Bandièra01 1180x150: Comuna de Tolosa

Actualitats

Midi Libre ten ara una cronica setmanièra en occitan

Escricha per Joan Loís Blenet, se publica dins totas las edicions de dimenge, las mai legidas de la setmana

Lo jornal occitan d’expression francesa Midi Libre ten ara una cronica setmanièra en lenga nòstra. Escricha per Joan Loís Blenet, comedian e president de Calandreta, se publica dins totas las edicions de dimenge, las mai legidas de la setmana. Se tròba a la pagina dels articles d’opinion e de las signaturas de prestigi.
 
Es lo primièr còp que se pareis quicòm en occitan dins Midi Libre dempuèi la creacion del jornal en 1944. Lo jornal aviá quitament refusat de publicar fa qualques annadas un avís de decès en lenga nòstra, que si que l’avián publicat d’autres jornals de portada estatala.
 
Ara, après la nòva formula que la prepausa lo jornal lengadocian, la preséncia de l’occitan dins aquel mèdia, e mai siá modèsta, es un gran pas endavant per la lucha en favor del reviscolament social de la lenga nòstra.
 
La cronica es pas publicada qu’en occitan dins las edicions en papièr mas inclutz una traduccion francesa dins son edicion en linha.

 
 


 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu CVN
11.

Acabarai enfin emb de dire que la lengadocianitat de l'estremitat orientala de Lengadòc es solament aministrativa. Que sa lenga e sa cultura occitanas son de modalitat provençala. Ce que fai una brava diferença. Umanitat vau pas descopatge aministratiu !

  • 0
  • 0
Lo raiòu encolerit Cevenas
10.

1) D'occitan escrich en grafia classica semenat dinc una populacion sobralfabetizada en francés e ensenhada en sistèma ortografica francés, i aurà pas qu'una minoritat per lo legir e se'n sentir pertocada.
2) Saupeguessiatz, monde, ce qu'es a se passar despièi un parelh d'ans dinc certanas calandretas de Lengadòc e s'aguessiatz lo temoniatges dals manits sofrents, de lurs parents coma dau personau, crese ben que lo cronicaire çai mençonat se fariá bien espolsar las nièiras.
Me prusiriá de ne'n desbanar dinc mon comentari a perpaus dau rònle calandretenc dau cronicaire e de sos complicis de la Federacion Lengadòc ; de certans professors mai, encompetents, que son luènts d'èstre embestiats perque son de la familha d'un grand elegit regionau.
E las enjustícias, los secutaments endurats per de sòcis emplicats e onèstes, lur bandiment pièi e la manmesa sus las economias associativas que s'enseguís... Se saviatz, monde, la badariatz pas tant la cronica blenetenca, per ma fe !
E quand pensatz qu'emb de pròvas materialas, pas ges de ressòn dau procuraire de la republicaire, podètz me creire que i a una bèla màfia qu'aima mièlhs son estitucion que non pas l'equilibri de sicologica de l'efantuènha. Adonc, la cronica de Mossur Toxidoc, pensatz-vos...

  • 0
  • 0
Lo raiòu CVN
9.

#3 Completament d'acòrdi emb de vos !

#6 "Lo darrièr socialista èra Jaurés. E las darrièras mesuras politicas d'esquèrra governamentala vengèron d'un ancian membre del Conselh Nacionala de la Resisténcia dins los ans 50 del sègle passat."
Completament d'acòrdi em de vos !

#8 Se legissètz bien, Jaurés fai un constat dinc son perpaus, jutja pas. Tornamai legissètz aquò marcat...

  • 0
  • 0
Oksitanlaştıramadıklarımızdanmısınız Ai potat dins lo riu de las zegas, ara soi chòp.
8.

#6

Vertat que Jaurès
..


https://www.contre-info.com/hommage-a-jaures-hollande-zelateur-dun-antisemite

  • 1
  • 0
L\'Aucelet
7.

n'éy pas trop de d'ore ! L'occitan que tourne troubà ou soû luòc !

  • 1
  • 0

Escriu un comentari sus aqueste article