CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Actualitats

Dijòus, 9 d'agost de 2018, 03h00 Internacional,Politica

D'independentistas del Mond entièr se son rescontrats en Corsega

Las Jornadas Internacionalas de Corti an conclús que cal refondar l'Union Europèa sul respècte de la democracia e dels pòbles sens estat


Comentaris 7 comentaris    
Marrit Flac Bon Plan bon Fabulós (4 vòtes)
carregant En cargar


Las Jornadas Internacionalas de Corti, qu'organiza cada estiu Corsica Libera, an agut ongan una larga representacion de tot lo Mond, çò rapòrta VilaWeb. L'eveniment comencèt dissabte amb una conferéncia de premsa de las delegacions internacionalas. De soslinhar la participacion del representant dels afars internacionalas de l'FLNKS de Nòva Caledònia, ont se i tendrà un referendum oficial d'autodeterminacion lo 4 de novembre que ven. Las jornadas an aculhit tanplan una vasta representacion catalana.
 
 
La violéncia dels estats contra los pòbles en lucha
 
Lo primièr debat se centrèt sus "la violéncia de l’estat contra los pòbles en lucha". Aquí se tenguèt una intervencion interessanta de Conxita Bosch de l’Associacion Catalonha Corsega e de Cesc Poch d’Esquèrra Republicana de Catalonha, que faguèron una detalhada exposicion de la repression de l’estat espanhòl contra l’independentisme catalan, de la brutala repression policièra del referendum del 1r d'octòbre passat, de l’encarcerament dels representants de la societat civila, de las perquisicions e menaças contra la premsa, las estampariás, los cantadors, los professors, e fin finala de la situacion d’après lo 27 d'octòbre amb la declaracion d'independéncia e l’aplicacion de l'article 155, ont se suspenguèt l’autonomia e s’empresonèt los membres del govèrn de la Generalitat qu’èran demorats en Catalonha. Se denoncièt tanben la persecucion per mejan dels mandats d'arrèst europèus dirigits contra los elegits catalans en exili mas refusats pels autres païses.
 
Dins aquel parladís intervenguèt tanben Iker Elizalde per l’esquèrra basquista, que critiquèt l’immobilisme de l’estat espanhòl a respècte de la situacion dels presonièrs bascos, e denoncièt la dispersion coma venjança politica de l’estat contra las familhas dels presonièrs e l’independentisme basco.
 
De son costat, Katy Bartoli, per l’organisme de solidaritat amb los presonièrs còrses Sulidarità, condemnèt la politica repressiva de l’estat francés envèrs los independentistas empresonats, malgrat lo procès de desmilitarizacion de l'FLNC de l'an 2012 e l’exigéncia d’amnestia de part del govèrn de Corsega, de las comunas e de la majoritat del pòble còrs. Faguèt una crida a la participacion a la manifestacion nacionala per la revendicion de l’amnestia del 22 de setembre venent.
 
 
 
De l'autonomia a l'independéncia
 
Dimenge, lo primièr debat internacional foguèt organizat per U Ribombu sul tèma  "Dels limits de l’autonomia al futur de l'independéncia". A aquel debat participèt lo canac Mickaël Forest , responsable dels afars internacionals de l'FLNKS, que dins son intervencion expliquèt los enjòcs generals de la campanha dels independentistas canacs per l'òc a l'independéncia , de las fraudas del recensament e de la discriminacion raciala de l’estat francés denonciat dins cinc rapòrts de la mission de l’ÒNU per la Nòva Caledònia.
 
Per quant a el, Moetai Brotherson, deputat independentista de la Polinesia francesa, parlèt tanben del procès de descolonizacion e dels ensages nuclears franceses dins son país.
 
Per Catalonha intervenguèt Josep-Lluís Carod Rovira, èx-vicepresident de la Generalitat, pel País Basco parlèt Gorka Elejabarrieta, e Petru Antoine Tomasi, cap del grop parlamentari Corsica Libera membre de la coalicion nacionalista Pè a Corsica, expliquèt la posicion de Corsica Libera davant lo refús francés d’autrejar la mendre avançada dins l'encastre constitucional.
 
