CAPÇALERA2: IEA-AALO

Jornalet, gaseta occitana d'informacions

Diluns, 19 de novembre

Entrevistas

Dimenge, 29 de setembre de 2013, 03h00

Era musica definís ua importanta part dera cultura e dera identitat d’un país

Entrevista de Crazy Álvarez musician
Comentaris 5 comentaris    
Marrit Flac Bon Plan bon Fabulós (18 vòtes)
carregant En cargar


L’hip hop es un movement artistic que nasquèt al quartièr sud del Bronx nòvayorkés. Se basa sus quatre aspèctes culturals: lo cant mai conegut coma rap (rapping o MCing), lo ditjeiisme (DJing o turntablism), la dança (breakdancing o bboying) e lo grafiti. Mas tanben se manifèsta dins lo beatboxing (la tecnica d’imitar la musica amb la boca), l’activisme politic e lo dessenh de vestiments o de complements.
 
L’union de dos d’aquestes elements, lo Master of Ceremony (MC) e lo ditgèi (DJ), forman l’estil musical de l’hip hop. Lo rap consistís a cantar o parlar de paraulas rimadas, acompanhadas d’un ritme repetitiu e sincopat, que normalament parlan de la vida per carrièras, de critica sociala o d’eles meteisses.
 
L’hip hop arriba a la Val d’Aran de la man de la còla SHHNHC (Sin Hip Hop No Hay Crew), e lo rap lai sona per lo primièr còp en lenga nòstra amb Crazy Álvarez, escais de Tònho Barrau, que l’11 d’octòbre que ven ofrirà a Vielha
lo primièr concèrt de rap en aranés, en un espectacle entitolat Expression Verbau. Nos en parla el meteis.
 


Donques se tracte d’Expression Verbau, probablements eth prumèr concèrt de rap en aranés, aurà lòc er 11 d'octobre que ven entàs 19h00 ena Sala Audiovisuau de Vielha, era entrada ei gratuita! Seràn 45 menutes de concèrt de rap en estat pur!
 
 

« »

Es çò meteis far de rap en aranés qu’en d’autras lengas?
 
Non, ei totauments diferent. Pensi qu’era lengua ei eth veïcul entà transméter çò que vòs escríuer, er aranés ei ua lengua fòrça complèxa, pr’amor des sues influéncies de d’autes lengües, eth resultat ei fòrça diferent ara ora d’escríuer en aranés, que per exemple en castelhan.
 
 

« Ei fòrça diferent d’escríuer en aranés, qu’en castelhan »

Cal far de rap en aranés?
 
Segur! Pensi qu’ei ua manèra de potenciar era lengua, de hèr-la arribar a naues generacions, fin finau de mantier-la viua.
 
 

« Hèr arribar era lengua a naues generacions ei mantier-la viua »

Creses que la creacion musicala en aranés, e en occitan en general, es limitada? Que caldriá far?
 
Òc que semble limitada. Pensi que calerie méter ara posita des artistes mès mejans, investir mès en art, fin finau era musica definís ua importanta part dera cultura e dera identitat d’un país
 
 

« Calerie méter ara posita des artistes mès mejans, investir mès en art »

Cossí arribèt l’hip hop en Aran?
 
Nosati le coneishem gràcies ath boca a boca, as cassetes que passauen de man en man, enquia que, per amor ara cultura, decidírem amassar-mos entà aportar eth nòste graet de sable ara cultura e tornar-li tot çò que mos auie dat.
 
 

« Decidírem amassar-mos entà aportar eth nòste graet de sable ara cultura e tornar-li tot çò que mos auie dat »

De tot lo movement artistic hip hop, quals aspèctes fasètz en Aran?
 
Aciu i a rap, grafiti, beatbox, DJ e un shinhau de bboying!
 
 

« Aciu i a rap, grafiti, beatbox, DJ e un shinhau de bboying! »

Quantes sètz a far d’hip hop? Que fasètz amassa?
 
Donques laguens deth grup èm entorn as 12, mès cada viatge i a mès gent en Aran que participen ena cultura! E amassa ara premanim ua maqueta de rap, ath delà d’un projècte de hestivau de musica en iuèrn, a on aurà cabuda tot tipe de musica!
 
 
E que fa Crazy Álvarez en solitari?
 
Ath delà d’Expression Verbau, tanben premanisqui ua maqueta qu’aurà cançons majoritàriaments en castelhan, damb era ajuda de Nedson Pires, e un aute petit trebalh que veirà era lum pendent er an que ven!
 
 
Quala es l’origina del nom de Crazy Álvarez?
 
Coma toti es subrenòms, me le comencèc a díder un amic, e damb eth temps cada viatge mès gent der entorn se referie a jo atau, enquia que fin finau adoptè eth nòm, o eth nòm m’adoptèc a jo (rire).
 
 
Qualas influéncies as?
 
Laguens deth rap espanhòl è creishut damb Kase o, Nach, Falsalarma, 7notas... tanben m’a influenciat fòrça eth rap estatsunidenc, autant coma eth francés, era musica reggae e sustot era gent deth mèn entorn que se dedique ara musica!
 
 
Qualque afiliacion politica?
 
Pas massa, non i a cap de partit que me represente ena sua totalitat.
 
 
Aviás ja presentat una cançon en aranés fa de temps, e tanben lo clip Esperança. Podèm parlar de qualque edicion discografica?
 
