CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Entrevistas

Divendres, 3 de julhet de 2015, 03h00

“En Grècia, se transferiguèt lo risc e las pèrdas del sector privat als contribuents”

Daniel Munevar Membre del Comitat de la Vertat sus lo deute grèc
Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


Lo jove economista Daniel Munevar es membre del Comitat de la Vertat sus lo deute grèc. Aquestes darrièrs jorns es a Barcelona a explicar las conclusions de sos rapòrts. Munevar es colombian, expèrt en deute, e vesitèt Grècia fa gaire en acompanhant lo ministre grèc de l’economia, Yanis Varoufakis. Munevar recebèt dimècres Vilaweb per explicar lo cas grec de dedins: l’origina privada del deute, lo transferiment a d’entitats publicas, coma son basicament los salariats e las pichonas e mejanas entrepresas que pagan d’impòstes mentre que non s’ataca pas l’evasion fiscala dels grands, e lo ròtle del sud d’Euròpa dins tot aquel afar.

 
 
Quina quantitat deu Grècia, e a qui?

Segon las donadas d’abril lo deute es de 314 miliards d’èuros. Aperaquí un 80% se deu a de creditors publics: 19 miliards a la BCE, 52 miliards als govèrns europèus, 21 miliards a l’FMI, etc. Lo 20% se deu a de privats. Grècia es un cas a despart, precisament pr’amor d’aquò, perque los creditors son publics. Recomandi d’intrar a la pagina Auditamosgrecia.org, ont o trobaretz tot amassat.
 
 
Quora comença lo deute e qui lo crèa?

« Se transferiguèt lo risc e las pèrdas del sector privat als contribuents »

En 2010 lo deute èra amb d’entitats privadas. Un 95%. De bancas privadas daissèron d’argent a de gents, a certanas autras bancas e a de govèrns en sabent qu’èran pas solvables. Que ne caliá far, d’aquel deute? Donc la banca privada lo placèt dins lo sector public. E eureka. Se transferiguèt lo risc e las pèrdas del sector privat als contribuents. Pr’amor d’aquò uèi l’80% se deu a d’entitats publicas e nonmàs lo 20% a de privadas.
 
 
Quinas bancas privadas èran aquelas?

80 miliards per de bancas francesas, 60 miliards per de bancas soïssas, 50 miliards per de bancas alemandas, e mai d’autras.

 
Perqué s’arribèt a téner un deute tan naut?

Aquelas bancas francesas e alemandas daissèron d’argent a de bancas grègas, que l’espandiguèron a escala domestica.  E degun contrarotlèt pas ont anavan tombar aqueles crèdits. I aguèt d’especulacion immobilièra e de crèdit al consume. Quand arriba la crisi de 2008, aquel sistèma cai. Te tròbas amb de païses endeutats e que pòdon pas créisser.

 
Se parla de deute per causa de crompas militaras grègas. 

« Aquelas crompas grègas (de sosmarins, d’elicoptèrs, etc.) se faguèron amb l’ajuda de bancas, coma Goldman Sachs »

Es pas tant la quantitat coma la manièra. Aquelas crompas grègas (de sosmarins, d’elicoptèrs, etc.) se faguèron amb l’ajuda de bancas, coma Goldman Sachs, qu’ajudèron a rebaissar l’impacte fiscal. Pagar mens d’impòstes. De segur, alara Mario Draghi èra lo cap de Goldman Sachs Euròpa. Ara es a la Banca Centrala Europèa.
 
 
Quina part de l’argent qu’enviam en Grècia arriba als grècs?

« Nonmàs lo 10% anèron pagar de pensions, de salaris e divèrsas causas. Lo 90% restant servís per tornar lo deute »

Entre 2010 e ara, Grècia a recebut 250 miliards d’èuros. Doncas, nonmàs lo 10% anèron pagar de pensions, de salaris e divèrsas causas. Lo 90% restant servís per tornar lo deute.
 

