CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Entrevistas

Dissabte, 25 d'agost de 2012, 03h00

“Musicalament, venèm principalament de l’heavy metal. En fach, es de folk jogat per de metallaires”

Stille Volk, grop de folk metal, pagan e occitan
Comentaris 3 comentaris    
Marrit Flac Bon Plan bon Fabulós (9 vòtes)
carregant En cargar





Laëtitia Lécuyer





Etiquetas
metal, musica, stille volk

Lo festenal heavy metal Motocultor, a Teiz, en Bretanha, es lo luòc de rescontres improbables. Après Incantation, vertadièra legenda nòvayorkesa del death metal, la programacion del primièr jorn ofrissiá als metallaires los occitans d’Stille Volk. Sus l’empont, i a quatre musicians e... pas cap de guitarra electrica. Batariá, viòlas de totas menas, laüts, guitarra acostica, abilhant de voses en armonia perfiècha: tot aquò, si que podiá desconcertar lo pertusat-tatoat-cabelut de basa.
 
Ça que la, lo public respondèt amb estrambòrd! Amb de cants en occitan tocant de tèmas pagans e orgiacs, amb d’influéncias medievalas dels trobadors, los espectators intrèron dins l’univèrs d’Stille Volk, e mai entamenèron de farandolas satanicas entre qualque surf sus la fola!
 
Per lo jornal breton
7Seizh, Stille Volk a acceptat de descriure son univèrs e son estaca al paganisme.
 
Entrevista: Fabien Lécuyer
 
[Aicí Jornalet o transcriu tot en occitan. L’entrevista originària es en francés e en occitan.]



Stille Volk, sètz al festenal Motocultor, uèi, a Teiz. Sètz la suspresa del festenal perque: un, sètz occitans, cantatz en francés e en occitan; e dos, avètz una musica completament diferenta. Vos podètz descriure?
 
Musicalament, venèm principalament de l’heavy metal. En fach, es de folk jogat per de metallaires. I a d’influéncias un pauc occitanas, fòrça influéncias celticas e un chic d’influéncias medievalas. Nòstre son a un passiu metal amb d’instruments que venon de Suècia e d’un pauc de pertot.
 
 
Avètz susprés lo public, de verai. Aviatz una apreension a respècte del festenal? Perque sètz passats, pr’aquò, après un grop tipicament death metal...
 
— Apreension? Òc e non. Òc perque jogàvem efectivament après Incantation, aquò es pas de negligir. Mas sabèm que lo public metal es fòrça dobèrt. La màger part del nòstre public ven del metal. Ara: sabèm que la màger part dels metallaires que son aicí, mejançant los magazines e tot aquò, almens coneisson nòstre nom. Amb aquò, çò que fasèm agrada o agrada pas, mas aquò rai.
 

« »

— Nòstre public principal demòra un public metal dins totes los cases.
 
— Venèm d’enlà, de verai. Los que nos seguisson dempuèi lo començament, o fan dempuèi 1994, donc, sas...
 
 
Avètz agut l’escasença, ja, de jogar dins de balètis?
 
— Non, non, non...
 
— Pas jamai...
 

« Nòstre public principal demòra un public metal dins totes los cases »

— Sèm regetats per lo mitan occitan.
 
— De crossover: es aquò que fasèm... Donc, vaquí, es al marge un pauqueton, es pas purista, e es vertat qu’avèm un pauc de mal de forçar las pòrtas.
 
— A Tolosa, arribam pas de jogar, per exemple.
 
— Vaquí, clarament!
 
— Avèm pas jogat dins lo Sud-Oèst dempuèi 2002.
 
 

« Òc, cantam amb d’aisinas tradicionalas. Jogam a pauc près quaranta cinc instruments diferents sul disc »

D’acòrd. E vosautres, d’ont sètz a la partença?
 
— Ieu rèsti a Tolosa mas soi de Lorda, dins los Nauts Pirenèus. Patric es de Sant Gaudenç, dins los Pirenèus centrals. E el es originari d’Avairon. Sèm del Sud-Oèst qué.
 
— Lo problèma qu’as, amb los occitanistas, es que quand jògas en cò lor, te parlan de tot levat de musica. Te parlan de politica, te parlan de militantisme, patin-cofin, e al cap d’un moment lor dises “Mas t’a agradat lo concèrt o non?”. Veses, te parlan de tot levat de musica. Donc, emperò es un pauc enfectant.
 
 
Avètz agut fòrça tèmas qu’avián un rapòrt amb lo paganisme. Tanben i a un rapòrt amb lo catarisme?
 
— Non. Pas brica.
 

« Sèm regetats per lo mitan occitan. Avèm pas jogat dins lo Sud-Oèst dempuèi 2002 »

— A nosautres, de tot biais, lo catarisme nos interèssa pas, dins lo sens que —saique serà irreverenciós— los catars rèstan de crestians. Es una ideologia que non partegi pas ges. Donc, de verai, per nosautres, es lo paganisme, i sèm dempuèi 1992-93. Fasèm partida mai o mens dels precursors del paganisme. Es un paganisme que se centra pas sus de batalhas, coma per fòrça grops pagans, mas verament sus una mitologia, sus los dieus. Tornam metre en scèna d’arquetipes, coma Pan. Es un paganisme fòrça alargat qu’es pas solament dels Pirenèus. Fasèm una mescla de tot aquò e o readaptam a nòstra mòda.
 
 
D’acòrd. Perque que i aviá una tradicion pagana plan fòrta dins los Pirenèus, amb de reminiscéncias que rèstan a l’ora d’ara, tant al Bascoat coma en Bearn, e coma en...
 
— Coma pertot.
 
— Pas mai qu’alhors, en fach.
 
— Just. Dins l’encastre d’una memòria d’istòria, faguèri un libre sus aquel paganisme dels Pirenèus que foguèt absorbit mai o mens per lo cristianisme. Valent a dire: lo cristianisme, en fach, per rendre popular son culte, reprenguèt de cultes qu’èran ancianament pagans, coma lo culte dels arbres... Donc rèstan de reminiscéncias, mas avèm plan pauc de traças e de fonts sus los mites pagans.
 
— I a de tradicions que se perpetuan, amb la Fèsta de l’Ors per exemple, los òmes-cèrvis, los òmes-orses, mas o vesèm mai al Bascoat. Nosautres sèm dins los Pirenèus centrals ont i a pas gaire de tradicions.
 
— I a pas verament de dieus d’origina pirenenca. N’i a qualques unes, mas son puslèu d’adaptacions dels cultes romans, son de referéncias un pauc grègas tanben, amb Ercules qu’auriá mes en plaça los Pirenèus amb Pirène, etcetèra. I a de particularitats localas liadas al relèu, mas es un paganisme qu’es pas unic, contràriament a d’autres paganismes que se son un pauc pus preservats.
 
 
Sètz près del Golf de Mor-Bihan, que foguèt un luòc pagan fòrça important, justament. Avètz ressentit d’ondas particularas?
 
Que òc, absoludament! Aquò que nos montava per los pès, en fach. Aquò que catilha las esquinas... Completament! E nos avisàvem ont metiam los pès. (rires)
 
 
Qu’es la plaça de la lenga occitana dins Stille Volk?
 
Es una plaça dintre Occitània. La menina parlava occitan, la maire parla occitan, ieu lo compreni mas lo parli pas perque l’ai pas estudiat a l’escòla. Demòra quicòm en mai. Nos revendicam pas d’una ideologia occitana. Sèm pas brica regionalistas. Sèm completament en defòra de çò politic. Los tèxtes occitans que reprenèm, sempre son liats al paganisme. Prenèm pas de tèxtes occitans liats a de referéncias crestianas.
 
 
E la plaça de la tradicion dels trobadors? Lo segond tròç que fasètz es dels trobadors...
 
Aquò o fasèm practicament dempuèi lo primièr album. Avèm représ dos-tres tròces dels trobadors, de Ventadorn, de Ramon d’Avinhon, de tèmas musicals, donc aquò demòra un afar pro important perque èra la granda cultura d’òc a l’Edat Mejana. Mas revendicam pas politicament qué que siá tocant Occitània.
 
 
Vos an signats en cò d’Holy Records. Es un labèl conegut per aver una vision fòrça larga del metal. Avètz de projèctes en cò lor, e amb d’autres grops benlèu?
 
L’album venent deu sortir normalament l’an que ven en cò d’Holy. E avèm enlà un grop de folk metal en occitan, tanben, qu’amb el, o cantam tot en occitan.
 
 
Coma li dison?
 
“Hantaoma”... Aquí, prenèm partit de far sonque de tèxtes en occitan. I a pas cap de tèxt en francés, sonque de tèxtes eissits de la tradicion, gaireben pas cap de composicion personala... Aquò o farem dins los dos-tres ans que venon. Primièr nos concentrarem sus Stille Volk, puèi sus Hantaoma.
 
 
I sètz totes quatre dins aquel grop d’ailà, tanben?
 
Non. I sèm sonque dos.
 
