nos afortis, per la votz de son divertissèire Juncker, qu'en daissant Rajoy escanar lo gobèrn catalan, aquò ajudarà Europa a servar son unitat e sos ideals democràtics ! L'Istòria nos demostra que quand òm fa l'es... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 16.10h

Soi pas complètament d'acòrdi, mas lausi la qualitat editoriala del Jornalet.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 13.46h

Mai aisit per un camèl de passar pel trauc d'una agulha que per Junker claufit de moneda de dintrar dins lo reialme de Dieu. mas se se vòl acontentar de reialme de franquistalha e d'un Borbon four roses, se pòt anar far veire a Salamanca, a çò dels fraires inquisitors, dignes eiretièrs de la domengalha tolosana !


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 13.26h

Jean-Claude-Juncker ! Jean-Claude-Juncker ! Aquel Jean-Claude-Juncker qu'es ex-primièr ministre d'un païs-confèti fòrça fòrça mai pichonèt que Catalonha e que te fai lo vertuós dempuèi son Luxembórg-paradis-fiscal en condemnant la volontat populària dau pòble catalan d'aver lo seu estat ! Seriosament, quina credibilitat li acordar a-n-aquel palhaç ipocrit ?


Valoriza aqueste comentari:   votar positiu 19   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 11.49h

Instructiu https://fr.wikipedia.org/wiki/Jean-Claude_Juncker

Luxemborg leaks...


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 11.26h

#1 Al contrari, l'editorial se servís dels tèxtes crestians per mostrar l'ipocresia de Juncker e Rajoy, e de tota aquela crestianalha


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 10.51h

Aquò me sembla un editorial de revista crestiana, de conclusion estrangièra als non-cresents.


Valoriza aqueste comentari:   votar positiu 2   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

giny

Lo temps

Mapa
  • sol Agen 10 -3
  • sol Aush 9 -2
  • sol Bordèu 11 -2
  • sol Briançon 3 -4
  • sol Caors 10 -3
  • sol Carcassona 7 2
  • sol Clarmont-Ferrand 6 -4
  • sol Confolent 8 -3
  • sol Gap 12 3
  • sol La Canau 11 -2
  • pluja La Gàrdia 8 3
  • pluja La Torre de Pèlitz 6 -1
  • sol Limòtges 8 -3
  • neu Lo Borg Sant Dalmatz 6 -1
  • sol Lo Puèi de Velai 6 -3
  • nuvols Marselha 9 4
  • sol Montpelhièr 9 5
  • sol Naut Aran 6 -6
  • sol Niça 1 -3
  • sol Nimes 9 3
  • sol Pau 9 -2
  • sol Peireguers 9 -2
  • sol Rodés 10 -2
  • pluja Tolon 6 4
  • sol Tolosa 9 0
  • sol Valença 6 -3

giny

giny

publicitat

lateral 2 teveoc

Entrevista

Lo mei gran enemic de la lenga d’òc qu’ei l’ignorància

Joan-Jacme Fenié geograf e ensenhaire d'occitan

Lo mei gran enemic de la lenga d’òc qu’ei l’ignorància
publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Val de la Tiniá

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Val d'Aran, cap de Gasconha

  • © Franc Bardòu

    Asuèlhs de Lauragués

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Celèsta Toion

    La plaja espaci de libertat? D'expression?

  • © Maria Millan

    22u corsa Aran per sa Lengua (26-7-2015)

  • © Laurenç Revèst

    Lo Canet dei Mauras: Brassariá e manhanariá, luecs de vida de l'occitan provençau

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Franc Bardòu

    Coserans al còr

  • © Franc Bardòu

    Tèrra albigesa

  • Arribada de la prima en Naut Rasés. © Terric Lausa

    Arribada de la prima en Naut Rasés

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Valadas. © Xavi Gutiérrez Riu

    Valadas

  • © Laurenç Revèst

    Fòrt Maginòt de Sant Anhe

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • Al Grand Canhon del Colorado. © Severina Granet

    Concors d'estiu 2012: La fotografia de las vacanças

  • © Xavi Gutiérrez Riu

    Tarba

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)