Bandièra01 1180x150: Comuna de Tolosa

Actualitats

Lo primièr ministre d’Etiopia Abiy Ahmed prèmi Nobel de la Patz

L’an decorat per son ròtle clau en la reconciliacion entre Etiopia e Eritrèa

Abiy Ahmed, actual primièr ministre d’Etiopia, recebèt divendres lo prèmi Nobel de la Patz. La jurat a soslinhat son ròtle clau per metre lo ponch final al conflicte entre son país e Eritrèa, que s’afronteròn dins una guèrra entre 1998 e 2000 que daissèt mai de 70 000 mòrts. Ahmed s’es impausat sus mai de 300 candidats e succedís al cirurgian congolés Denis Mukwege e a l’activista iazidita Nadia Murad, ambedós decorats per lor lucha contra la violéncia sexuala.
 
Eritrèa prenguèt son independéncia d’Etiopia en 1993, après mai de trenta ans de guèrra. Las relacions entre ambedós estats an totjorn patit de tensions, mai que mai perque i aviá pas d’acòrdi suls limits de la frontièra. Aquel desacòrdi menèt a una nòva guèrra. Calguèt esperar fins al mes de julhet de 2018 per que los dos païses restabliguèsson de relacions, en granda part gràcias a Abiy Ahmed.
 
L’an passat, Ahmed foguèt ja nomenat, mas recebèt pas lo prèmi. De fach, fòrça analistas disián que recebriá pas jamai aquel guierdon perque Etiopia a patit de grèus cases de violéncia etnica qu’an desplaçat de milièrs de personas.
 
De soslinhar que la jove activista environamentalista Greta Thunberg èra una de las favoridas per emportar lo prèmi Nobel de la Patz.
 
 
 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Aquest senher lo conegui pas, mas se la cronica del començament es encertada, doncas ben. Per mi los melhors premis nobels aguéssen estat Junqueres, o qualsevol dels presos politics que han estat condemnats pel regim franquista o fins e tot Pablo Iglesia e Garçon, los unics partits estatals qu'an defensat als catalans.

  • 1
  • 0

Escriu un comentari sus aqueste article