Bandièra01 1180x150: Comuna de Tolosa

Actualitats

Bretanha: lo festenal de Sant Loup revendica la reünificacion del país

Doas bandeiròlas que demandavan la reïntegracion del departament del Léger Atlantic a la region an dobèrt lo desfilat dels grops dels festenal

Lo passacarrièra del festenal breton de Sant Loup revendiquèt ièr a Gwengamp la reünificacion de Bretanha. Lo cortègi dels grops que participan al festenal comencèt amb doas bandeiròlas que revendicavan que se tornèsse integrar lo departament del Léger Atlantic a la region de Bretanha.
 
La reünificacion de Bretanha qu’incorporariá a la region administrativa lo departament del Léger Atlantic es una vièlha demanda bretonista, qu’a organizat de vòtes populars sus aquel tèma e fòrça protèstas e manifestacions nombrosas. Mas l’Assemblada Nacionala francesa rebuta aquela revendicacion, e mai la capitala istorica de Bretanha, Nantas, rèste dins la region dels Païses de Léger en tot perpetuar lo desmembrament de Bretanha decretat per Philippe Pétain fa mai de setanta ans.
Lo festenal de Sant Loup, en breton Gouel Sant-Loup ha dañs Breizh, es un grand festenal de musica celtica que se ten cada annada a Gwengamp, en Bretanha, durant la segonda quinzena d’agost. Creat al sègle XIX, la fèsta es consagrada a la cultura bretona dempuèi 1957 e aculhís tanben lo concors nacional de danças bretonas.

 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

Be, pels Bretons, no conformar-se es el primer pas.
Lliures aviat!
Visca la Terra...lliure!
L'Ernest, "El Tàrrega".

  • 0
  • 0
Pierre TERRAL
4.

#3 La creacion dels despartaments pes desmembrar las províncias data de 1790, Pétain èra pas encara nascut nimai pensava pas encara a nàisser.
Pétain sembla pas tanpauc portar cap de responsabilitat per l'esfondrament del pont de Gèna.

  • 0
  • 6
Pirolet
3.

Los govèrnaments de la Republica passan, alternància o pas, la division petenista de Bretanha demòra.

  • 6
  • 1
Pierre TERRAL
2.

Los Bretons, coma d'Occitans que i a, deurian melhor estudiar l'istòria.
http://www.slate.fr/story/95573/vichy-bretagne-nantes

  • 2
  • 3
Julian
1.

Bretanha e Occitania Liure!! Jacobins afora!!

  • 4
  • 1

Escriu un comentari sus aqueste article