Bandièra01 1180x150: Comuna de Tolosa

Actualitats

Un vilatge europèu sus la Luna

Lo Vilatge Lunar sèra bastit sus l’autra fàcia del satellit e i aurà de telescòpis per melhor espepissar l’espaci

Una de las missions que l’Agéncia Europèa de l’Espaci alestís es bastir un vilatge sus la superfícia lunara. Malgrat que lo projècte pòsca èsser discutit per l’opinion publica europèa pr’amor que, de segur, i a fòrça mai de luòcs o personas qu’an de besonh d’aquel argent, la mapa del vilatge es ja estada aprovada per plusors governs europèus pr’amor de la competicion russa, chinesa e estatsunidenca.
 
Segon çò que confirma mai d’un mèdia italian coma lo sit web d’Il Corriere, la mapa de la vila lunara es ja estada facha e solament i aurà d’estacions de recèrca. I aurà pas d’ostals ni de restaurants. Li diràn Moon Village o Vilatge Lunar, e segon lo director de l’Agéncia Espaciala Europèa (ESA segon sa sigla anglesa), Johann-Dietrich Wörmer, serà la seguenta mission europèa dins l’espaci.
 
La bastison d’aquel vilatge lunar intrariá dins los plans de las missions de l’ESA pels dos ans que venon. Per o far i son estats destinats 10,3 miliards d’èuros. “La lista dels païses que i vòlon participar es ja estada facha –çò diguèt Wörmer–. E, a mai, i a plusors entrepresas privadas que tanben i son interessadas. Malgrat que lo programa encara aja d’èsser mai desvolopat, la Luna es ja estada causida coma la mission europèa venenta”.
 
 
Una estacion scientifica
 
La causida d’aquela mission europèa, totun, arribèt après la signatura d’una convencion amb los Estats Units, en Colorado, fa gaire. Lo futur de l’exploracion espaciala i èra discutit e la necessitat de bastir d’estacions espacialas en defòra de la Tèrra venguèt lèu una realitat. Segon totas las poténcias espacialas, amb l’ISS o Estacion Espaciala Internacionala, n’i a pas pro per contunhar los viatges espacials. E China E Russia an ja avisat que lèu bastiràn de vilatges lunars.
 
Amb lo president Bush foguèt establit la bastison d’un vilatge lunar coma la mai granda prioritat del programa espacial estatsunidenc. Mas puèi, Obama diguèt qu’aquò èra pas de besonh.  Segon aquel president, èra mai important d’arribar sus Mart primièr. E lo projècte “Viatge devèrs Mart” venguèt una realitat.
 
Foguèt a partir de març de 2018 que l’ESA comencèt de sosténer seriosament la vision de son director Wörmer sus lo bastiment d’un vilatge lunar pr’amor que d’autres païses de la planeta i podián arribar abans.  “Serà un vilatge ont i aurà pas de restaurants ni d’ostals –çò confirmèt Wörmer–. Solament de bastiments scientifics e de recèrca coma en Antartida. Serà un luòc ont reculhir de donadas, pas mai”.
 
Segon l’ESA, lo Vilatge Lunar sèra bastit sus l’autra fàcia del satellit e i aurà de telescòpis per melhor espepissar l’espaci. A mai, lo Pòl Nòrd de la Luna pòt donar de glaç e d’aiga que poirián ajudar a fabricar d’oxigèn per los cosmonautas e los motors. Serà una estacion pionièra per l’exploracion de luòcs mai luènhs de l’espaci. (Legissètz la seguida).




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.









abonar los amics de Jornalet
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Gran noticia, comencem a perdreu seriosament, bo ja tocava, un cop destruït el Planeta ara cal anar a l'Espai a fe rel mateix.
Si volem ésser algú en aquest Univers, ja podem començar a canviar.
Visca la Terra...Lliure!
L'Ernest, "El Tàrrega".

  • 2
  • 0
Jan l’Aisit
2.

Ah, tè, que’n cau un en tot viltage.

  • 3
  • 0
francesc palma
1.

Non faran res. Paraulas: d'aquí a un an arribarem a la luna e portarem unas estructuras, perquè poguem viure, bla,bla,bla......Tot projectes que non es pensan far. Segur que lo primer que farian es posar un sistema de missils contra Russia i la Xina amb cabeses nuclears que destruirian la terra. Mas los viatjaires de l'espai non los permetran que ho pugan far

  • 0
  • 1

Escriu un comentari sus aqueste article