Sri Lanka es a patir una tièra d'atacas islamofòbas dempuèi lo 26 de febrièr passat. De personas de fe islamica, de mosquetas e de botigas son a patir d'atacas contunhas de bandas de singaleses bodistas. Segon Nationalia, l'origina d'aquel conflicte etnicoreligiós poiriá èsser un accident d'automobil ont quatre musulmans provoquèron la mòrt d'un bodista e una rumor falsa sus l'empoisonament de qualques bodistas dins lo restaurant d'un musulman. Cossí que siá, las violéncias an provocat la mòrt de doas personas, dont una moriguèt cremada, e s'estendon a las regions d'Ampara e Kandy.
 
 
Estat d'emergéncia e inaccion policièra
 
Lo president del país, Maithripala Sirisena, a decretat l’estat d’emergéncia, e mai lo Centre dels Dreches Umans de Sri Lanka aja denonciat l’“ineficacitat policièra” davant lo fach que los grops d’assalhidors se son organizats a travèrs dels rets socials.
 
Segon l'analista Alan Keenan, de l'organizacion pacifista Crisis Group, aquelas atacas son "organizadas per de grops militants a escala nacionala, fòrça coneguts". S'agiriá de bandas de militants bodistas "qu'apareguèron d’en primièr entre 2012 e 2014 amb lo sosten del president del país a l'epòca, Mahinda Rajapaksa". Alavetz lo nacionalisme singalés bodista extremista aguèt un ròtle important dins aquelas atacas.
 
Las violéncias islamofòbas de 2014 faguèron 4 mòrts.
 
 
Lo tresen grop etnic del país
 
La populacion musulmana d'Sri Lanka es un pauc mens del 10% dels abitants del país; son concentrats sustot dins l'èst de l'illa. La majoritat son d'arabis de Sri Lanka o ben fan partida del pòble sonakar, que parla la lenga tamol sens aver d'identitat tamol.

 
 

Sri Lanka has declared a state of emergency as Buddhist mobs attack minority Muslims. pic.twitter.com/U49XzeoSQO

— Anonymous (@YourAnonCenter) 10 de març de 2018

 

From the @gulf_news editorial board: #SriLanka should not tolerate ethnic riots https://t.co/pEwAGQA9yS |#SriLankaemergency#KandyIncident#AntiMuslim#riotspic.twitter.com/OAwFtlJXXu

— GNOpinion (@GNOpinion) 8 de març de 2018