Bandièra01 1180x150: Comuna de Tolosa

Actualitats

Un nòu concèpte quantic desfà l’ara e l’abans

Segon los cercaires, dins la vida vidanta los eveniments se produson totjorn l’un après l’autre, mas en fisica quantica es pas brica atal

“Dins la vida vidanta pensam totjorn que los eveniments an un òrdre segur —çò diguèt la fisiciana Jacqui Romero, de l’universitat australiana de Queensland— Dins lo reialme de la fisica quantica, pòt capitar qu’aquò siá pas verai”
“Dins la vida vidanta pensam totjorn que los eveniments an un òrdre segur —çò diguèt la fisiciana Jacqui Romero, de l’universitat australiana de Queensland— Dins lo reialme de la fisica quantica, pòt capitar qu’aquò siá pas verai” | Technochops
Los cercaires de fisica quantica son ara estonats de veire que dins aquela sciéncia la sequéncia dels eveniments seguís pas l’òrdre temporal que totes coneissèm. Atal, l’ara e l’abans son destruches pr’amor que los eveniments pòdon seguir un òrdre inversat: A abans B mas tanben B abans A.
 
La nòva sequéncia quantica dels eveniments, doncas, se pòt passar a l’envèrs; A abans B e invèrsament. Segon los cercaires, dins la vida vidanta los eveniments se produson totjorn l’un après l’autre, mas en fisica quantica es pas brica atal. Per ansin, e segon la nòva descobèrta, dos eveniments pòdon arribar de se produire dins l’òrdre invèrs.
 
“Dins la vida vidanta pensam totjorn que los eveniments an un òrdre segur —çò diguèt la fisiciana Jacqui Romero, de l’universitat australiana de Queensland—. De matin manjam primièr e puèi anam trabalhar. Dins lo reialme de la fisica quantica, pòt capitar qu’aquò siá pas verai”.
 
 
Un nòu concèpte fisic
 
Lo nòu concèpte fisic, conegut coma l’interruptor quantic, fonciona atal: una sèria de particulas de lutz recebon plusors operacions (A e B) que las càmbian. Los fotons alavetz pòdon viatjar per de camins desparièrs vèrs lo ponch A e lo ponch B. Mas aquò se produtz atal: per un camin A ven abans B e per un autre B abans A.
 
L’episòdi arriba segon quin camin lo pren lo foton, e aquò depend de sa polarizacion —la direccion vèrs ont se butan sas ondas electromagnateticas-: vèrs en naut o lateralament. Los primièrs arriban a A d’en primièr, los segonds a B. Mas las proprietats quanticas permeton a aqueles fotons d’arribar a A e a B simultanèament, çò confirmèt Romero.
 
Segon un autre fisician, Giulio Chiribella, de l’Universitat d’Oxford, “aquò permetrà de contrarotlar lo nòu regim de la fisica quantica”. Tot aquò poiriá èsser utilizat ara dins lo Mond de las telecomunicacions. Segon los cercaires qu’an fach aquela tròba, seriá interessant d’o desvolopar al nivèl de las comunicacions quanticas e informaticas. La nòva proprietat rescontrada permetriá d’aver la facultat de comunicar dins plusors canals ont i a de bruch.(Legissètz la seguida).




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.






abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Segur que lo PSOE aprofitarà açò de la quimica quantica, per dire que quan eles disen Oc, en realitat tamben volen dire Non.

  • 2
  • 0
Estevam Natal, Brasil
1.

Fòrça interessant. M'agrada plan la fisica e m'agrada tanben poder legir sus un tema coma aqueste aicí, al Jornalet :)

  • 7
  • 0

Escriu un comentari sus aqueste article