CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Entrevistas

Dimenge, 14 d'octòbre de 2018, 03h00

Es una militància que fa viure Aquò d’aquí

Michèu Neumuller Cap-redactor d'Aquò d'Aquí
Comentaris 4 comentaris    
Marrit Flac Bon Plan bon Fabulós (8 vòtes)
carregant En cargar


La Setmana, lo setmanièr en papièr occitan, es mòrta. Ara tot çò que i a es numeric. Amb una excepcion, ça que la. Demòra lo mesadièr provençal Aquò d’Aquí.

 
 
Ara que La Setmana es morta, sètz los darrièrs resistents per çò del jornalisme en papièr.
 

« L’estiu passat, cabussèt nòstra collèga La Setmana perque poguèt pas trobar la subvencion publica que l’auriá ajudat a viure o a subreviure. Es nòstra escomesa, lo public basta pas per nos faire viure »

Aquò d’aquí a crebat l’uòu en 1987, e a l’ora d’ara es verai qu’es l’ultim jornau en papier regularament publicat. L’estiu passat, cabussèt nòstra collèga La Setmana perque poguèt pas trobar la subvencion publica que l’auriá ajudat a viure o a subreviure. Es nòstra escomesa, lo public basta pas per nos faire viure. Avèm besonh d’ajuda publica. Es un pauc l’escomesa d’Aquò d’aquí, d’assajar de se passar d’aquelei subvencions publicas e de faire una rampelada au monde per trobar pron d’abonats. Fa dos ans, dos estius, en 2016, agueriam lo mesme problèma. Lo Consèu Regionau de Provença nos privèt d’un terç de sa subvencion, e la reaccion de la còla Aquò d’aquí siguèt de demanar au monde de s’abonar. Tres mes après, amb 330 abonats suplementaris lo jornau es sauvat. A l’ora d’ara avèm pas un problèma immediat de subrevivença, mas podriá arribar encara.
 
 
Un còp nos diguèretz qu’Aquò d’aquí èra un mesadièr de portada provençala, qu’aviá la volontat de far pas concurréncia a La Setmana. E donc, ara? Avètz pensat d’ofrir de premsa escricha de proximitat a aqueles occitans que vòlon legir la premsa en papièr?
 

« L’escomesa es de poder faire nàisser un mèdia alternatiu per aquelei gents que ne son orfanèus a l’ora d’ara »

« Sembla que i a un projecte de jornau de la region qu’a pres lo nom d’Occitània, mas seriá un jornau institucionau, e un jornau institucionau per definicion es pas un jornau independent »

A l’ora d’ara, podèm regretar que lo public lengadocian, o gascon, o d’Aquitània... se tròbe coma orfanèu. Non pòdon trobar una premsa dins sei dialèctes, es un pretzfach per la premsa occitana. Per çò d’Aquò d’aquí sabi pas dire, perque es una causa qu’avèm pas pensat. Es tròp recenta, la desparicion de La Setmana. Mai l’escomesa es de poder faire nàisser un mèdia alternatiu per aquelei gents que ne son orfanèus a l’ora d’ara. Sembla que i a un projecte de jornau de la region qu’a pres lo nom d’Occitània, mas seriá un jornau institucionau, e un jornau institucionau per definicion es pas un jornau independent.
 
 
Sètz un jornal en papièr, mas tanben sul web. Lo papièr se paga, Internet es gratuit. Cossí se gerís aquò?
 

« Uei podèm pas faire un jornau sensa Internet »

Uei podèm pas faire un jornau sensa Internet. En 2012, creberiam l’uòu sul web, amb lo site web d’Aquò d’aquí. A l’ora d’ara pòdi dire qu’en 2017 i aguèt 75000 vesitaires unics, mas fau dire tanben que la mitat van fugir abans lei 10 segondas. Donc, demòran 35000 personas que s’interèssan a Aquò d’aquí per lo web, mai es a gratis. Es fòrça ben per lei gents, en particular per lei joves, aquelei joves pagaràn pas. Devèm trobar un accès a la lenga. Es una escomesa perque coma podèm subvenir ai besonhs d’Aquò d’aquí e faire un web gratuit? Lo sistèma es un pauc originau, es un sistèma de solidaritat. Lei gents que s’abònan a l’Aquò d’aquí mesadier -a la revista- pagan una partida dau web, pagan per lei mai joves. E per pagar la rèsta, demandam de subvencions publicas. Es aquò. A l’ora d’ara i a pas bensai 800 abonats a la revista mesadiera. Es pas pron, mas es pas marrit. La Setmana n’anonciava 700, e nosautres siam puslèu provençaus. Donc, es pas tan marrit, mai es perilhós.
 
