Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcAlbigésCaunés

La Salvetat d’Agot: una jornada antifaissista reüssida

Lo 4 d’agost passat, s’i tenguèt un rassemblament antifaissista que sa tòca èra de rendre visibla una resisténcia a la comunautat ultradrechista installada dins la vila

| Ls Horde
La Salvetat d’Agot es una comuna de Caunés gangrenada per una comunautat faissista que s’i es installada dempuèi 2015 amb son grop de musica dobèrtament xenofòb apelat Les Brigandes. Lo 4 d’agost passat, i aguèt luòc un recampament antifaissista que voliá rendre visibla una resisténcia a la comunautat ultradrechista e permetre als diferents collectius de s’i retrobar. La Horde ne publica un rapòrt.
 
L’eveniment amassèt de militants antifaissistas sortits de Montpelhièr, de Besièrs, de Sèta, de Tolosa, del quite país d’Albigés e d’endacòm mai. Los activistas placèron de bandeiròlas e de plancardas davant la comuna en tot criticar lo sosten del cònsol màger a Les Brigandes. A l’encòp distribuiguèron de tractes als passants e a las veituras.
 
Segon La Horde, la majoritat dels abitants de la Salvetat vegèron de bon uèlh la preséncia dels antifaissistas. Pasmens, d’autres la considèron coma un còp portat a lor tranquillitat. Justament la tòca dels activistas recampats a la Salvetat èra de “trencar l’indiferéncia e de permetre una cèrta liberacion de la paraula sus la question de la preséncia de Les Brigandes entre la populacion”.




abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
9.

A Cat. tenim un lema, els fatxes al clot!
Doncs be pel col·lectiu antifeixista, qualsevol acte contra els fatxes es benvingut.
Visca la Terra...Lliure!
L'Ernest, "El Tàrrega".

  • 0
  • 0
Matiàs Vilamagna
8.

#5 Es ironic?
O ben sètz partesan de l'ideologia de las Brigandas?
Les Salvetoises son las mèmas personas que las Brigandas, segur que marcan melhor dins lo tèxte e mai lo rèsta, mas es pas per amor que parlan d"un "dieu occitan", per beure "oun cop de bi", desguisada en arlatenca dau dimenge que li cau tot passar.

  • 8
  • 2
Oksıtanlaştıramadıklarımızdanmısınız İstanbul Göksu deresi
7.

#6
Los cadtilhans an lo flamencò, los portuguéses lo fadò, los Turks Lo Bozlak e lo Uzun hava, e de qu’avem nosaus ?

Bozlak vòl diser : querdar, s’esclamar, espetar, plorar, brutlar de patiments, exprimís los conceptes socials de mòrts, separacions, amors decebuda, totis los conceptes socials que pòdon sofrir lo monde.. Muzica populara d’anatolia centrala nos ven de las tribus yörük, Avşar, Türkmen, Abdal.

L’estil muzical es popular, tot lo monde dins sa vida canta, a cantat, a agut cantat, cantèc, cantarà un jorn lo Bozlak la cançon qu’esquissa l’arma al mai priu. Mai que sovent un bozlak pòt far se plorar lo public d’un belvèser, entr’amics cadun, canta sas penas, las paraulas pòdon èsser improvisadas sul còp.
Es vertadièrament quicòm de punhent que trasvira, que secotís. Apèi la vida contunha e cadun de se regaudir d’aver plan cantat, plan plorat, claufit de penas, e subretot d’aver sabut las far eissir de se, e de las partatjar ambe los autres.
D’apèi qualques especialistas del flamencò, es venent de las indias, passent per anatolia, que los caracòs se son inpirats del Bozlak e cantar lo patiment lor al travers del flamencò. Atal existís d’encontras de muzicaires e cantaires Bozlak Flamencò, ont cadun partatja son biais de cantar, sas penas e sas lagremas.

E nosaus de qu’avem per cantar los nòstres patiments, las nòstras dolors, las nòstras penas, nòstra envetja de querdar, de sisclar, de plorar.

https://www.youtube.com/watch?v=vv19nzCPuys Un classic d’escotar.
https://www.youtube.com/watch?v=ZFlQ5zVm6-k en familha

  • 1
  • 0
Oksıtanlaştıramadıklarımızdanmısınız İstanbul Göksu deresi
6.

#5 Aquò’ s vertat cantan plan aquelas dròllas….

E coma son las vacanças aqui una autra que canta plan lo « bozlak » Fatma Aydoğan, òm se sortis las tripas... m’a nhafrat iò aquel amor n’es lo titòl..

https://www.youtube.com/watch?v=Fiv64dKpJWk prendre la video a 3.33

Que se n’en poguesson inspirar los cantairas nòstres, n’avem de patiments de cantar... de qu’una li farà rampèu a-n-aquela dròlla ?

  • 3
  • 0
Pierre TERRAL
5.

Mercés a Jornalet de nos aver fach conéisser aquel grope simpatique. Un sol regrèt: que cànten pas (encara ?) en occitan.
https://www.youtube.com/watch?v=CVuazEixeXQ

  • 5
  • 13

Escriu un comentari sus aqueste article