Polifonias
 
Lo Festenal de Polifonias de la Val Nauta d’Aude presenta de concèrts de polifonias del Mond amb lo Trio Tsatsali (divendres 31/08, Brenac), de polifonias de Valonia amb La Crapaude (dissabte 01/09, Belvianas e Cavirac), lo grop occitan Aqueles (divendres 07/09, Belvis), lo grop còrs Barbara Furtuna (dissabte 08/09, Quilhan) e un final amb lo Gesppe (organizaire del festenal), La Barlounguere, Lutzia Sonorum (dimenge 09/09, Esperasan) sens doblidar l’estagi del dissabte 8, animat per Lutxi Achiary a Esperasan.
 
Los amoroses de polifonias poiràn la setmana seguenta anar en Catalonha Nòrd a Mosset ont se tendrà lo primièr festenal internacional de polifonias Ressons amb la participacion dels occitans Albada, Lo Barrut e Belugueta, dels catalans Tornaveus e dels albaneses Ensemble Mallakaster (contacte: +33(0)6 95 73 70 74;  titouan.billon@gmail...)
 
 
Los Dijòus-Escritura
 
A l’Ostal Sirventés (79, la Trivala a Carcassona), “Las Musas" (mòstra d’aqüarèlas) dobriràn la sason (dissabte 31/08) abans una jornada “pòrtas dobèrtas” a l’escasença de la Fièra dels trastes del barri (dimenge 2). Seguiràn puèi tres rendètz-vos Escritura per presentar Sul pont de veire, los contes de l’Andrieu Lagarda, amb Camilha Bilhac e Joan Eygun (dissabte 6), l’istòria catara amb Anna Brenon (dijòus 20) e la musica de las ajustas setòrias amb Alan Charrié e Felip Carcassès (lo dijòus 27).
 
 
Sosten a Calandreta
 
Lo festenal SonMiRé a Fabresan (7 al 9 de setembre) organiza un dinnar en sosten a la calandreta de Narbona lo dimenge 9 de setembre, abans de faulas en occitan e un espectacle de cants amb Jan-Maria Carlòtti e la dançaira Armelle Chouquard.
 
 
Bodega
 
Sofia de Dixmude presentarà la bodega al castèl comtal de la Ciutat de Carcassona (dijòus 13) abans de prepausar d’animacions per las Jornadas del Patrimòni (15 e 16 de setembre).
 
 
Trobadors de l'ora d'ara
 
Lo festenal “Los Trobadors cantan l’art romanic” programa dos recitals: Rotland Pecot e lo còr femenin Voy’elles (dimenge 16, abadiá de Sant Pàpol), Rotland Pecot e los cants flamenco e orientals del grop El Candil (dissabte 22/09, glèisa Santa Ceselha a Cuccçac de Cabardés).
 
 
Crosada e literatura
 
L’associacion dels Companhs de Paratge organizarà sa jornada annala de rescontre lo dissabte 29 de setembre en Lauragués, a Vilaspin, sul tèma “La Crosada contra los albigeses e la literatura”. Aprèp las intervencions e los temps de discussion, la jornada se clavarà en fin de vèspre amb un recital del grop La Ròsa trobadoresca.
 
 
 
 
Alan Roch