Bandièra01 1180x150: Comuna de Tolosa

Actualitats

De dictadas en linha per practicar l’ortografia de l’occitan

Menat a bon tèrme per la Generalitat de Catalonha, lo sit presenta de dictadas autocorrectivas en gascon aranés e lengadocian estandard classadas per nivèls e aspèctes ortografics

Se presentarà dimècres venent a Barcelona una nòva ressorsa per aprene l’occitan que ven d’èsser mesa en linha. Se tracta de dictadas autocorrectivas que permeton de trabalhar autodidacticament l’ortografia de la lenga occitana. Lo sit, menat a bon tèrme per la Generalitat de Catalonha, presenta ara una mòstra de sièis tèxtes dels nivèls B1 e B2 en occitan aranés e en lengadocian estandard, mas es previst que lèu presente unas nonanta dictadas classadas per nivèls e per critèris ortografics.
 
Las dictadas presentan l’àudio legit de tira e tanben legit pauc a cha pauc a la faiçon d’una dictada. I a un boton amb la solucion e un autre boton qu’explica caduna de las nòrmas ortograficas trabalhadas dins la dictada en question.
 
Aquel sit de dictadas en linha es lo resultat d’un long trabalh dins lo qual la còla de Jornalet a participat al costat de la còla de la Direccion Generala de la Politica Lingüistica de la Generalitat. Los tèxtes los an escriches Xavi Gutiérrez, Montse Pedarròs, Gerard Joan Barceló e Manèl Zabala. Los escotaretz enregistrats amb las voses d’Elisa Salomon e de Rafèu Sichel-Bazin.

Vesitatz lo sit de las dictadas en linha

 
La presentacion se tendrà dimècres 16 de genièr a 18h30 dins la sala de conferéncias del centre Arts Santa Mònica, al numèro 7 de la Rambla de Santa Mònica de Barcelona.
 


Exemple:

Vesitatz lo sit de las dictadas en linha



 
 
 
 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Benasech
1.

Ai vist de far la dictada en occitan referencial. Es plan fach ! Avètz doas lecturas: una que la dictada es legida lèu-lèu e l'autra amb un ritme mai adaptat. Òsca tanben a la prononciacion de la persona que legís lo tèxte. Una bona prononciacion permet d'escriure coma cal la lenga nòstra. Cal saludar aquel trabalh del Departament de Cultura de la Generalitat de Catalonha. Òsca !

  • 7
  • 0

Escriu un comentari sus aqueste article