CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Entrevistas

Dissabte, 19 de decembre de 2015, 03h00

Aürosament fòra de França avèm una cèrta reconeissença

Danièla Julien escrivana
Comentaris 3 comentaris    
Marrit Flac Bon Plan bon Fabulós (8 vòtes)
carregant En cargar


Danièla Julien, quau siatz?
 
Siáu nascuda a Tarascon en 1944, ma grand pairenala, veusa, èra proprietària de quauquei tèrras e parlava provençau amb lei gents qu’emplegava, amb mon paire tanben. Es aquí qu’entendère la lenga. Pasmens a l’ostau tot lo mond parlavan francés.
 
Faguère ma vida: regenta d’escòla mairala, puei rescòntre amb Aimat Sèrre e Jòrdi Gròs dins un encastre pedagogic, e retrobalhas amb la lenga. Puei rescòntre amb Robèrt Lafont, Jòrgi Gibelin, Joan Maria Auziàs e d’autrei que venguèron totei d’amics. Retorn a l’Universitat per aprene tot çò que me mancava de la lenga (quasi tot) e de la cultura sabenta.
 
Faguère, puei, formatritz en lenga e cultura regionalas a l’IUFM de Nimes e encargada de cors a l’Universitat. Faguère una tèsi sus La Fèsta de Robèrt Lafont. 
 
A la retirada, ara, escrive de novèlas , de poesias, de còntes e mene una activitat de contaira.
 

« Ai ges de passion, ai puslèu de fidelitats que s’esperlòngan de lòng dau temps »

Ai ges de passion, ai puslèu de fidelitats que s’esperlòngan de lòng dau temps: la literatura (occitana en particulier), lo teatre, lei viatges (ren de ben extraordinari!) e lei retrobalhas amb ma lenga, per lo biais de l’escritura, que seràn jamai acabadas.
 
 
Quin avenir vesètz per l’occitan?
 

« Sus l’avenir de la lenga, siáu gaire rassegurada »

Per çò qu’es de mon vejaire sus l’avenir de la lenga, siáu gaire rassegurada.
 
Dins mon vilatge vivon d’ancians que parlan encara (son de mens en mens nombrós) mai ausan pas parlar en public, la vergonha es totjorn presenta e quora parlan se desencusan totjorn de pas parlar lo “vertadier” provençau.
 
De mai en mai se venon installar de joinei familhas qu’an pas la pus mendre idèa de la lenga, ò que la considèran coma una sòbra dau passat un pauc ridicula, de tot biais sensa ges d’interès (per aquelei que son d’origina occitana); per çò qu’es de la cultura (bovina en particular) la mesprèsan (buòus = pastagàs, per aquelei que venon d’endacòm). Ignòran tot de la literatura, de l’istòria dau país, dei biais de viure, etc., en mai d’aquò, dins nòstre ròdol avèm la preséncia dau “Collectiu Provença” [“Couleitiéu Prouvènço”], provençalistas estrechs dei cervèlas, çò qu’ajuda pas l’“schmilblic”.
 
 
De que pensatz que fau faire?
 
Siáu pas pus “militanta” per rasons d’atge e d’aluenchament e siáu pas rassegurada nimai per l’avenir dau militantisme d’òc, dempuei quaranta ans vese totjorn lei meteissei dificultats que menan a de garolhas: autre temps entre Felibritge e occitanisme, uei au dintre de l’occitanisme amb un corrent favorable a un occitanisme politic (aquò es pas novèu e capitèt pas, d’istorians ne’n poirián testimoniar), un corrent puslèu defensor de la lenga e de la cultura, tot aquò sus fons d’afectivitat fòrta per d’unei. Se veguèt pron per l’organizacion de la manifestacion dau 24 a Montpelhièr. Apondrai una non-visibilitat de la lenga dins la societat, çò que s’apren (en prioritat) a l’actitud de l’estat centrau que fa totjorn coma se de ren n’èra. Lo vòte dau Senat còntra la Carta Europèa n’es la bèla pròva.

« Sus lo terren i a un molon de gents que trabalhan de lònga »

Pasmens sus lo terren i a un molon de gents que trabalhan de lònga.
 
Aürosament fòra de França avèm una cèrta reconeissença, aumens per la literatura , amb l’activitat dau PEN occitan.
 
Me pause tanben la question de la “memòria militanta” , de la transmission de çò que s’es fach, de çò que s’es escrich abans… 
 
Pasmens, tot es pas negre, avèm capitat d’aver un CAPES, quauquei seccions bilingüas dins l’ensenhament public, mai quant d’oras de trabalh, de mobilizacion, de dorsiers fargats per arribar a aquò! E aquí vòle dire tota la remiracion qu’ai per lei collègas testards de la FÈLCO.
 
 
Parlatz occitan en familha, dins vòstre entorn?

« Segur que parle en familha… Es pas la panacèa, es just, pense, la normalitat »

 
Per ieu, segur que parle en familha, mai pas de lònga, parle a mei felens dempuei que son nascuts, elei parlan gaire, mai aumens sabon que l’occitan es una lenga coma leis autras, sabon que i a una cançon, una creacion occitana, sabon quau es Mistral… Es pas la panacèa, es just, pense, la normalitat.   
 
 
Que pensatz de l’après-manifestacion de Montpelhièr per l’occitan en 2015?
 
Per quant a l’actualitat me sembla talament dura per de milierats d’èstres umans que sabe pas se la mòrt d’una lenga, fuguèsse una granda lenga de civilizacion e de cultura, pòt mobilizar de mond.  
 

« Mai eriam 10 000 a Montpelhièr, e puei l’avenir es totjorn dubèrt e de joineis energias arriban »

Mai eriam 10 000 a Montpelhièr, e puei l’avenir es totjorn dubèrt e de joineis energias arriban.
 
 
Quauquei publicacions
 
Viatge d’ivèrn, ed. Trabucaire
Adieu Paure… ed. Solei d’autan
Séductions, editat a Montreal
La Fèsta, tròç causits e revirats, ed. Atlantica
Lo Decameronet, revirat, ed. Trabucaire
Lettras, bilingüe, ed. IEO.
Per 2016, De mèu e de juscla, ed. L’Aucèu Libre
 
 
 
 
Laurenç Revèst



publicitat
BANER1-2-3: DGPL TRADUCTOR



Comentaris

23 de decembre 15.59h

E plan mercés al Jornalet de nos presentar femnas escrivanas ! Ne mancam mas totun, n'avèm ! E las sabèm pas pro !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 12.33h

Òsca per aquesta ecrivana de tria que qualqu'un, justament, me faguèt descrobrir ièr a ser ! (Viagtge d'ivèrn).


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 04.36h

L'òm mobilisa pas sus una lenga. Una lenga sers de ren si es pas una lenga de comunicacion. La paubretat dins lo monde a estada una bona rason per pas s'occupar daus problems daus occitans. Vesetz alai son paubres; fau far quauqua ren! E aqui, en Occitania quò es lo paradis.
Vau mielh s'occupar daus paubres gens dau nòrd, de la Lorena que son tocats per la crisa economica que daus chaumatge e daus problems economics daus occitans.
Quand los occitanistes veran que lo problem es de separat l... Legir mai


Valoriza aqueste comentari:   votar positiu 18   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 18
  • sol Montpelhièr 15
  • sol Naut Aran 8
  • sol Niça 19
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 15

giny

giny

Vidèos

giny

giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Celèsta Toion

    La plaja espaci de libertat? D'expression?

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • © Franc Bardòu

    Asuèlhs de Lauragués

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Asuèlhs de Garnagués. © Franc Bardòu

    Asuèlhs de Garnagués

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Glèia de Nòstra Dòna dau Vot a Niça e dintre autar de Nòstra Dòna dei Gràcias protectora de Niça e dau canton niçard

  • © Xavi Gutiérrez Riu

    31n rescontre occitanocatalan al Pòrt de Salau

  • Era còlha dera ADÒC ath trabalh

  • Nos quichèrem en pèrlas leugièiras

    Meissonencas en Camarga pichòta

  • Valadas. © Xavi Gutiérrez Riu

    Valadas

  • Estivada 2013. © Guillem Sevilla

    Estivada 2013

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Vilaweb

    Hong Kong: 17a setmana de protèstas

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Estivada 2013. © Guillem Sevilla

    Estivada 2013

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)