Actualitats
Tolosa: mobilizacion del CROM a la prefectura
Los ancians refugiats e demandaires d’asil del Miralh son tornarmai menaçats d’expulsion
Lo Collectiu de Refugiats Ocupants del Miralh (CROM) s’acampa dempuèi diluns passat, 20 d’agost, davant la pòrta de la prefectura del departament de Nauta Garona per rescontrar la prefècta. Representan 80 personas menaçadas d’expulsion. Après mai d’un mes de luta e de solidaritats, après l’ocupacion amb los estudiants e l’evacuacion de l’Universitat Joan Jaurés, lo CROM ocupa un bastiment void sus la Plaça Henri Russel a Tolosa per lotjar de refugiats sens papièrs e sens ostal.
En tot, i a 80 personas que demòran dins aquel bastiment. La justícia a daissat dos meses per evacuar mas la màger part an pas trobat de solucion per un ostal. La prefectura aviá pres l’engatgament de trobar d’ostalariás pels demandaires d’asil en mai passat mes n’a pas tengut sa paraula.
Uèi, dimècres 22 d’agost, lo bastiment Russel es vengut fòrabandible. Lo CRÒM reclama de jorns per trobar una solucion de relotjament e evitar que las 80 personas sián tornarmai deslotjadas. La prefectura deu ara causir se vòl defendre lo dret a la proprietat privada dels promotors immobiliaris o lo dret dels demandaires d’asil, que comprenon tanben de refugiats e de familhas; entre la logica economica e la solidaritat.
Hierro Setiembre
En tot, i a 80 personas que demòran dins aquel bastiment. La justícia a daissat dos meses per evacuar mas la màger part an pas trobat de solucion per un ostal. La prefectura aviá pres l’engatgament de trobar d’ostalariás pels demandaires d’asil en mai passat mes n’a pas tengut sa paraula.
Uèi, dimècres 22 d’agost, lo bastiment Russel es vengut fòrabandible. Lo CRÒM reclama de jorns per trobar una solucion de relotjament e evitar que las 80 personas sián tornarmai deslotjadas. La prefectura deu ara causir se vòl defendre lo dret a la proprietat privada dels promotors immobiliaris o lo dret dels demandaires d’asil, que comprenon tanben de refugiats e de familhas; entre la logica economica e la solidaritat.
Hierro Setiembre
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari