Actualitats
Barcelona: la commemoracion de l'atemptat terrorista d'arunan se debana amb una normalitat forçada e de tensions
La ceremònia la concebèron los parents de las sètze victimas mortalas dins una reünion amb la consolessa màger de la Ciutat Comtala. La preséncia del rei d'Espanha a fach polemica
Un an après los atemptats terroristas en Catalonha, las tres vilas concernidas pels chaples del 17 d’agost de 2017, Barcelona, Cambrils e Ripoll, an fach de ceremònias d'omenatge e de commemoracion en remembre de las victimas e en favor de la patz.
A Barcelona, la ceremònia la concebèron los parents de las sètze victimas mortalas dins una reünion amb la consolessa màger de la vila, Ada Colau. Los parents demandèron qualques cançons, un tèxt legit dins las divèrsas lengas de las victimas, cap de bandièra e solament la color blanc de la patz.
Après depausar de garbas de flors sul sit de l'atemptat, las familhas anèron sus la Plaça Catalonha. Aquí, al mièg de fòrtas mesuras de seguretat, assistiguèron a la ceremònia qu'avián preparada, amb la preséncia de las autoritats del país e de l'estat. A 10h30 venián lo rei d'Espanha, Felip VI, e lo president del govèrn espanhòl Pedro Sánchez. En arribar, acompanhats de ministres e èx-ministres espanhòls, saludèron las autoritats catalanas, dont lo president de la Generalitat en foncions, Quim Torra. Totun, lo vicepresident del parlament catalan, Josep Costa (Amassa per Catalonha) refusèt de tocar la man al rei espanhòl; en represalha, aqueste saludèt pas los membres del govèrn catalan.
L’acte foguèt simple e sens cap de parladís politic. Lo presentèt la jornalista Gemma Nierga. Los sols protagonistas foguèron las victimas e los servicis d'urgéncia.
Un grop de personas brandèron de bandièras espanhòlas e cridèron "Visca Espanha", "Visca la gàrdia civila", "Visca lo rei" e "Ès pas tot sol" en sonant Felip VI. Protestavan contra l'enòrma bandeiròla que se vesiá d'un immòble de la plaça estant e que disiá en anglés que lo rei d'Espanha èra pas benvengut als Païses Catalans.
Mentretant, lo pòble manifestava son sosten a las victimas e a la patz, non pas sus la plaça, ont las mesuras de seguretat èran enòrmas a causa de la preséncia del monarca e dels elegits, mas per las carrièras de l'entorn.
Joaquim Forn, en preson, representat per sa conjoncha
Pasmens, èra absent Joaquim Forn, ara en preson preventiva per l'organizacion del referendum independentista del 1r d'octòbre passat. Forn èra representat per sa conjoncha que lo deguèt saludar lo rei espanhòl. De soslinhar que Forn èra lo conselhièr de l'Interior de la Generalitat arunan e foguèt el que capitèt a desarticular lo grop jihadista qu'aviá organizat l'atac. Aital, Joaquim Forn evitèt un atemptat fòrça pus sagnós.
Segon Mireia Boya, la guèrra bruta de l’estat espanhòl contra l’independentisme catalan poiriá èsser restacada amb l’atemptat terrorista que tustèt Barcelona e Cambrils lo 17 d’agost passat, segon una tièra de fiuladas qu’a publicadas sus Twitter Mireia Boya. L’èx-deputada occitana del Parlament de Catalonha pressent que l’encarceracion del conselhièr de l’Interior de Catalonha, Joaquim Forn, e la destitucion del cap de la polícia catalana, Josep Lluís Trapero, i an quicòm a veire.
A Barcelona, la ceremònia la concebèron los parents de las sètze victimas mortalas dins una reünion amb la consolessa màger de la vila, Ada Colau. Los parents demandèron qualques cançons, un tèxt legit dins las divèrsas lengas de las victimas, cap de bandièra e solament la color blanc de la patz.
Après depausar de garbas de flors sul sit de l'atemptat, las familhas anèron sus la Plaça Catalonha. Aquí, al mièg de fòrtas mesuras de seguretat, assistiguèron a la ceremònia qu'avián preparada, amb la preséncia de las autoritats del país e de l'estat. A 10h30 venián lo rei d'Espanha, Felip VI, e lo president del govèrn espanhòl Pedro Sánchez. En arribar, acompanhats de ministres e èx-ministres espanhòls, saludèron las autoritats catalanas, dont lo president de la Generalitat en foncions, Quim Torra. Totun, lo vicepresident del parlament catalan, Josep Costa (Amassa per Catalonha) refusèt de tocar la man al rei espanhòl; en represalha, aqueste saludèt pas los membres del govèrn catalan.
L’acte foguèt simple e sens cap de parladís politic. Lo presentèt la jornalista Gemma Nierga. Los sols protagonistas foguèron las victimas e los servicis d'urgéncia.
Un grop de personas brandèron de bandièras espanhòlas e cridèron "Visca Espanha", "Visca la gàrdia civila", "Visca lo rei" e "Ès pas tot sol" en sonant Felip VI. Protestavan contra l'enòrma bandeiròla que se vesiá d'un immòble de la plaça estant e que disiá en anglés que lo rei d'Espanha èra pas benvengut als Païses Catalans.
Mentretant, lo pòble manifestava son sosten a las victimas e a la patz, non pas sus la plaça, ont las mesuras de seguretat èran enòrmas a causa de la preséncia del monarca e dels elegits, mas per las carrièras de l'entorn.
Joaquim Forn, en preson, representat per sa conjoncha
Pasmens, èra absent Joaquim Forn, ara en preson preventiva per l'organizacion del referendum independentista del 1r d'octòbre passat. Forn èra representat per sa conjoncha que lo deguèt saludar lo rei espanhòl. De soslinhar que Forn èra lo conselhièr de l'Interior de la Generalitat arunan e foguèt el que capitèt a desarticular lo grop jihadista qu'aviá organizat l'atac. Aital, Joaquim Forn evitèt un atemptat fòrça pus sagnós.
Segon Mireia Boya, la guèrra bruta de l’estat espanhòl contra l’independentisme catalan poiriá èsser restacada amb l’atemptat terrorista que tustèt Barcelona e Cambrils lo 17 d’agost passat, segon una tièra de fiuladas qu’a publicadas sus Twitter Mireia Boya. L’èx-deputada occitana del Parlament de Catalonha pressent que l’encarceracion del conselhièr de l’Interior de Catalonha, Joaquim Forn, e la destitucion del cap de la polícia catalana, Josep Lluís Trapero, i an quicòm a veire.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La pancarta se veget perfectament, la volgueren levar los madrilenys que anaren a Barcelona amb lo viatge pagat e de regal un capelhet, un entrepan de choris e un a botelha d'aiga de clavaguera. Bon profit !
Lo comportament vergonhós d'aquelos espanholistas que se podián pas empachar de bramar en tot sortir los drapèlhs mentre que las familhas avián bien precisar que ne'n volián pas veire, mòstra ben a la fàcia dau monde de quin costat son sufisença e mespretz e de quin costat son respèct e dignitat !
#8 La recuperacion politica d’una tragedia onora pas los recuperators.
#2 Comentari precipitat?
Cql pas doblidar que los que menèron l'enquèsta e capitèron de trapar los terroristas son en preson (Forn) o secutats per la justícia espanhòla (mossos d'esquadra). Estant qu’en Espanha la política s’es judiciarizada, es pas de política çò que fan lo rei e lo govèrn espanhòl en venent a Barcelona? Es pas de recuperacion saique?
#6 Me sembla, emai, qu'en portugués , se fa la diferencia, entre "morto" e "mortal"(=que provòca la mòrt, o qu'es per morir)
Aquò dich , me pensi, se cal pas esperlongar sus aquelas parpelas d'agaça, n'avèm plan pron de nos tracassar de la subrevida de nòstra lenga mortala que n'es a far las espèras....se mòrta non es jà .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari