CAPÇALERA2 DINTRADA2018

Jornalet, gaseta occitana d'informacions

Dimècres, 19 de setembre

Entrevistas

Dimars, 10 d'octòbre de 2017, 03h00

Har cortmetratges en lengas indigènas dens l’esperit “Do it yourself”

Jan Labourie realizaire
Comentaris Cap de comentari    
Marrit Flac Bon Plan bon Fabulós (4 vòtes)
carregant En cargar


Hè-t’i solet!
 

Be n’i a hèra de demandas d’ajuda financèra sus Internet! Sus Ulule, kisskissbankbank e d’autas enqüèra, las sollicitacions que honhan au mei har! Mes aquiu, francament, que n’avem trobat un qui s’ac vau: un projècte audiovisuau de bon seguir aperat “Cinerrante”. Bastit suu modèl “Hè-t’i solet”, l’engatjament participatiu qui hè sens.
 
 
Qu’ei çò qu’i?
 
Que s’ageish de seguir a cada estapa d’un viatge la progression d’un cinèma itinerant qui se’n va de cap tà la populacion entre Mexic e Panamà. Filmes bracs en forma de documentari sus tematicas locaus que seràn perpausats dab la participacion deus mainatges de las escòlas deu camin. Sustot, lo projècte que serà miat autan com possible dab las lengas locaus. La question deu lor mantien, de la lor perennitat, las nocions d’identitat tanben que seràn tractadas.
 
L’idea màger qu’ei de valorizar lo supòrt audiovisau entà mantiéner viva ua lenga. Atau, lo filme hèit tot au briu d’ua setmana que serà difusat au parat d’ua projeccion publica lo dissabte.
 
Un “road trip” intimista, alternatiu e militant.Jan Labourie qu’ei lo realizaire qui mia aqueth projècte, que l’avem encontrat.
 



E’ns pòdes explicar aqueth projècte Cinerrante?
 

« Que vau purmèr anar dens las escòlas de Mexic e d’America Centrau tà apitar cortmetratges en lenga amerindiana dab los mainats de las escòlas »

Qu’ei un ensemble de causas: que vau purmèr anar dens las escòlas de la “zòna indigèna”, com dísen acerà, de Mexic e d’America Centrau, tà apitar cortmetratges en lenga amerindiana dab los mainats de las escòlas. Puish que haram ua projeccion publica tà muishar lo tribalh hèit amassa.
 
 
Qu’ei donc un projècte sociau prumèr?
 

« Qu’ei audiovisuau purmèr, mes que sostien tanben las lengas minoritàrias de per lo Monde! »

Qu’ei audiovisuau purmèr, mes que sostien tanben las lengas minoritàrias de per lo Monde! Com a noste en Biarn, la lenga que’s pèrd acerà, mes sustot, ne l’an pas briga en audivisuau. E qu’ei çò qui vòli muishar, jo, au monde: amassa, dens l’esperit “Do it yourself”, har cortmetratges en lengas indigènas.
 
 
L’audivisuau entà sauvar la lenga?
 
Que òc. Tot que comencè quan hasoi un documentari dab Guillaume Riboulleau e dens lo quau apareishó las lengas maias.

« Quan lo documentari estó projectat en Guatemala, que podom véder que tau monde, véder la lor cultura e enténer la lor lenga au cinèma, qu’èra quauquarren de hòu! »

Quan lo documentari estó projectat en Guatemala, que podom véder que tau monde, véder la lor cultura e enténer la lor lenga au cinèma, qu’èra quauquarren de hòu! Ne l’avem pas jamèi entenuda atau. E açò que’m demorè au cap dinc a uei lo dia, tà apitar aqueth projècte.
 
 
Quina sòrta de cinèma e serà?
 

« Que serà ua websèria documentària »

Que serà ua websèria documentària. Que vau filmar l’ensemble deu tribalh: dab los escolans, dab los regents, las projeccions, lo viatge, etc. Tot que serà enviat, ua setmana passada, sus la tela, tà que lo monde e poscan seguir.
 
 
D’on vien aquera enveja d’anar cap a Mexic?
 

« Que son pòbles en resisténcia, e que voi sostiéner-la »

Per’mor d’estar anat a Calandreta mainat, qu’èi aquesta enveja de partejar las lengas. Mes qu’ei tanben per’mor qu’ei un lòc que coneishi, on anèi mantuns còps. Que son pòbles en resisténcia, e que voi sostiéner-la.
 
 
Dens lo tèxte de presentacion deu projècte, que parlas d’“uniformizacion deu Monde”. Que pertòca shens que la lenga?
 

« Se’ns perdem las lengas e las culturas, que perdem quauquarren... »

« Dab aqueth projècte, que podem sostiéner lo monde qui lutan, mes tanben amuishar las problematicas locaus, que sia l’energia, l’aiga... »

Ah segur, qu’ei un ensemble de causas! E tot dia que’s cau pelejar tà non pas que lo monde sancèr e parlen anglés, francés o chinés. Se’ns perdem las lengas e las culturas, que perdem quauquarren... E dab aqueth projècte, que podem sostiéner lo monde qui lutan, mes tanben amuishar las problematicas locaus, que sia l’energia,  l’aiga...que podem mesclar tot aquò.
 
 
Que parlas de solidaritat, mes qu’ès solet entà bastir aqueth projècte...
 

« Lo CNC a París ne m’a pas briga sostienut, ni la region tanpauc »

Que òc... que comencèi a escríver lo projècte e cercar sòus i a un an. Lo CNC a París ne m’a pas briga sostienut, ni la region tanpauc. Per’mor n’entri pas dens nada casa: qu’ei ua websèria, mes qu’i a tanben ficcion dab los mainats, qui a difusion sus la tela..qu’i a drin de tot, e aquò n’agrada pas au monde deu cinèma francés.
 
 
E deu còp, que’t cau demandar sòus aus militants...
 

« Donc tà har las causas, que cau que demandi au monde de m’ajudar tà crompar lo materiau »

A la debuta qu’èri contra, pr’amor lo monde que pagan impòsts tanben tà la cultura! Mes ne son pas despartits tà tots los creators... Donc tà har las causas, que cau que demandi au monde de m’ajudar tà crompar lo materiau.
 
 
Qu’ac sabem que tribalhas tanben dab la lenga occitana. As projèctes en cap tà la seguida?
 
Non, mes que vau totun ensajar de crear escambis enter la Calandreta paulina e las escòlas acerà, mes pas auta causa.
 
Cinerrante que gaharà l’aviada a la fin deu mes d’octobre, e solide, d’ací enlà, que sobra hèra de cuentas, mei que mei, donc, la crompa de materiau. Alavetz se voletz balhar la man, rendetz-ve sus kisskissbankbank.com/cinerrante
 
 
 
 
Joan-Nadau Commères
Ràdio País
 
 
 
 


abonar los amics de Jornalet
 



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Catalonha e Aran: la rintrada s’anóncia cauda

La Diada d'ongan en Catalonha es estada excepcionala. Pel primièr còp en democracia, los catalans an celebrat lor fèsta nacionala amb lors elegits e representants encarcerats o ...
giny

Lo temps

Mapa
  • sol Agen 32 16
  • sol Aush 32 16
  • sol Bordèu 31 16
  • sol Briançon 32 16
  • sol Caors 31 15
  • sol Carcassona 29 15
  • sol Clarmont-Ferrand 29 15
  • nuvols_parcials Confolent 24 16
  • sol Gap 32 16
  • sol La Canau 31 16
  • sol La Gàrdia 24 16
  • sol La Torre de Pèlitz 27 17
  • nuvols_parcials Limòtges 29 15
  • sol Lo Borg Sant Dalmatz 28 17
  • sol Lo Puèi de Velai 27 14
  • sol Marselha 31 18
  • sol Montpelhièr 29 15
  • sol Naut Aran 32 16
  • sol Niça 20 9
  • sol Nimes 32 17
  • sol Pau 31 17
  • nuvols_parcials Peireguers 29 14
  • sol Rodés 28 16
  • sol Tolon 28 16
  • sol Tolosa 32 17
  • sol Valença 28 14

giny

giny

giny

giny

publicitat

lateral 2 teveoc

publicitat

LATERAL 1-2 300x250: DINTRADA



publicitat

lateral 2 teveoc

Fotografias

  • © Laurenç Revèst

    Via de Buelh a Pèunas a Valberg fins a Sant Laugier

  • Era còlha dera ADÒC ath trabalh

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Restauracion de las arenas de Frejús (Esterèu) ©Laurenç Revèst

    Restauracion de las arenas de Frejús (Esterèu)

  • © Iñaki Delaurens

    Val d'Aran

  • Briga (val de Ròia)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Val de Toran. Camin entara Honeria. © Xavi Gutiérrez Riu

    Val de Toran (Aran)

  • © A.R.

    Greulieras, estacion d'esquí familiala en país grassenc, quauquei pistei e so bèu cèu

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Menton, 'a vivaroalpenca maritima

  • © Magalí Barceló

    Santa Gabèla: quatrena fèsta del fogal rural La Gabèla

  • Bersorèlh : quartiers e maions ai noms occitans

  • © Franc Bardòu

    Tèrra albigesa

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Franc Bardòu

    País Bordalés

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Castelar

  • Occitan e economia: "occitanitat mai o mens visibla"

giny

Vidèos

Las mai...

publicitat

LATERAL1 300X250: radio pais

giny

Sondatge

Creses que Catalonha e Aran vendràn una republica independenta?


34%



29%



24%



7%



5%




Vots 99 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)