editorial
Finançar la premsa en occitan
La Federacion Interregionala dels Mèdias Occitans (FIMÒC), que Jornalet ne fa partida, farà la setmana que ven una assemblada d’urgéncia, a causa de la davalada de la subvencion de l’Ofici Public de la Lenga Occitana (ÒPLO) de quasi un 70%. Dins aquel sens, la FIMÒC pòt pas pus assegurar la remuneracion del pòst de sa directritz, Lauriane Tresserre, e l’assemblada deurà decidir la possibilitat de son licenciament per de rasons economicas. Aquela davalada de subvencions es acompanhada per un retirament de l’ajuda a la societat Vistedit, per las publicacions Papagai e Plumalhon, qu’ajudavan a introduire l’occitan als enfants e als joves, e que tanben, elas, sostenián la publicacion de La Setmana, publicacion istorica en papièr qu’existís dempuèi 1995.
Las rasons qu’evòca l’ÒPLO son d’ambicion occitanista. Segon l’ofici, s’èra demandat a la FIMÒC de se tornar posicionar e s’es pas res fach, del temps que las publicacions per enfants e joves de Vistedit comptan solament qualques desenats d’abonats, e creson que cal subvencionar un autre actor per menar a bon tèrme aquela tòca.
En mai d’aquò, cal apondre que l’ÒPLO pòt pas subvencionar La Setmana ni Jornalet, car la lei francesa empedís lo poder public de finançar la premsa en nom, precisament, de l’independéncia de premsa. Aquò mena los mèdias en lenga occitana a una situacion de dificultat, ont la militància deu superar la professionalitat per salvar la dignitat de l’espaci occitan de comunicacion.
La còla de Jornalet sabèm que l’ÒPLO es un organisme public portat per d’occitanistas conscientizats qu’an demostrat amb lors accions una volontat de se batre per l’interès de la lenga occitana. En mai d’aquò, remembram que calguèt una cauma de la fam per reüssir a aver l’ofici. Per tant, sèm segurs que l’ÒPLO trobarà una solucion per ajudar a manténer lo pòst de Lauriane Tresserre, qu’a fach un prètzfach considerable, e un biais de poder finançar la premsa en lenga occitana, s’es pas possible amb de subvencions, bensai amb de publicitat o d’autres mejans. Avèm la fisança que nos daissaràn pas tombar, per l’interès de l’occitan.
A l’espèra d’una responsa positiva de l’ÒPLO, vos grandmercejam de vòstra solidaritat per mejan de vòstre sosten a l’ADÒC o als Amics de Jornalet.
Las rasons qu’evòca l’ÒPLO son d’ambicion occitanista. Segon l’ofici, s’èra demandat a la FIMÒC de se tornar posicionar e s’es pas res fach, del temps que las publicacions per enfants e joves de Vistedit comptan solament qualques desenats d’abonats, e creson que cal subvencionar un autre actor per menar a bon tèrme aquela tòca.
En mai d’aquò, cal apondre que l’ÒPLO pòt pas subvencionar La Setmana ni Jornalet, car la lei francesa empedís lo poder public de finançar la premsa en nom, precisament, de l’independéncia de premsa. Aquò mena los mèdias en lenga occitana a una situacion de dificultat, ont la militància deu superar la professionalitat per salvar la dignitat de l’espaci occitan de comunicacion.
La còla de Jornalet sabèm que l’ÒPLO es un organisme public portat per d’occitanistas conscientizats qu’an demostrat amb lors accions una volontat de se batre per l’interès de la lenga occitana. En mai d’aquò, remembram que calguèt una cauma de la fam per reüssir a aver l’ofici. Per tant, sèm segurs que l’ÒPLO trobarà una solucion per ajudar a manténer lo pòst de Lauriane Tresserre, qu’a fach un prètzfach considerable, e un biais de poder finançar la premsa en lenga occitana, s’es pas possible amb de subvencions, bensai amb de publicitat o d’autres mejans. Avèm la fisança que nos daissaràn pas tombar, per l’interès de l’occitan.
A l’espèra d’una responsa positiva de l’ÒPLO, vos grandmercejam de vòstra solidaritat per mejan de vòstre sosten a l’ADÒC o als Amics de Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 Ou ! Lo prèmi Jan Morèu ! Quina batèsta audaciosa e plena de vam per reconquistar l'empèri de la lenga ! Oscarem jamai pron l'OPLO d'aquesta coratjosa iniciativa, e es pas la reina d'Oxitany , Lady Delga, que ne'n dira lo contrari ! Compliments, ô mon polit OPLO.
Me demanadi, e soi pas lo sol, de qué produsís l'OPLO.
Sul site internet (totjorn provisòri…) legissi que « La prioritat es d’aumentar lo nombre dels locutors actius, es a dire de locutors en capacitat de practicar e de trasmetre un occitan de qualitat », e per aquò una tièra d'accions son marcadas :
« -lo pilotatge del convencionament Estat – Region sus l’ensenhament de l’occitan
-lo sosten estructurat e concertat a l’escala interregionala dels projèctes de desvolopament de la lenga occitana portats especialament per d’associacions
-Lo prèmi «Jan Morèu» sus l’innovacion en matèria de politica linguistica
-L’elaboracion d’un esquèma interregional de desvolopament de l’occitan
-La constitucion d’un observatòri de la lenga occitana »
Amb un budgècte de 2 236 998 € per 2016.
Ont ne sèm ara ? Qué foguèt fach ? Quina eficacitat d'aqueste organisme ? Fonciona amb d'argent public, i dèu aver una evaluacion endacòm ? Per ma part ai pas vist grand causa. Mas soi benlèu mal entresenhat.
Site de L'AFP
Util per aver d'infos: https://www.afp.com/
#10 D'en primier, chaldriá se la poer paiar, l'AFP. :-) En tot cas, los Amics de Jornalet siam a chifrar als means d'ajuar Jornalet. I siatz totes benvenguts.
#5 Parlar la lenga es benleu pas una obligacion per manténer una estructura censada promoure l'occitan, levat que s'om coneis pas la lenga aquo es sonque una abstraccion. Grosclaude parlava occitan ço qu'era per el una realitat carnala, que venia de las tripas, e pas una abstraccion. Era quicom de viscut e per l'aparar era prest a i botar sa vida en joc. L'actuala presidenta de l'OPLO, qu'es estada mesa a-n-aquel poste dins l'encastre d'un percors professional administratiu e sustot pas per un amor o un interes de la lenga, a jamai manifestat lo voler d'apréne l'oc, al contrari a eludat la question per una piroèta en disent que lo fach de pas conèisser la lenga la rendia mai objectiva (!!) per la poder desfendre ! Om vei cossi l'OPLO qu'es vengut una simpla poticha per "la région occitanie" s'es encargat d'aquesta misson. De quals se trufan aqueles ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari