CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Entrevistas

Dissabte, 21 de genièr de 2017, 03h00

“Ieu, m’agrada mai que mai de doblar los maishants!”

Cecila Chapduèlh doblaira de dessenhs animats e professora d'occitan
Comentaris 2 comentaris    
Marrit Flac Bon Plan bon Fabulós (12 vòtes)
carregant En cargar


Lo grop d'occitan deu licèu de Pins e Justaret (Tolosan) an entrevistat Cecila Chapduèlh, una collaboradora de l’associacion Conta’m que fa le doblatge de dessenhs animats en occitan





Etiquetas
cecília chapduelh, chapduèlh, contam, doblatge, escòla

Cecila Chapduèlh es una collaboradora de l’associacion Conta’m que fa le doblatge de dessenhs animats en occitan. A fait la votz de nombroses personatges de dessenhs animats: es Bess dins Cornilh e Bernat, es tanben l’ase Trotet e Nicole Kidman dins L’Ors Padington (benlèu dins las salas) e l’avèm entrevistada en classa lo grop d'occitan deu licèu de Pins e Justaret (Tolosan).
 
 
 
Qual es le primièr film qu’avètz doblat?
 
Ja, fa quatre ans que fau de doblatge, doncas fa un pauc long e es… Cornilh e Bernat.
 
 
Qual personatge avètz doblat dins Cornilh e Bernat?
 
Bess, la patrona del gos, aquí…
 
 
Quant de temps passatz per doblar un dessenh animat?
 
Aquò depend del ròtle qu’as e del nombre de replicas, doncas per una sèria coma Cornilh e Bernat, que Bess parla pas gaire (es presenta mas parla pas) en fèit en una jornada, fasèm nòu episòdis. En una jornada. Mes lo ròtle de Cornilh, per exemple, per far nòu episòdis, cal una setmana.
 
 
A despart de (…) qu’avètz fach?
 
E ben èi pas preparat mon CV (rire)! Cossí dire? Recentament, faguèri la votz de Nicole Kidman dins L’Ors Paddington. Faguèri la votz d’Isabelle Carré  dins Le Hussard sur le Toît. Tot aquò se pòt vèire en benda-anóncia sus [octele.com ndlr] L’ase Trotet, Pepin Trespomas, Ernèst e Celestina, qué mai?… Brendan e lo Secret de Kells, pff…
 
Cresi que quasi totes los filmes de Conta’m , sabètz, l’associacion que s’ocupa de far de doblatges de filmes, cresi qu’ai fait almens una petita votz dins cadun dels filmes manca Patata e los Amics de l’Òrt e Ma Tèrra Tant Aimada.
 
Doncas n’i a qualques unes, òc.
 
 
Cecila e Dorina vos an mancat?
 
Fòrça, fòrça. Ben… Cada an i a una Dorina e una Cecila dins un grop d’occitan.
 
 
E le trabalh de doblaira de dessenhs animats es plan pagat?
 

« Per ganhar sa vida, caldriá doblar quinze còps mai de dessenhs animats coma çò que fau actualament »

Es plan pagat mas es pas aquò que permet de ganhar la vida. Vaquí. Per ganhar sa vida, caldriá doblar, allez… quinze còps mai de dessenhs animats coma çò que fau actualament. Es per aquò que soi professora d’occitan abans tot.
 
 
De quins actors vos inspiratz?
 
Un doblaire o un actor se pòt pas inspirar d’un actor perque a diferents ròtles de far en foncion de l’istòria del filme. Doncas as un coach, en fait. Quand fas de doblatge o quand siás actor, as un director artistic que te ditz: “Non, non, te cal far aquò, aquò, aquò” e tu siás un robòt en fait, siás una maquina! Obeïsses!
 
Fas çò que te demandan de far. Amb tala emocion, tala intencion… Vaquí. “Mai trist”, “Mai gaujós”, “mai enfant”… Perqué fau sovent de ròtles d’enfants. Tot aquò.
 
 
Quin personatge preferissètz doblar?
 
Ieu, m’agrada mai que mai de doblar los maishants! Las maishantas. Las bruèissas!  Perqué ai una votz fòrça juvenila a l’ausida, ai doblat fòrça ròtles de petits,

« Es mai agradiu de se laishar a fons en fasent de ròtles de bruèissas que cridan, veses, que son d’a fons »

e es mai agradiu de se laishar a fons en fasent de ròtles de bruèissas que cridan, veses, que son d’a fons.
 
 
Perqué avètz causit aqueste mestièr?
 
Es pas un mestièr (rire)… Perqué m’agrada de jogar la comèdia. Dejà un professor, quand es davant d’escolans es un ròtle que fasèm, avèm un ròtle, quand soi davant una classa, ai un ròtle, davant una autra classa, sèm diferents, vosautres tanben sètz diferents en foncion de …

« Quand siás davant lo micro a doblar, es aquò qu’es interessant: de far un pauc lo cameleon »

Ben es un pauc parièr quand siás davant lo micro a doblar, es aquò qu’es interessant: de far un pauc lo cameleon. Aquò es un challenge. Aquí…
 
E vosautres, quin dessenh animat vos agrada mai, de çò qu’avètz gaitat en occitan?
 
L’ase Trotet
Patata
 
Es pas mal, e!
 
Cornilh e Bernat!
 
Oè mes Cornilh e Bernat, cal seguir que parlan viste! E a vosautres, es quicòm que vos interèssa, lo mestièr de comedian? Que vos agradariá?
 
[Una escolana fa “òc” del cap.]
 
A tu, t’agradariá…
 
L’an que ven, vau en teatre a Joan Jaurés.
 

« S’arribatz d’aver un pro bon nivèl en occitan, cercam tostemps de voses novèlas »

Non mes per dire que s’es quicòm que vos interèssa e que s’arribatz d’aver un pro bon nivèl en occitan, cercam tostemps de voses novèlas.
 
Après, bon, se gaitatz los castings, i a tostemps Dòna Chapduèlh, Machin, Machin, Machin, son totes los meteisses.
 

« L’associacion Conta’m organiza de formacions al doblatge en occitan »

Es per aquò que l’associacion Conta’m organiza de formacions al doblatge en occitan. Sabètz cossí fonciona un doblatge? Avètz benlèu dejà gaitat abans… Cal arribar a legir viste en plaçant lo ton en meteis temps e cal legir pila a la barra…  Mes per aquò i a de formacions e i a de besonhs de voses en occitan. Alara es pas un mestièr, n’i a pas pro per ganhar sa vida mes i a fòrça comedians professionals que fan de doblatges dins los dessenhs animats de Conta’m. Cresi que soi una de las raras de pas èstre intermitenta, comediana professionala.
 
 
Coma ètz arribada de far de doblatge?
 
Cal far un casting. A la debuta te dison: “Non, non.” Après te dison: “Allez, ensaja un pauc”… “Allez, ensaja un pauc mai!” e “A … Aquí va plan!” (rires) mès cal far un casting. E sus Internet se pòt gaitar, de sites de castings, n’i a fòrça. Cal ensajar, ensajar, ensajar, ensajar.
 
 
En occitan e en francés?
 

« Cal far de castings »

Ieu èi pas jamai fait de casting en francés mes èi gaitat e èi vist que pel francés tanben i a plen, plen, plen de castings. Cal far de castings.
 
 
E podètz far la votz del maissant?
 
Una votz de maishanta? Atal? (rires)
 
 
Es una question, e! Pòs respondre “òc” o “non”!
 
Euh… Òc….  … … (rires)
 
Se te plai…
 
Non mes pòdi far una votz: “Aquí soi maishanta.” Comprenes pas? Soi maishanta.  Vòli dire qu’una votz de maishanta es pas forçadament una votz de “HA HA HA HA HA! SOI MAISHANTA!” Non.
 
Pòdi èstre una votz maishanta atal.
 
 
Mercé plan!
 
Mercés a vosautres!
 
 
 
 
 
Lo grop d'occitan deu licèu de Pins e Justaret




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL AN LAFONT



Comentaris

28 de genièr 09.09h

Cecila Chapduèlh es tanben una musiciana tradicionala e una escrivana requista e sensibla, editada al Chamin de Sant Jaume.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

21 de genièr 20.40h

Una bona feina e trabalh, cal saber legir ben e es una causa inprescindible per la nostra desitjada TV.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 13
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 18
  • sol Montpelhièr 15
  • sol Naut Aran 8
  • sol Niça 19
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 15

giny

giny

Vidèos

giny

giny

giny

publicitat

lateral 2 teveoc

Fotografias

  • La prima en valaa de Tiniá. © Laurenç Revèst

    La prima en Tiniá

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • Arribada de la prima en Naut Rasés. © Terric Lausa

    Arribada de la prima en Naut Rasés

  • Fèsta occitana a Barcelona, a l'ocasion del cinquen anniversari de Jornalet

  • Fielat d'èrbas

    Meissonencas en Camarga pichòta

  • © Maria Millan

    22u corsa Aran per sa Lengua (26-7-2015)

  • © Xavi Gutiérrez Riu

    31n rescontre occitanocatalan al Pòrt de Salau

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Miquèu Barís

    Los calandrons d'Auloron qu'an visitat Baiona

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Ua comua de la valaia dai Palhons: L'Escarea, gents de cadea

  • Via. © Andrea Celauro

    País d'Aison (Val d'Estura)

  • Carnaval de Limós. © Franc Bardòu

    Carnaval de Limós 2013

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Darrièr refugi abans l’envòl (1206-2016)

  • Gavotina marítima: trofèu d'August e vila vielha d'A Torbia

  • © Laurenç Revèst

    Auribeu de Sianha

  • © Laurenç Revèst

    Menton, 'a vivaroalpenca maritima

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)