CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 21 de julhet

Actualitats

Dissabte, 1 de setembre de 2018, 03h00 Cultura,Internacional,Politica

Perpinhan: lo director de “Visa pour l’image” reagís a las protèstas dels fotografes catalans

A publicat sul sit web del festenal una reconeissença dels imatges qu’aviá refusats e anóncia que se consagrarà una conferéncia a una projeccion sus la situacion del Principat


Comentaris 10 comentaris    
Marrit Flac Bon Plan bon Fabulós (5 vòtes)
carregant En cargar


Del 1r al 16 de setembre que venon, Perpinhan aculhirà, coma cada an, lo prestigiós festenal internacional del fotojornalisme nomenat “Visa pour l’image”. L’eveniment, organizat dins la partida francesa de Catalonha, teniá pas cap d’exposicion especifica sus la situacion politica al Principat de Catalonha a prepaus de son camin devèrs l’independéncia e de la repression que la patís de part de l’estat espanhòl. Mas las accions de protèsta de divèrses fotojornalistas catalans an fach reagir la direccion del festenal.
 
“Se pòt pas far una exposicion amb quaranta fòtos de bandeiròlas”, çò aviá dich lo director del festenal, Jean François Leroy. Mas ara, après la presentacion de quatre exposicions alternativas a Perpinhan durant los jorns de l’eveniment, Leroy a publicat sul sit web del festenal una reconeissença dels imatges que li èran estats mandats sus Catalonha, e anóncia que se consagrarà una conferéncia a una projeccion sus la situacion de Catalonha Sud e d’Aran.
 
Las exposicions parallèlas s’apèlan “Drech a drech: 155 fòtos per la libertat”, “55 urnas per la libertat”, “Visca per la libertat” e “La revòlta de las urnas”. Los divèrses organizaires an soslinhat lo besonh de divulgar durant los jorns de “Visa pour l’image” la grèva situacion politica que la viu lo Principat de Catalonha.

 


abonar los amics de Jornalet
 



publicitat
BANER1-2-3: DGPL DICTADES



Comentaris

3 de setembre 06.55h

#6 Avètz plan rason: a despart de París que se mira l'emborigol, lo de mai son pas que de tèrras colonizadas, al mens culturalament. La màger part dels festivals que tant se’n parla dins los mèdias son pas que d’importacion de la boboïtuda parisenca. Sus las produccions vengudas de’n bas, del terren, gaireben pas res nimai dins la prensa, la ràdio o la television. Nos diràn que fasèm pas grand causa? Benlèu! Mas, d'en primièr, avèm pas la meteissa pagèla culturala. E apuèi, ... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

2 de setembre 21.39h

En Leroy s'es despertat! Vejats miracle! coma aurià ditz Sant Vicent Ferrer!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

2 de setembre 14.57h

#7 Lo Leroy es un bon representent de la "Culture." En França la Cultura es (pleonasma !) parisenca. E fai de vos un aparisenquit. A l'encop esplech e emanacion dau poder parisenc, la cultura francesa dins totas sas expressions (mediaticas, literarias o artisticas) nada totalament dins l'ideologia centralizaira. Tot ço que dintra pas dins l'encastre ideologic dau centralism parisenc es una anomalia absurda o una mistificacion escandalosa. En clar una "fake news". Exemple : dire que Catalonha ... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

2 de setembre 01.06h

Dins lo comunicat ont annóncia son cambiament de decision, F. Leroy acaba per aquesta frasa :

"Un « fake news » qui déshonore toutes celles et tous ceux qui le propagent."

Tornar un concèpte de Trump per atacar los jornalistas -- quand òm es responsable d'una mòstra de sosten al fòtojornalisme -- me sembla èsser particularament desplaçat.

De la part de F. Leroy es vertadièrament con d'escriure aquò. Se compren pas las concequéncias del concèpte trumpian de "fake news" dins lo m... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 16.31h

"Visa pour l'image" es considerat coma una d'aquelas manifestacions culturalas decentralizadas, es a dire excepcionalament e generosament concedadas per Paris als arlèris de provincia. Coma lo festenal d'Avinhon ont la majoritat dels intervenents e dels participaires son en fach de borgeses e bobos parisencs en vacança dins lor cort de recreacion estivala d'aquelas terras primitivas e solelhosas
dau "SUD" de FRANCE. Per aqueles Avinhon es pas pus occitana que Perpinyà seria catalana. Son de ... Legir mai


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 16.25h

Òm pòt pas condemnar la decision del director de daissar s’exprimir los catalanistas espanhòls ; tant val que s’estauvie de problèmas. Benlèu se pensa que seriá estat pus aisit d’engimbrar aquel festenal en Seine-et-Marne. Qual sap l’an que ven ?...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 13.58h

#3 Es malinon!
A i èsser, li cal precisar tanben que Perpinhan es en Catalonha, o en Rosselhon, pr'amor que pensi que crei qu'es en "Pyrénées Orientales"! Le Roy es pas Lo Rei!


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 12.27h

#2 Non, mas se fasètz arribar l'article a Leroy, ansin s'assabentarà de la realitat parcialament occitana de Catalonha Sud :-)


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 11.13h

Leroy parla probablament de "Catalonha Sud" mas m'estonaria qu'agèsse parlat "d'Aran"


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

1 de setembre 10.31h

Pas tròp lèu que se desperta lo Leroy. Urosament los Catalans l'an un pauc ajudat!


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Fòrt Maginòt de Sant Anhe

  • Menton: devisa d'a 58ena Brigada alpenca (armaia francesa) en... occitan :

    L'occitan per carrièras (concors de prima 2014)

  • Pòrt de Niça: Li galeras

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Zep Armentano

    XI prèmis Gaudí de l'Acadèmia Catalana del Cinèma

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • A Gavotina marítima: Recabruna Cab Martin, a vila vielha e o castèl dau sécolo X

  • © Franc Bardòu

    Tèrra albigesa

  • País de Rasés. © Franc Bardòu

    País de Rasés

  • Aiga de la tèrra

    Pantais (Poèmas de Lisa Gròs sus pinturas de Christine Nicolas)

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • La socha de Chalenas facha en pastisson (genre còca anglesa) per manjar a cachafuec. © Anfós Chais

    Concors de Nadal de Jornalet: Cossí se passan las Calendas en cò vòstre?

  • © Conselh Generau d'Aran

    Lo Torn de França 2016 en Aran

  • © Franc Bardòu

    País Bordalés

  • © Franc Bardòu

    Tèrra albigesa

  • © Franc Bardòu

    Catalonha etèrna

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • © Zep Armentano

    Era Mongetada (Val d'Aran 28-29 d'octobre 2017)

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)