A nivèu profesionau non, mès a niveu casolan auem fòrça projèctes entre mans!
 
 
Trabalhas en qualque causa nòva?
 
A començament d’an demoram treir ua maqueta damb Sin Hip Hop No Hay Crew, ena qu’auem metut moltes ganes e illusion! E tanben era mia maqueta en solitari, ath delà d’ua maqueta damb Ak-kaos, damb eth formam eth grop DandoAsco, aguesta darrèra encara non a data!
 
 
Podètz escotar qualques aires de Crazy Álvarez sul sieu Soundcloud.



publicitat



Comentaris

15 d'octòbre 10.48h

Degun mi ditz : "ti crèsi !".
"Siás pas un pauc crazy ?"
Coma un mat mi fisi,
sus jornalet lo canti.

Aièr lo trabalh,
ancuei la secu,
aürosament qu'en pantais,
ai pas tot perdut.

Una frema dau país,
coma lo soleu m'esblaugís.
Companhs de galèra,
lo betum es cauva fèra.

Siáu coma un aucèu de gàbia,
un robòt qu'embarra la ràbia,
l'aubre sus lo trepador n'a pron,
que lei cans sus sei pès li cagon.

Caminar, pensar, tot plantar,
per far florir e posquer alenar
sus Bòna Maire au... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

15 d'octòbre 09.46h

Un chic de slam per Crazy,
un chòc de vam d'aicí,
un tòc d'eissam que mèni,
coma un spam que mandi.

Per carrièra soi un balès,
un as, un numèro très,
en montanha fau lo pès
coma lo Crazy Álvarez.

De Rodés a Sant Tropetz
de Rio a Benarès,
Singapora a Los Angeles,
tot lo mond serà susprès.

Mandem en l'aire lo reclam,
en occitan es un bram,
vitamina ad vitam aeternam,
tendrai en man lo calam.

Lo mic es en cima,
fasem petar la rima,
dança sus lo ridim(a),
sès plus una victima.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

12 d'octòbre 09.39h

Bèla entrevista. Avèm de besonh de mai de rap (de rap vertadier) en occitan.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 09.45h

Quina pegaria d'entrevista


Valoriza aqueste comentari:   votar positiu 1   votar negatiu 11
Respondre comentari replica Comentari inadeqüat   Formulari d'abús de comentari

4 d'octòbre 17.48h

Òsca, bela entrevista. Encara !


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

La comuna de Marselha es responsabla de la mòrt d’uèch de sos ciutadans

E mai se se parla que de la mobilizacion generala contra la pojada del còst dels carburants, a Marselha —e esperem que dins la rèsta d’Occitània— persistís ...
giny

Lo temps

Mapa
  • sol Agen 12 -3
  • nuvols Aush 13 1
  • sol Bordèu 11 -2
  • sol Briançon Low:-6 High:1
  • sol Caors 12 -3
  • nuvols Carcassona 9 3
  • nuvols Clarmont-Ferrand 2 -1
  • sol Confolent 7 -3
  • sol Gap 6 1
  • sol La Canau 11 -2
  • nuvols La Gàrdia 11 10
  • nuvols La Torre de Pèlitz 4 1
  • sol Limòtges 7 -3
  • nuvols_parcials Lo Borg Sant Dalmatz 4 2
  • nuvols Lo Puèi de Velai 2 -2
  • sol Marselha 14 6
  • sol Montpelhièr 11 6
  • sol Naut Aran 9 0
  • sol Niça -1 -6
  • sol Nimes 11 4
  • sol Pau 12 2
  • sol Peireguers 8 -2
  • sol Rodés 12 1
  • sol Tolon 10 3
  • nuvols Tolosa 13 2
  • nuvols Valença 3 -1

giny

giny

Vidèos

giny

giny

publicitat

lateral 2 teveoc

publicitat

LATERAL 1-2: IEA-AALO



publicitat

LATERAL2 330x60: Casteth Paums

Fotografias

  • Minecraft en version occitana

  • Publicitat d'una escòla bilingua pública de Niça. © Catarin Seguran

    Simbòls de Niça

  • Valadas. © Xavi Gutiérrez Riu

    Valadas

  • © Franc Bardòu

    Tèrra albigesa

  • © Laurenç Revèst

    Menton, 'a vivaroalpenca maritima

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • País de Rasés. © Franc Bardòu

    País de Rasés

  • País de Rasés. © Franc Bardòu

    País de Rasés

  • Asuèlhs comengeses. © Franc Bardòu

    Asuèlhs Comengeses

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Líusola (Comtat de Niça). © Laurenç Revèst

    Líusola (Comtat de Niça)

  • © Zep Armentano

    Era Mongetada (Val d'Aran 28-29 d'octobre 2017)

  • © Franc Bardòu

    Tresaurs andorrans

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Estivada 2013. © Guillem Sevilla

    Estivada 2013

  • Asuèlhs de Menerbés. © Franc Bardòu

    Asuèlhs de Menerbés

  • Castelar

  • © Franc Bardòu

    Asuèlhs de Lauragués

  • © Catarin Seguran

    Pargue nacionau dels Escrinhs vist de Pratpic (vierar d'Orsiera) a la partença de la valaa dau Drau Nier en Aut Champsaur

giny

Las mai...

publicitat

LATERAL 1-2: IEA-AALO

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)