 
Aquò d’aquí es un jornal que fa compromés al dintre? Aquò d’aquí presenta doas lengas, doas grafias, dos dialèctes...
 

« Aquelei gents, que son pas pagadas, o fan perque an enveja de veire la lenga subreviure »

Es un jornau associatiu. Sotalinhi tres còps: associatiu. Valent a dire qu’es una militància que fa viure Aquò d’aquí. Ieu siáu un professionau, un jornalista amb la carta de premsa, mas sensa totei aquelei benevòls que viran a l’entorn dau jornau, Aquò d’aquí podriá pas existir. Son de gents que faràn lo gròs de la revista en dialectau: provençau maritim, provençau rodanenc, niçard, aupenc... Donc, aquelei gents, que son pas pagadas, o fan perque an enveja de veire la lenga subreviure. E an rason. I a tanben una còla associativa que fan de causas que son pas ben agradivas, que son pas excitantas; coma son la clavariá. La clavairitz pòt pas dormir de nuech, per exemple.
 
 
I a de dificultats per s’abonar? Per las gents d’aicibàs de còps aquò lor sembla un pauc malaisit. I a mai que lo chèc, uèi lo jorn.
 
Òc. Per s’abonar a Aquò d’aquí i a mai d’un mejan. Evidentament es possible de mandar un chèc. Mas lo public catalan en particular, ò valencian... que se voudriá per cosinatge, ò per solidaritat... ò per plaser, per çò que se pòu legir, i a la carta bancària. Es possible de s’abonar en linha en anant a www.aquodaqui.info
 
 
 
Manèl Zabala
 
 
 


abonar los amics de Jornalet



publicitat
BANER1-2-3: DGPL DICTADES



Comentaris

22 d'octòbre 20.22h

Me sabi pas quant de temps seguirem a nos far tòrcer. L'OPLO a pres las causas en man: Clavadura de la Setmana et de Vistedit que pubicava Pumalhon e Papagai (solas revistas pels enfants).

Caldrià aver vergonha èsser subventionats? L'agricultura es subventionada, l'escòla, la prensa, los elegits las quites multinacionalas son subvencionadas amb l'argent collectiu...

Mas i a pas pron de civada per far prodol de qualques (desenas ?) de milierats d'euròs per an par aver un setmanier e... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 d'octòbre 23.23h

Se se farà "Occitania" subvencionada amb diners publics , doncs va pla! Mas cal que n'hi haja almanco un setmanier en Oc.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 d'octòbre 14.42h

#1 Prouvènço d'Aro es totjorn viu! En grafia mistralenca, mai leis articles son fòrça interessants e variats. Lo mièlhs, es d'èstre abonat ai dos jornaus...


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

14 d'octòbre 11.31h

"a l’ora d’ara es verai qu’es l’ultim jornau en papier regularament publicat." "Prouvènço d'aro" a quitat de paréisser ?


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 16
  • sol Aush 16
  • sol Bordèu 17
  • sol Briançon 15
  • sol Caors 15
  • sol Carcassona 18
  • sol Clarmont-Ferrand 15
  • sol Confolent 16
  • sol Gap 12
  • sol La Canau 18
  • sol La Gàrdia 24
  • sol Limòtges 15
  • sol Lo Borg Sant Dalmatz 17
  • sol Lo Puèi de Velai 16
  • sol Marselha 20
  • sol Montpelhièr 20
  • sol Naut Aran 15
  • sol Niça 19
  • sol Nimes 20
  • sol Pau 16
  • sol Peireguers 16
  • sol Rodés 16
  • sol Tolon 17
  • sol Tolosa 16
  • sol Valença 18

giny

giny

Vidèos

giny

giny

giny

publicitat

lateral 2 teveoc

Fotografias

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • © Franc Bardòu

    Tèrra albigesa

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Perletas preciosas

    Meissonencas en Camarga pichòta

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Castelar

  • Niça vièlha en occitan niçard. © LR

    Niça vièlha en occitan niçard

  • Era còlha dera ADÒC ath trabalh

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Ciutat de Draoníer. © Cristòu Daurore

    Ciutat de Draoníer (Val Maira)

  • País de Rasés. © Franc Bardòu

    País de Rasés

  • Briga (val de Ròia)

  • © Laurenç Revèst

    Cavairac (Costièra de Nimes)

  • Lenga occitana, istòria e gastronomia. © Laurenç Revèst

    Lenga occitana, istòria e gastronomia

  • © Laurenç Revèst

    Las Cevènas, Barjac en Val de Cese

  • País de Rasés. © Franc Bardòu

    País de Rasés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)