Bandièra01 1180x150: Comuna de Tolosa

Actualitats

Fotografias liuras de dreches sus la lenga e la cultura occitanas

Sus Wikimedia Commons podètz trobar, fòrça plan classats, totes los imatges restacats a l'occitan, a sa cultura, a sa musica, a sos jòcs, a sa literatura, a sas personalitats...

| photos-occitan.com
Wikimedia Commons es un espaci collaboratiu ont se pòt trobar de nombrosas fotografias gratuitas e jos la licéncia de Creative Commons, que permet de reütilizar los imatges a volontat, e mai se dins la majoritat dels cases cal citar lo nom de l'autor. Classadas en plusors categorias, i a ja fòrça fotografias liuras de dreches sus la lenga e la cultura occitanas.
 
Per tant, ara sus photos-occitan.com podètz trobar totes los imatges restacats a la lenga occitana, a sa cultura, a sa musica, a sos jòcs, a sa literatura, a sas personalitats... Las fotografias son plan classadas, e mai i a una lista de mots clau d'aquelas tematicas.
 
En mai d'aquò, se cercatz una fòto d'un artista, d'un grop, d'un instrument o d'un festenal qu'aparesca pas sus Wikimedia Commond, podètz demandar per e-mail a contact(a)photos-occitan.com: s’una tala fòto existís, vos la prepausaràn en prioritat.
 
Wikimedia Commons es un projècte collaboratiu, e doncas los administrators vos prepausan tanplan d'i mandar vòstres imatges e vidèos.
 
Aure Seguier, webmèstra del Congrès Permanent de la Lenga Occitana, gavidaira del sit Paraulas en Òc e actritz màger de l'encastre numeric en occitan, explica dins lo vidèo seguent lo foncionament de Wikimedia Commons e d'aquel classament dels imatges que pertòcan nòstras lenga e cultura.
 
 
 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
10.

Dinc nòstre monde de l'image, aqueste otís non poirà qu'èstre avantjós. Permetrà a tot curiós, a tot utilizaire de nòstra identitat, de se l'imajar dinc son entegralitat, dinc sas multiplas facetas ; de ne'n trasmetre un image positiu ; de concientizar occitanament ce qu'es francesament usurpat, tot aquò luènh dals vièlhs clichats abenats, nacionalament espandits. Un bèl prefach de saludar !

  • 3
  • 0
Quentin Tolosa
9.

Mercés per tot aqueste trabalh ! Mai que mai lo tuto vidèo :)

  • 1
  • 0
Unuaiga
8.

#1 Adissiatz ! Soi ieu qu'ai postat la màger part de las fòtos, que son presas pendent mos lésers. E per m'amusar, vau mai sovent al concèrt que non pas escotar de discorses de sindicals. Es benlèu per aquò que i a mai de fòtos de musicians que non pas de politics.
Mas coma Wikimedia Commons es un otís contributiu que cadun i pòt participar, se trobatz que i a pas pro de fòtos d'unes tipes de personalitats, sabètz çò que vos demòra a far :-).

  • 7
  • 1
matiàs قرقشونة
7.

#6 Ahahah trufet, vai !

  • 1
  • 0
MC M
6.

#5 Un subjèt de tria per un article filosofic de venir :)

Ieu mi demandi se li podem metre JP Richard, President dau Collectiu Prouvènço aquí dedins. Es un pauc un "occitanista sènsa o voler", que sènsa l'occitanisme existiriá pas.

Vau assajar de pescar una fòto d'eu lo còp venent. :D

  • 5
  • 0

Escriu un comentari sus aqueste article