Grècia pòt far çò que vòl amb l’argent que recep?

« Lo fons del salvament se’n va pagar un sistèma de comptes bancaris que lo govèrn grèc lo contraròtla pas »

Lo tòca pas manco. Lo fons del salvament se’n va pagar un sistèma de comptes bancaris que lo govèrn grèc lo contraròtla pas. Rèsta sota contraròtle de las institucions.
 
 
En Grècia paucas gents pagan d’impòstes, e la majoritat es la classa mejana e trabalhadora. Los pus rics, ne pagan pas gaire. Vertat o fals?

Es vertat. Grècia ten una basa tributària relativament pichona. En Grècia fòrça pauc de gents pagan d’impòstes. Se sès paire de familha, amb esposa, e dos enfants, lo 50% de çò que ganhas se’n va amb d’impòstes e de contribucions. Es çò pus elevat dins los païses de l’ÒCDE. La pichona e mejana entrepresa paga un 48% sus los ingrèsses, mas la mejana dins l’ÒCDE es del 42%. Durant la crisi prèvia a la crisi, per contra, lo pagament d’impòstes de las grandas entrepresas e grandas bancas se reduguèt. Recebèron de beneficis fiscals per facilitar la creissença. Lo problèma de Grècia, coma o demòstra la literatura academica, es que quand tenes una economia amb tant d’activitat en negre, las taxas nautas ajudan pas ges a la normalizar. De fach, en 2014 la Comission Europèa diguèt explicitament que la manièra pus efectiva d’ajudar Grècia èra d’atacar l’evasion d’impòstes e non pas d’aumentar los impòstes. Passa un an e quina es la proposicion? De contunhar d’aumentar d’impòstes, qu’ofegaràn l’economia.
 
 
Ièr la premsa disiá que Grècia aviá acceptat las condicions de la tròica.

« Fa tres setmanas que lo govèrn grèc ja mostrèt las linhas rojas »

Ièr lo primièr ministre grèc envièt una letra ont disiá qu’èra dispausat a contunhar de far de concessions e d’èsser flexible. Demanda tres causas: que dins las illas grègas, coma se passa en Espanha amb las Canàrias, se pague mens d’IVA [impòst de valor aponduda] (los produches tenon mai de  dificultats d’arribar a las illas e amb aquelas ajudas los prèses i son pas exageradament nauts). Tanben demanda ajuda per los retirats fins en 2019. E d’ajornar la reforma de las pensions fins en octòbre. Sèm dispausats a aplicar las autras mesuras que nos an prepausat. En escambi, ça que la, volèm un mecanisme per restructurar lo deute. O pagar tot, mas mai pauc a cha pauc. Fa tres setmanas que lo govèrn grèc ja mostrèt las linhas rojas. La letra de ièr es pas res de nòu, ni solament un de cambiament de posicion. 

 
Quin problèma i auriá se se paguèsse pas lo deute?

I a de precedents e de mecanismes. Dimars lo govèrn deviá pagar un deute amb l’FMI, e o faguèt pas. Ara ten trenta jorns de mai. La question es, un còp de mai, de demostrar —coma o an fach d’economistas coma Stiglitz e Krugmann— que pretendre que Grècia pague tot lo deute dins las actualas condicions es pas viable economicament.
 
 
E perqué Grècia demanda pas la quitança dirèctament? Pagar pas, e ponch.

« Grècia demanda una solucion tecnica e demanda de restructurar lo deute »

Perque Grècia compren qu’es una democracia envoutada de vint autras democracias. E compren qu’una quitança es una mesura politicament sensibla dins d’autres païses de l’UE. E aquò es pas politicament viable. Donc demanda una solucion tecnica e demanda de restructurar lo deute.
 
 
Al sud de la Mediterranèa, i a agut pro de solidaritat?

Lo problèma clau a a veire amb lo foncionament de l’Eurogrop. Un foncionari anonim o expliquèt fòrça ben en abril. Grècia deu pagar un còst politic se vòl arribar a QUIN QUE SIÁ acòrdi. Perqué? Perque dins l’Eurogrop i a de ministres de las finanças que veson que, se donan de concessions a Syriza, aquò enviarà un messatge als autres païses: escometre las institucions europèas es una estrategia que fonciona. E significarà donar de fòrça a de partits politics similars a Syriza. E s’aqueles partits ganhan, los ministres de las finanças poirián pèrdre lor trabalh. Quand se parla de païses mediterranèus que prenon una linha dura, ieu matisariái: son de partits politics al poder que cèrcan de protegir lo lor trabalh dins l’encastre nacional.
 
 
Grècia sortirà de l’èuro?

« I a pas cap de lei que permeta qu’un país siá expulsat de l’UE en cas de problèmas de deute »

O cresi pas. Varoufakis ja o a dich. I a pas cap de lei que permeta qu’un país siá expulsat de l’UE en cas de problèmas de deute. Se la populacion vòta de non, alara lo govèrn tendrà son mandat renovat. La posicion d’acceptar pas las condicions seriá la posicion del pòble, pas unicament del govèrn. E amb aquel mandat pòdes arribar a un acòrdi amb mai de fòrça.
 
 
Qui ganharà lo referendum?

Ara per ara la posicion del govèrn es de sosténer lo non. Lo govèrn ja a indicat, ça que la, que poirián demandar l’òc se s’acceptèsse la restructuracion e lo finançament.
 
 


Entrevista menada per Andreu Barnils, pareguda inicialament en catalan dins lo jornal en linha Vilaweb.
 



publicitat
BANER1-2-3: DGPL DICTADES



Comentaris

3 de julhet 14.44h

....Pr'aquò, .....
Désempuèi 2010

Grècia aguèc una prumièra ajuda de l'U.E de 73 Milhards d'Euròs.
En 2012 Grècia aguèc una segonda ajuda de 130 Milhards d'Euròs.

Total : 203 Milhards d'Euròs de prestat

I aguèc l'escafement Partiel de çò degut a las bancas privadas n'en damòra çaquelà un briu qu'est de
107 Milhards d'Euròs.

Lo Total de tot aquò es de 310 Milhards d'euròs.

De qué ne faguèc Grècia .....?


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

3 de julhet 10.56h

#1 Benlèu qu'es lo moment de prener consciença qu'Euròpa es pas quicòm ont nada la democracia.
Euròpa es un afar comercial volgut e bastit pels americans per lo comerci.


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

3 de julhet 08.27h

Es pas de creire qu'un referendum pòsca fotre una peta tan granda a tot aquel mond de la politica e de la finanç! A! aqueles democratas de convèrsas televisivas! Ne volèm un de referendum sul TAFTA!


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 18
  • sol Montpelhièr 15
  • sol Naut Aran 8
  • sol Niça 19
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 15

giny

giny

Vidèos

giny

giny

giny

publicitat

lateral 2 teveoc

Fotografias

  • © Franc Bardòu

    Asuèlhs Bigordans

  • © Celèsta Toion

    La plaja espaci de libertat? D'expression?

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Xavi Gutiérrez Riu

    Eth referendum d'independéncia en Aran

  • Era còlha dera ADÒC ath trabalh

  • © Pep Casasayas

    22u corsa Aran per sa Lengua (26-7-2015)

  • Niça vièlha en occitan niçard. © LR

    Niça vièlha en occitan niçard

  • País de Rasés. © Franc Bardòu

    País de Rasés

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Besièrs, preséncia d'occitan en ciutat e CIRDOC

  • © Franc Bardòu

    Darrièr refugi abans l’envòl (1206-2016)

  • © Laurenç Revèst

    Nimes e preséncia d'occitan

  • Vilaweb

    Hong Kong: 17a setmana de protèstas

  • Omenatge a Aragon. © Franc Bardòu

    Omenatge a Aragon

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)