Bandièra01 1180x150: Comuna de Tolosa

editorial

Un gèst de dignitat

Sèm estats a Canas. Jornalet es estat un dels milanta mèdias acreditats dins la 71a edicion del Festenal internacional de cinèma e avèm ensajat de lo raportar dins nòstras possibilitats. Es pas estat brica aisit. S'agís d’efièch d'un eveniment enòrme qu'exigís fòrça oras de trabalh e de coas longassas. Mas avèm vist certans filmes, avèm parlat amb qualque realizaire, avèm escambiat amb de mond interessant, lor avèm contat que sèm un pichon jornal escrich en la lenga d'aqueste país que compren lo sud de França, las Valadas, Mónegue e Aran, e —çò qu'es pus important— avèm raportat lo festenal en occitan.
 
L'esfòrç d'èsser estats a Canas nos a daissats fatigats e sens argent, mas a valgut la pena. D'un costat, nos emportam una experiéncia unica e de l'autre avèm fach un pichon gèst de normalizacion. Dins un país normal, tot festenal de cinèma o quin autre eveniment màger que siá, se tendriá dins la lenga del país, e seriá raportat dins los mèdias del país en aquela lenga. Es pas lo cas de Canas, e es probable que nòstra preséncia aja pas brica contribuit a normalizar l'usatge social de la lenga del país al país. Mas o avèm fach per coeréncia amb la tòca de Jornalet: servir Occitània coma mèdia independent amb dignitat.
 
E mentre que metèm nòstre modèst granet de sable dins aquel optimista procès de normalizacion, esperam que lo movement occitanista capite un jorn, que lo pòble occitan aja enveja de se mostrar al Mond coma tal, e que s’ane a Canas durant lo festenal internacional de cinèma per saludar los vesitaires e lor donar la benvenguda en Provença, es a dire, en Occitània.



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.

Òsca a la còla del Jornalet!
Dins vòstras possibilitats, avètz fach un trabalh remirable.

  • 11
  • 0
Glück
1.

Un còp de mai un trabalh d'infò generalista e de normalizacion remarcables.

  • 14
  • 0

Escriu un comentari sus aqueste article