Long del debat entre las fòrças nacionalistas que govèrnan Corsega dins la coalicion Pè a Corsica i participèron de conselhièrs territorials, de representants sindicals e de conselhièrs executius (membres del govèrn còrs) a prepaus de l'agricultura, de l'environament e dels transpòrts.
 
 
Refondar l'Union Euròpa
 
La clavadura de las Jornadas Internacionalas de Corti se faguèt amb un miting de Corsica Libera que i participèt per videoconferéncia lo president de la Generalitat de Catalonha en exili, Carles Puigdemont, per mercejar Corsega de son sosten. Dins un discors en francés, Puigdemont defendèt qu'Euròpa se deu refondar sus la basa del respècte de la democracia e de la diversitat de las nacions dobèrtas a la rèsta del Mond.
 
Puèi, Josep-Lluís Carod Rovira intervenguèt en lenga còrsa amb una reflexion sus Euròpa: "Los estats an sequestrat Euròpa e l’an transformada en una estructura freja e sens arma. Los pòbles coma lo catalan e lo còrs devèm recuperar Euròpa per la democracia e la libertat".
 
Lo seguiguèt Arnaldo Otegi, coordinator general d’EH-Bildu, que dins son intervencion prepausèt de bastir “de procèsses democratics de resolucion dels conflictes tant en Corsega coma al Bascoat”; defendèt pereu lo "besonh de bastir [lors] pròprias republicas independentas dins l'encastre europèu".
 
Las intervencions las clavèt lo president de l’Assemblada de Corsega, Jean Guy Talamoni, qu'anoncièt que "davant la nòva estapa que se dobrirà en setembre, es essencial que [lor] majoritat prenga lo temps necessari per debatre e definir una nòva estrategia, comuna e eficaça" contra lo govèrn francés. "Quin que siá lo destin de la revision constitucionala francesa al començament de la rintrada, e quina que siá l'eventuala plaça de Corsega dins aquel tèxt, es fòrça clar que jamai lo [reconeisseràn] coma [lor] lei fondamentala", çò afirmèt, en assegurant que "l'independéncia es l’unica esperança".
 
Enfin, Talamoni acabèt son intervencion en demandant la bastison d’una "estrategia comuna en Euròpa" amb d'elegits bascos e catalans per una "nòva Union Europèa".

 




abonar los amics de Jornalet
 



publicitat
BANER1-2-3: DGPL AN LAFONT



Comentaris

13 d'agost 17.23h

Crec,que la independència dels Pobles i Nacions no ha de fer por a ningú i menys als Europeus que saben des de temps el que son les Nacions sotmeses.
Es el mes natural del Mon, i no cal oposar-s'hi.
Visca la Terra...Lliure!
L?Erenst, "El Tàrrega".


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

10 d'agost 17.25h

#3 Charline Claveau-Abadie per l'OPLO, e Carole Delga per le region Occitanie, qu'an defendut amb foga e estrambòrd los dreches del pòble occitan. La determinacion apassionada d'aquelas doas militantas acarnassidas de la causa occitana a provocat la remirança de totes los participants de las Jornadas Internacionalas de Corti que lor faguèron una memorabla standing ovation. Amb aquelas doas, cap de dobte, avançam sul bon camin, òsca !


Valoriza aqueste comentari:   votar positiu 20   votar negatiu 1
Respondre comentari replica Comentari inadeqüat   Formulari d'abús de comentari

9 d'agost 23.37h

L'Union fa la força. Conèisser los que pateissen coma nosaltres e cercar solucions ensems. Far relacions. Laborar junts.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

9 d'agost 13.34h

#2 Ten! vist, a escrich "lo potin de terra contre lo potin de far". Chalia legir " lo topin de terra contre lo topin de far." Me damandi çò que li passet per la testa!


