Actualitats
Grècia: fin del darrièr programa de salvament economic
Ara lo país ellèn ensaja de far son camin amb un pauc mai d’independéncia economica e mens de contraròtle de la tròica, mas amb un deute del 180% de son PIB
Se concluguèt ièr diluns, oficialament, lo darrièr programa de salvament economic de Grècia. Lo plan s’acaba amb succès segon lo Mecanisme Europèu d’Estabilitat (MÈE), organizacion responsabla del darrièr plan de tres ans qu’a prestat 61,9 miliards d’èuros al país ellèn. En contrapartida, Grècia a degut abordar d’ajustaments macroeconomics fòrça impopulars e recapitalizar sa banca.
Lo PIB es tombat d’un 25%
Ara Grècia ensaja de far son camin amb un pauc mai d’independéncia economica e mens de contraròtle de la tròica. Ça que la, la situacion del país après los uèch ans de salvament economic es luènh de çò qu’èra en 2009. Pendent aqueste periòde, lo Produch Interior Brut (PIB) es tombat d’un 25% en passant de 237,5 miliards d’èuros en 2009 a 177 miliards en 2017, segon las donadas d’Eurostat. Aquela fòrta davalada l’a tanben viscuda lo PIB per abitant, qu’es descendut durant lo meteis periòde d’un 22,5%.
Mas lo problèma pus grèu qu’a desenant lo país ellèn es l’enòrme deute public sens l’injeccion d’argent del MEE. Eurostat assolida que lo deute public grèc es de mai del 180% del PIB del país.
Ponch final de l’assisténcia financèra
Grècia a mes lo ponch final al paquet d’assisténcia financièra pachada pels sòcis del MEE en agost de 2015. Lo país a recebut, entre los ans 2012 e 2015, aperaquí 142 miliards d’èuros de prèstes del Fons Europèu d’Estabilitat Financièra (EFSF segon sa sigla en anglés), un fons de salvament temporari establit en 2010. Al total, entre los dos fonzes de salvament, Grècia a recebut 203,77 miliards d’èuros, un salvament “sens precedents dins l’istòria modèrna”, çò ditz lo MÈE. Los prèstes, de mai de 30 ans, aurián —segon aquel organisme— de condicions fòrça favorablas quant als tausses d’interès. Los fonzes mençonan pas las condicions economicas e socialas qu’an impausat al país.
“Podèm uèi finir amb seguretat lo programa del MÈE sens mai de salvaments, que pel primièr còp dempuèi lo començament de 2010 Grècia pòt demorar drecha ela meteissa”, çò afirmèt dins un comunicat lo president del MÈE, Mário José Gomes de Freitas Centeno. De son costat, lo director executiu del MÈE, Klaus Regling precisèt que Grècia “es lo cinquen país après Irlanda, Espanha, Portugal e Chipre que sortís d’un programa de l’EFSF o del MÈE”.
Per quant a el, lo Fons Monetari Internacional (FMI) prestèt a Grècia 32,1 miliards d’èuros dont 21 miliards son ja estat tornats.
Lo PIB es tombat d’un 25%
Ara Grècia ensaja de far son camin amb un pauc mai d’independéncia economica e mens de contraròtle de la tròica. Ça que la, la situacion del país après los uèch ans de salvament economic es luènh de çò qu’èra en 2009. Pendent aqueste periòde, lo Produch Interior Brut (PIB) es tombat d’un 25% en passant de 237,5 miliards d’èuros en 2009 a 177 miliards en 2017, segon las donadas d’Eurostat. Aquela fòrta davalada l’a tanben viscuda lo PIB per abitant, qu’es descendut durant lo meteis periòde d’un 22,5%.
Mas lo problèma pus grèu qu’a desenant lo país ellèn es l’enòrme deute public sens l’injeccion d’argent del MEE. Eurostat assolida que lo deute public grèc es de mai del 180% del PIB del país.
Ponch final de l’assisténcia financèra
Grècia a mes lo ponch final al paquet d’assisténcia financièra pachada pels sòcis del MEE en agost de 2015. Lo país a recebut, entre los ans 2012 e 2015, aperaquí 142 miliards d’èuros de prèstes del Fons Europèu d’Estabilitat Financièra (EFSF segon sa sigla en anglés), un fons de salvament temporari establit en 2010. Al total, entre los dos fonzes de salvament, Grècia a recebut 203,77 miliards d’èuros, un salvament “sens precedents dins l’istòria modèrna”, çò ditz lo MÈE. Los prèstes, de mai de 30 ans, aurián —segon aquel organisme— de condicions fòrça favorablas quant als tausses d’interès. Los fonzes mençonan pas las condicions economicas e socialas qu’an impausat al país.
“Podèm uèi finir amb seguretat lo programa del MÈE sens mai de salvaments, que pel primièr còp dempuèi lo començament de 2010 Grècia pòt demorar drecha ela meteissa”, çò afirmèt dins un comunicat lo president del MÈE, Mário José Gomes de Freitas Centeno. De son costat, lo director executiu del MÈE, Klaus Regling precisèt que Grècia “es lo cinquen país après Irlanda, Espanha, Portugal e Chipre que sortís d’un programa de l’EFSF o del MÈE”.
Per quant a el, lo Fons Monetari Internacional (FMI) prestèt a Grècia 32,1 miliards d’èuros dont 21 miliards son ja estat tornats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E atal pòdon cantar lo Rebetiko... Musica populara
https://www.youtube.com/watch?v=bsUYqF32EdU&start_radio=1&list=RDQMBcM6QoDd-Og
https://www.youtube.com/watch?v=pAopO58TaCM&list=RD9yfpnJgR4A4&index=11
E per los toristas damora lo sirtaki
https://www.youtube.com/watch?v=BfsRFyxDDoA
Coma una auvelha e au nom de la neutralitat, Jornalet refusa de veire que l'UE se compòrta coma los colons daus segles passats e que çò que Grècia a endurat pòd arribar a tots los autres pais que dependents de l'UE. I a pas mielhs que la deta per dominar que siajas un particulier o un estat.
La revòlta vendra d'alhors pas de Jornalet.
Apèi 8 annadas de ranguilhs Grècia sembla èsser eissida de la tomplina, Mas solament es brica vertat. Grècia es simplament pus jos tutela. : se van despatolhar solets.
De se rementar que i aguèc tres plans de salvetatge : 2010, 2012, 2015 que fuguèron prestats 289 Milhards d’euros. L’ajuda foguèc subretot d’esperlongar los remborsaments del deute.
Las equacions son pas de las cortetas.
Un endeutament a 180% del PIB
Un PIB qu’a baissat de 25%
Un taus de caumatge de 27 %
300 000 grècs an quitat lo país, mai que sovent los mai qualifiats.
450 reformas socialas an estat votadas
Los impaus an aumentat de 339%
Lo salari mejan es arribat a 683€ apèi una perda de 220€
Las pensions de retirada atanben an baissat de 40% per tustar ara los 633€.
67 ans ara vendrà l’atge de retirada.
L’alocacion de solidaritat per las retiradas pichonas (inferioras a 700€, es suprimida
Lo taus de suicidis a aumentat de 35% en uèit annadas (en 2009 èra lo taus lo mai bàs d’europa)
Un taus de caumatge pels joves de mens de 25 ans qu’a pujat fins a 48%.
E part dins l’airal d’Athena, totjorn cap de cadastre…. Çò que far de titòl de proprietat aleatòris per las superficias….
Es segur que grecia contunharà de ranguilhar mentre qualques annadas enquera. Pasmens benlèu pas, Grècia damorarà coma es e es nosaus qu’anem davalar al ivèl de Grecia….
Es ora de cambiar de país tant qu’es possible. S’expatria en Occitània. :-)
Apèi 8 annadas de ranguilhs Grècia sembla èsser eissida de la tomplina, Mas solament es brica vertat. Grècia es simplament pus jos tutela. : se van despatolhar solets.
De se rementar que i aguèc tres plans de salvetatge : 2010, 2012, 2015 que fuguèron prestats 289 Milhards d’euros. L’ajuda foguèc subretot d’esperlongar los remborsaments del deute.
Las equacions son pas de las cortetas.
Un endeutament a 180% del PIB
Un PIB qu’a baissat de 25%
Un taus de caumatge de 27 %
300 000 grècs an quitat lo país, mai que sovent los mai qualifiats.
450 reformas socialas an estat votadas
Los impaus an aumentat de 339%
Lo salari mejan es arribat a 683€ apèi una perda de 220€
Las pensions de retirada atanben an baissat de 40% per tustar ara los 633€.
67 ans ara vendrà l’atge de retirada.
L’alocacion de solidaritat per las retiradas pichonas (inferioras a 700€, es suprimida
Lo taus de suicidis a aumentat de 35% en uèit annadas (en 2009 èra lo taus lo mai bàs d’europa)
Un taus de caumatge pels joves de mens de 25 ans qu’a pujat fins a 48%.
E part dins l’airal d’Athena, totjorn cap de cadastre…. Çò que far de titòl de proprietat aleatòris per las superficias….
Es segur que grecia contunharà de ranguilhar mentre qualques annadas enquera. Pasmens benlèu pas, Grècia damorarà coma es e es nosaus qu’anem davalar al ivèl de Grecia….
Es ora de cambiar de país tant qu’es possible. S’expatria en Occitània. :-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari