Bandièra01 1180x150: Comuna de Tolosa

Actualitats

Belgica farà pagar cent èuros per an als jornalistas per cobrir las cimas europèas

L’Associacion Internacionala dels Jornalistas a condemnat la mesura, que la considèra coma un “obstacle innecessari” pels jornalistas

Belgica farà pagar cent èuros per an als jornalistas per cobrir las reünions europèas de caps d’estat e de govèrn de l’Union Europèa. La mesura, aprovada sens consultar las associacions de jornalistas, exigís dels mèdias de far dos pagaments l’an de cinquanta èuros pels còstes dels contraròtles de seguretat que los devon passar los jornalistas per accedir a las reunions; abitualament, aqueles contraròtles los fa la polícia federala bèlga.
 
L’Associacion Internacionala de Jornalistas, qu’amassa los mèdias que cobrisson las informacions europèas, a condemnat la mesura, que la jutja “discriminatòria” e considèra coma un “obstacle innecessari” pels jornalistas. “Los mèdias mai pichons patiràn fòrça en causa d’aquel còst e seràn, per tant, mens preparats per cobrir las reünions europèas de la manièra professionala apropriada”, çò assegura dins un comunicat.
 
Per aquela rason, l’associacion a reclamat al govèrn bèlga que reconsidère aquel pagament, en avertissent tanben qu’aquel cost suplementari farà mal mai que mai als jornalistas independents que rapòrtan l’informacion europèa.
 
De son costat, la Comission Europèa a sonque dich que “li agrada pas la règla” decidida pel govèrn de Belgica.

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article