Valoriza aqueste comentari:   votar positiu 3   votar negatiu 2
Respondre comentari replica Comentari inadeqüat   Formulari d'abús de comentari

9 d'agost 12.28h

Es que i-aguèt una delegacion o quauqun per representar Occitània ? M'agradaria d'o saupre, que ne'n parlatz pas. D'abança, plan mercès.


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

9 d'agost 11.50h

L'independença per raport a qui? a l'estat?
Benleu chaldria se pausar la question de saber si los estats europens son independents o si dependen de societats secretas que se son emparadas de la moneda, daus medias, de las instanças governementalas e de tots los poders d'un estat.
Face a d'aquelas societats, Corse pesaria pas belcòp e tombaraia d'una dictatura a una autra.
Bastir una democracia europeenna o internacionala es bastir la resistança a los que tenan lo vertardier poder e i faud... Legir mai


Valoriza aqueste comentari:   votar positiu 0   votar negatiu 7
Respondre comentari replica Comentari inadeqüat   Formulari d'abús de comentari

9 d'agost 10.42h

Segon J.G. Talamoni, clarvesent : "Quin que siá lo destin de la revision constitucionala francesa al començament de la rintrada, e quina que siá l'eventuala plaça de Corsega dins aquel tèxt, es fòrça clar que jamai lo [reconeisseràn] coma [lor] lei fondamentala : l'independéncia es l’unica esperança. Mas quin pòble, aquí, es l'independentista de l'autre. Lo que vòl simplament continuar d'èsser e que ne cèrcan lo mejan mai segur, o lo qu'acuola a l'independentisme per qu'aqueste... Legir mai


Valoriza aqueste comentari:   votar positiu 23   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 19
  • sol Aush 19
  • sol Bordèu 19
  • sol Briançon 15
  • sol Caors 17
  • sol Carcassona 20
  • sol Clarmont-Ferrand 17
  • sol Confolent 17
  • sol Gap 13
  • sol La Canau 19
  • sol La Gàrdia 29
  • sol Limòtges 15
  • sol Lo Borg Sant Dalmatz 17
  • sol Lo Puèi de Velai 15
  • sol Marselha 21
  • sol Montpelhièr 21
  • sol Naut Aran 18
  • sol Niça 21
  • sol Nimes 21
  • sol Pau 20
  • sol Peireguers 18
  • sol Rodés 19
  • sol Tolon 17
  • sol Tolosa 18
  • sol Valença 18

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Joaquim Blasco (Catalonha Nòrd)

    Concors de preseps de Jornalet 2016

  • Gavotina marítima: trofèu d'August e vila vielha d'A Torbia

  • © Miquèu Barís

    Los calandrons d'Auloron qu'an visitat Baiona

  • © Franc Bardòu

    Catalonha etèrna

  • Valadas. © Xavi Gutiérrez Riu

    Valadas

  • © Franc Bardòu

    Tèrra albigesa

  • © Margaria Pepin

    Adobament dal Grand Prèmi de Mónegue de 2014

  • © Franc Bardòu

    Catalonha etèrna

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Lo Canet dei Mauras: Brassariá e manhanariá, luecs de vida de l'occitan provençau

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Tèrra albigesa

  • © Laurenç Revèst

    Fòrt Maginòt de Sant Anhe

  • Valadas. © Xavi Gutiérrez Riu

    Valadas

  • © Aure Séguier

    Carnaval Biarnés 2017

  • A Gavotina marítima: Recabruna Cab Martin, a vila vielha e o castèl dau sécolo X

  • © Franc Bardòu

    Catalonha etèrna

  • Musèu de Terra Mata, Niça, mai anciana traça de fuec au monde

  • © Franc Bardòu

    Asuèlhs Bigordans

  • © Laurenç Revèst

    Fòrt Maginòt de Sant Anhe

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


57%



26%



17%




Vots 54 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)