 
E tornant a Stille Volk, cossí descrivètz lo grop?
 

« Los catars rèstan de crestians. Donc, de verai, per nosautres, es lo paganisme »

Cossí descriure lo grop? Es un rescontre improbable entre los pagans e una musica nerviosa. Es l’enveja de mostrar l’aspècte negre de la nòstra cultura occitana, un aspècte qu’es oblidat, interdich de còps, per la religion, per l’inquisicion... Es l’enveja de portar una cultura anciana, mai vièlha que la cultura catolica. Nosautres, en Occitània, los curats, los aimam pas tròp. Vaquí: es far viure las vièlhas legendas.
 
 

« Nosautres, en Occitània, los curats, los aimam pas tròp »

Cantatz amb d’aisinas tradicionalas?
 
Òc, cantam amb d’aisinas tradicionalas: la viòla de ròda, la nyckelharpa qu’es pas de tradicion occitana, e après, suls albums, i a de còrnamusas, de calamèlas, de tzaitons [?], un molon d’instruments. A nosautres quatre, los quatre reünits, jogam a pauc près quaranta cinc instruments diferents sul disc.
 
 


_____
- Version originària de l’entrevista dins 7Seizh (àudio)
- La pagina d’Stille Volk dins MySpace



publicitat
BANER1-2-3: DGPL TRADUCTOR



Comentaris

20 de setembre 00.17h

Enfin un article que parla de musica ! :P
Non, seriosament, Stille Volk es plan de bon ausir, mas pels afogats de metal, vos cal escotar Hantaoma, tot en òc e plan plan bon musicalament…


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 13.19h

#1 E que jògui qu'ei lo prumèr còp qui un organe de premsa en occitan e parla d'eths !

Autament, que m'estona que n'ajan pas trobat arren d'interessant dens lo paganisme aquitan, mes que mancan lhèu las honts qui permeterén de'u conéisher plan.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 10.37h

Èri lèst per me trufar e... soi espantat. Far de metal en occitan amb d'instruments fòlc dempuèi 2002 sens virar pel paìs ? S'aqueles an pas lo nhac, m'i coneissi pas ! Sembla plan amai (per ieu que sabi pas res del metal) : soi dins l'espèra de los veire un jorn... Mercés Jornalet per aquela descobèrta. E longa vida a Stille Volk !


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 10
  • sol Bordèu 12
  • sol Briançon 8
  • sol Caors 12
  • sol Carcassona 10
  • sol Clarmont-Ferrand 9
  • sol Confolent 8
  • sol Gap 7
  • sol La Canau 12
  • sol La Gàrdia 16
  • sol Limòtges 12
  • sol Lo Borg Sant Dalmatz 11
  • sol Lo Puèi de Velai 8
  • sol Marselha 13
  • sol Montpelhièr 12
  • sol Naut Aran 8
  • sol Niça 15
  • sol Nimes 11
  • sol Pau 12
  • sol Peireguers 11
  • sol Rodés 11
  • sol Tolon 14
  • sol Tolosa 10
  • sol Valença 8

giny

giny

Vidèos

giny

giny

giny

publicitat

lateral 2 teveoc

Fotografias

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Cavairac (Costièra de Nimes)

  • La fèsta de Sant Joan a La Túrbia

  • © Laurenç Revèst

    Besièrs, preséncia d'occitan en ciutat e CIRDOC

  • © Zep Armentano

    XI prèmis Gaudí de l'Acadèmia Catalana del Cinèma

  • Lo bauc. © Laurenç Revèst

    Remembres de Vaquí, emission en la Vau Clusa, novembre de 2005

  • Serada occitana a Malhòrca

  • Quarquas fòtos de l'ESPE ex IUFM de Niça

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Asuèlhs comengeses. © Franc Bardòu

    Asuèlhs Comengeses

  • © Margaria Pepin

    Adobament dal Grand Prèmi de Mónegue de 2014

  • Asuèlhs de Menerbés. © Franc Bardòu

    Asuèlhs de Menerbés

  • Fòto pilhaia sus 'o GR dal Mont Baudon, comuna de Pelha.  © LR

    L'occitan per carrièras (concors de prima 2014)

  • © Franc Bardòu

    Asuèlhs de Lauragués

  • Niça vièlha en occitan niçard. © LR

    Niça vièlha en occitan niçard

  • País de Rasés. © Franc Bardòu

    País de Rasés

  • Estivada 2013. © Guillem Sevilla

    Estivada 2013

  • © Laurenç Revèst

    Menton, 'a vivaroalpenca maritima

  • © Franc Bardòu

    Tèrra albigesa

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)