Bandièra01 1180x150: Comuna de Tolosa

Actualitats

Sri Lanka: mai de 200 mòrts e 500 nafrats dins un atemptat contra tres glèisas e tres ostalariás

Un dimenge de Pascas sagnós après una tièra d’atemptats terroristas

Mai de 200 personas mòrtas e 500 nafradas es lo tragic bilanç d’una tièra d’atemptats terroristas qu’a patit Sri Lanka aqueste dimenge de Pascas. Dins un relambi de mièja ora, pel matin, i aguèt sièis explosions dins tres glèisas e tres ostalariás de luxe. Pus tard i aguèt una setena expolision al jardin zoologic nacional de Dehiwala e puèi encara una ochena explosion dins un quartièr residencial. Dins las darrièras doas atacas las victimas son estats cinc policièrs. La soleta ataca contra la glèisa de Sant Sebastian de Negombo faguèt un centenat de mòrts.
 
Lo president srilankés, Maithripala Sirisena, exprimiguèt sul pic sa consternacion e organizèt una reünion d’emergéncia del Conselh de Seguretat Nacionala per avalorar la situacion.
 
Segon lo recensament nacional de 2012, Sri Lanka a una populacion de 22 milions de personas dont un 70% son de religion bodista e un 12% son indós. Solament un 7% dels abitants son crestians.
 
Fa un an, i raportàvem aquí una seguida d'atacas islamofòbas.
 
 

 
 

 
 
 


abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
5.

Los terroristas d'esta islamic, educats per la cia, per atacar l'Afganistan e la Siria entre d'altres paises. Ara es troban traits e saben pas que far, atacan lo primier que troban. Realament son un perilh incontrolat, que los que los faren crear ara los facin desapareisser.

  • 5
  • 5
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
4.

#3

D'aprep lo govern del Sri Lanka saria un movament islamic de l'airal.

https://www.lci.fr/international/en-direct-attentats-terroriste-au-sri-lanka-le-gouvernement-accuse-un-mouvement-islamiste-local-bilan-provisoire-de-290-morts-et-500-blesses-2119022.html

  • 2
  • 0
Pierre Terral
2.

Sèm assadolats de contunh e ad nauseam d'"islamofobia", mas a l'epòca que los crestians son persecutats un pauc pertot dins lo monde, mai que mai dins lo monde musulman, e que dins nòstre quite país las glèisas son vandalisadas, profanadas, cramadas lo mòt "cristianofobia" es tabó en « occitan estandard pluricentric » ?

  • 12
  • 6
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
1.

290 mòrts vos prègui !

E de qual o faguèc aquò ?

  • 1
  • 0

Escriu un comentari sus aqueste article