Actualitats
Decès de Sèrgi Dotti, lo biaissut artista niçard
Conegut per la sèria TV en occitan Li Babaròtas, Dotti èra un artista dels nombroses talents: marionetas, literatura, teatre, cinèma...
L’artista niçard Sèrgi Dotti nos quitèt lo 8 d’agost passat a 66 ans. Amic de la causa occitanista, Dotti èra conegut per la sèria TV en occitan Li Babaròtas, mas èra d’en primièr un artista dels nombroses talents: marionetas, literatura, teatre, cinèma...
Nascut a Niça en 1952, Dotti venguèt professor de literatura e foguèt mandat en Arpitània (a Borg de Bressa e puèi a Sant Estève). Mas aquel exili durèt pas que dos ans. Nostalgic, decidiguèt de quitar l’ensenhament e de tornar al país.
Se consagrèt a l’edicion al començament dels ans 1980 e se virèt devèrs lo teatre en escrivent una primièra pèça en occitan niçard. A la fin de 1990, montèt una quinzena d’espectacles.
En 2011, joguèt lo ròtle de Sergio, lo protagonista del filme La Machina de Thierry Paladino. Lo filme mòstra, entre ficcion e documentari, un periple iniciatic que vei lo mèstre marionetista a transmetre son saber a son escolan Adrien al fil d’una tornada a travèrs d’Occitània.
Lo grop niçard Nux Vomica, amics de l’artista, partegèt la nòva sus Facebook.
Nascut a Niça en 1952, Dotti venguèt professor de literatura e foguèt mandat en Arpitània (a Borg de Bressa e puèi a Sant Estève). Mas aquel exili durèt pas que dos ans. Nostalgic, decidiguèt de quitar l’ensenhament e de tornar al país.
Se consagrèt a l’edicion al començament dels ans 1980 e se virèt devèrs lo teatre en escrivent una primièra pèça en occitan niçard. A la fin de 1990, montèt una quinzena d’espectacles.
En 2011, joguèt lo ròtle de Sergio, lo protagonista del filme La Machina de Thierry Paladino. Lo filme mòstra, entre ficcion e documentari, un periple iniciatic que vei lo mèstre marionetista a transmetre son saber a son escolan Adrien al fil d’una tornada a travèrs d’Occitània.
Lo grop niçard Nux Vomica, amics de l’artista, partegèt la nòva sus Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Al cel mos vegem tots plegats !, sustot amb los bons amics occitans e catalans que lutan pel país oprimit pel nacionalime francès e espanyol dit per l' imperialiment nacionalista castelhan.
http://serge-dotti.com/
Amb ben d'infos subre
Un obrier de la lenga occitana, e de la cultura. Sensa faus debat de ce que passa davans de l'autra.
Aviam charrat e se croseriam a Niça, en Gavotina o en Ròia. Garibaldi, Pelhon, tan d'a dire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari