Bandièra01 1180x150: País Invisible

Actualitats

crotz-tolosaCreated with Sketch.GasconhaComengeNebosan

Montmaurin: an vojat per fòrça lo musèu arqueologic per portar las pèças a Tolosa

Lo musèu es privat e tengut per la familha Miro, que fondèt lo sit fa mai de 60 ans

| Marie-Cécile Seigle-Vatte
Los gendarmas a an vojat per fòrça las doas salas del musèu arqueologic de Montmaurin (Nebosan) davant las protèstas dels oposants. Se passèt dimècres passat davant las protèstas localas. Oficialament, las autoritats vòlon portar las pèças dins un musèu nòu e public. Lo musèu es privat e tengut per la familha Miro, que fondèt lo sit fa mai de 60 ans. “Qu’ei ua traïson”, çò declarava Bertrand Miro a France 3. “Eths gendarmas encerclen eth musèu, non podem pas mès i accedir. Qu’ei desolant”.
 
La sosprefècta de Sant Gaudenç explica aver organizat una reünion publica per informar los abitants de la vila, mas segon el, Bertrand Miro respondèt pas a las convidacions de la prefectura.
 
Segon de fonts oficiosas, la voidança del musèu correspondriá a una repression estatala contra los qu’an menat una campanha de lucha contra un projècte de carrièra a Montmaurin. Aquel projècte, autorizat per la prefectura, damatjariá l’environament de las gòrjas de la Sava, un endrech especial per sa natura e per l’istòria del país. Es aquí que se trobèt la Vènus dera Espuga, una figurina del paleolitic talhada en evòri de mamot, que s’expausa ara dins un musèu de París e que li dison en francés “Vénus de Lespugue”.
 
Ça que la, segon la sosprefècta, “aquerò n’a pas arren a véder juridicament”, çò diguèt a France  3.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

LKMT
13.

Per milhor compréner lo contèxte :

https://www.ladepeche.fr/article/2012/06/25/1386537-montmaurin-la-colere-des-scientifiques.html

https://www.ladepeche.fr/article/2017/01/03/2489230-carriere-elle-denonce-les-arguments-de-l-ancien-maire.html

https://www.ladepeche.fr/article/2017/06/02/2586356-carriere-les-opposants-empechent-le-debroussaillage.html


Benlèu que i pas nat complòt... Simple asard que los s'ocupavan deu musèu èran activistas contra lo projècte de carrièra validat per la comuna e l'Estat...


Solide, los objèctes deu musèu son propietat de l'Estat. E solide que la comuna a lo dret de voler crear un novèl musèu...

Pr'aquò, quand òm sap qu'existava desjà un musèu (per tant vielhòt que sia), quand òm sap que justament los que s'ocupavan deu musèu son d'oposants herotjes a la decison de la comuna d'autorizar la carrièra... Quand òm sap que se i aquesta oposicion, es per'mor que la carrièra pòt destrusir objèctes istorics remirables... I a de que se pausar de questions, non ?

  • 2
  • 0
LKMT
12.

#10 . Solide, arren se pòt pas provar.

  • 1
  • 0
LKMT
11.

#8 "l'ancian fa pena", e òc, coma disen los servicis de l'Estat e la majoritat municipala, "l'ancian musèu fa pena", a l'imatge de los que lo fan vesitar, une vièlha familha de bordilièrs, los qu'an trobat sus lors pèças los objèctes. En mai d'aquò, te parlan encara occitan ! E òc, un musèu vielhòt tengut per bordilièrs que saben parlar occitan, aquò fa pena ! vau milhor aver un musèu tot nau, e perqué pas ambe quauqu'un que sapia parlar anglés pels toristes ! es efectivament un dels arguments evocat per justificar aquò : l'Estat francés, qu'ei l'avenidor ! lo vièlh musèu, tengut per una familha de bordilièrs occitaofones, sentis a posca...

  • 2
  • 0
Francesc Sobeyràn Moncuc (Càrci)
10.

Il faudrait prouver l'abus et détournement de pouvoirs au service d'intérêts privés...

  • 1
  • 0
LKMT
9.

#8 .. o pas. Es efectivament çò qu'es promés. Demòraps qu'una promessa... Cau pas desbrembar que de'm prumèr , la promessa d'un novèl musèu, servirà d'excusi per justificar la carrièra, "c'est bon, on vous mets vos antiquités dans un musée flambant neuf, à un moment donné, ça va, on ne va pas chipoter pour deux trois cochonneries de plus qui pourraient être détruite par l'exploitation de la carrière". E trobètz pas sosprenent que los qu'an evocat l'idea d'un novèl musèu, son los medishes que son prèstes a sacrificar lo futures objèctes descobèrts per l'expleitacion de la carrièra ? après, per l'ora, dins lo musèu actuau tengut per une familha locala, la vesita se podèva far a la demanda en occitan. Me dobti que, se novèl musèu ved lo jorn, auràtz un novèl fonccionari, probable un joenòt assabentat que poderà far la vesita en anglés pels toristas : solide, cau evoluar ! bon, aquò, es sonque per l'anecdòta...

  • 1
  • 0

Escriu un comentari sus aqueste article