Bandièra01 1180x150: País Invisible

Actualitats

crotz-tolosaCreated with Sketch.GasconhaBearn

La Passem: lo filme

Òc Tèle ven de publicar lo reportatge de la corsa per la transmission de la lenga occitana que se tenguèt en Bearn del 25 al 27 de mai passat

Òc Tèle ven de publicar lo reportatge complet de La Passem, la primièra corsa per la transmission de la lenga occitana que se tenguèt en Bearn del 25 al 27 de mai passat. Lo filme son 13 minutas de reportatge que fan tornar viure las tres jornadas, amb sas doas nuèches respectivas. L’eveniment foguèt una reüssida màger, e atal o mòstra lo filme d’Òc Tèle dins un reportatge agradiu e concret.
 
De Bidaishe (Gramont) a Pau (Palés), la corsa passèt per un centenat de vilas e de vilatges amb la participacion e l’engatjament de milièrs de personas. Los participants i poguèron córrer almens 1 dels 400 quilomètres en passant per un centenat de comunas del país amb l’objectiu de far prene consciéncia de la transmission de la lenga occitana.
 
La corsa l’organizèt l’associacion Ligams, qu’ara es ja a trabalhar per l’edicion que ven en 2020 ont es previst de despassar los limits de Bearn. “L’enveja de córrer entà la lenga que sembla plan d’aver ganhat d’autas partidas deu territòri de la lenga occitana”, çò rapòrta la còla d’Òc Tèle, que presenta aquel filme coma “lo rebat de l’estrambòrd creat per la prumèra edicion; que pròva la capacitat de mobilizacion qui pòt existir a l’entorn d’un concèpte simple e cargat de simbolisme”.
 
Agachatz lo filme sus: www.octele.com/video-oc/eveniments.html
 
 
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gasconha Gasconha
3.

Endavant per la lenga gascona! Brau!

  • 0
  • 0
pas sup
2.

Una plan bona causa, que se devria segurament portar al defòra del Biarn, pichon a pichon se poria far una escorreguda granda que duraria tota l'annada.
Dins una primièra amira s'i poria apondre lanas....

Avem de monde qu'an d'experienças fòrtas e reconeigudas al nivèl internacional dins lo domèni de las escorregudas longas :de per exemple avèm los 100km de Milhau qu'es lo primièr 100km fach dins l'exagona e que se debana al mes de setembre. es una escorreguda de professionals e i avem segurament causas a i aprener ni per que siaguessem pas professionals e que volem servar lo costat "de tot lo mond" a-n-aquela mena d'evenament.

  • 4
  • 0
Julian
1.

Plan bèl reportatge! Plan d'emocion! La mediatejament e la unico solucion per sensibilizar lo grand public a la question de la proteccion de la la lenga e de la cultura Occitan.

  • 3
  • 0

Escriu un comentari sus aqueste article