Hong Kong visquèt lo 29 de setembre passat sa dètz-e-setena setmana de protèstas per reclamar de reformas democraticas. Un còp de mai, las manifestacions an acabat amb una repression policièra brutala amb l’emplec de gases lacrimogèns e quitament de gas pebrat. Una molonada de manfiestants èran èran acampats al districte comercial de Causeway Bay, per començar a 15h una marcha, qu’èra pas autorizada. Alavetz, a 14h20 la polícia comencèt de gasar los acampats. Pasmens, qualques manifestants atenguèron de començar la marcha amb la tòca d’arribar davant la bastissa del govèrn de la vila.