entrevista
«Mon trabalh es de tornar portar la cultura occitana aus que l’an perduda, aus que sabián pas qu’existissiá, aus qu’an set»
Encargada de desvolopament per la Maison Occitana de Perigòrd
Mentre que i aviá totplen de bocins d’occitan dins mas paraulas, sabiá pas qu’era nascuda dins lo monde occitan Uei parle un occitan lemosin un pauc boirat, un pauc mesclat de lengadocian Trabalhe emb la mairariá de Periguers sus un projecte culturau de territòri, valent a dire botar de l’occitan dins la vila per socializar la lenga Que l’occitan, la lenga e la cultura son nòstras racinas e qu’avem mestier de racinas per se perdre pas dins l’avenidor Pensatz que los toristas van venir espiar un chasteu qu’a pas d’istòria?
— Lo Bornat dau Perigòrd, l’escòla felibrenca,
— Novelum: la seccion de l’Institut d’Estudis Occitans de Perigòrd,
— La federacion de las calandretas de Dordonha.
A l’estiu 2021, mercés a un partenariat amb Novelum, la region e lo departament, se poguèt recrutar una persona, Clara Wendling, que foguèt embauchada après la validacion del DCL (Diplòma de Competéncia en Lenga). A ben volgut respondre a qualques questions de Jornalet.
Clara, te pòdes presentar en qualques mots (percors, formacion abans lo DCL)?
Uei trabalhe per la Maison Occitana de Perigòrd, mas dins ma vita professionala d’avans fuguei educatritz especializada pendent quinze annadas. Trabalhava dins una bela maison ont vivián daus jòunes que podián pas demorar coma lor familha.
Ma formacion avans lo DCL? Lo diplòma d’educatritz especializada, una licéncia en sciéncias de l’educacion e enquera avans un DEUG de filosofia (mas lo DEUG quò existís pus!).
Cossí sès intrada en contacte amb lo mond occitan?
Quò es una question plan interessanta. Avans la formacion DCL, mentre que mos grands eran d’Avairon e parlavan la lenga, que i aviá totplen de bocins d’occitan dins mas paraulas, sabiá pas qu’era nascuda dins lo monde occitan.
Lo prumier contacte vertadier fuguet quand mos enfants intreron a la calandreta de Periguers.
Que t’a motivat per sègre la formacion DCL?
Xavier Jullien! Ex-president de la Federacion Calandreta de Dordonha e professor d’occitan dins l’Educacion Nacionala francesa e dins lo monde associatiu.
D’un biais mai seriós, a un moment de ma vita aguei la chausida entre tornar far l’educatritz o segre la formacion DCL. E m’agradava mai de far quauqua ren de noveu, d’aprene quauqua ren de noveu. Subretot que trobava que la lenga que mos dròlles aprenián a la calandreta sonava pas coma la de mos grands, me faliá esclarzir aqueu misteri! Laidonc uei parle occitan, un occitan lemosin un pauc boirat, un pauc mesclat de lengadocian.
Nos pòdes dire en qualques frasas en qué consistís ton trabalh actual?
Sei charjada de desvolopament per la MOP. Mas missions son d’engenhar e de desvolopar daus projectes en favor de la lenga e la cultura occitanas en Perigòrd. Per exemple, trabalhe emb la mairariá de Periguers sus un projecte culturau de territòri, valent a dire botar de l’occitan dins la vila per socializar la lenga. Podem tanben organizar daus eveniments artistics o autres. Per tornar prene una plan bela frasa de Monica Burg, mon trabalh es de tornar portar la cultura occitana aus que l’an perduda, aus que sabián pas qu’existissiá, aus qu’an set.
Que respondriás al mond que te dirián que l’occitan presenta pas d’interès per l’avenir ni d’un ponch de vista economic?
Qu’ai un trabalh mercés a l’occitan!
Subretot que podem pas anar en quauque luòc si sabem pas d’ont venem. Que l’occitan, la lenga e la cultura son nòstras racinas e qu’avem mestier de racinas per se perdre pas dins l’avenidor. Que conéisser sa cultura permet de trasconéisser las autras culturas.
D’un punt de vista economic vau parlar nonmàs dau torisme... Pensatz que los toristas van venir espiar un chasteu qu’a pas d’istòria? Pensatz que las gents van en vacanças per viure exactament coma chas eus, o puslèu per viure una experiéncia “d’exotisme pròche”? Espiatz çò que se passa au Bascoat o en Bretanha....
E de tot biais l’occitan pòt far daus emplecs dins la cultura, lo torisme, lo patrimòni, e tanben l’educacion o balha un “quauqua ren” de mai a un restaurant, un merchat…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5
Mai polida la Ròda =>>https://ibb.co/nLTGVpN
Es atal que poriá èsser https://ibb.co/6bGcbhd
Apèi sufís d'entièrar las accions per las quatre partidas :
Conscientizar
Socializar
Ensenhar
Averigar
Tot plen d’encoratjaments !
#2
Las racinas de tu, son per iò rasigas. e los raiçes, los raiçs tèus.
Per me, dins mon lengatge de paisan limosin; las racinas son de las caròtas o daus legumes a minjar.
Las racinas daus aubres se disan las raiçs.
Pus important quò es la cultura. Quala cultura volam-nos espandre? La cultura limitatia au torisme, au patrimoni, au torisme per far plasir au governament?
Podam benleu pensar a una cultura pus importanta basada nonpas sur lo passat mas sur la creacion. Coma crear quand l'òm es totjorn clavat dins una educacion plan condicionada per la paraula oficiala, lo politicament corect? Coma zo far quand, avem totjorn mestier de pas far despiech aus poders en plaça que siajan lo governament (e tots sos services que van de l'economia, a la finança, l'educacion; la sciença, la technologia e tot çò que gera) o nòs parents o nos educators scolaris e professionaus?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari