Bandièra01 1180x150: Comuna de Tolosa

Actualitats

La Comission Europèa prepausa d’eliminar lo cambiament d’ora

Son president, Jean-Claude Juncker, a anonciat a la television alemanda ZDF que l’idèa seriá de manténer l’orari d’estiu

Bordèu
Bordèu | Marie Thérèse Hébert & Jean Robert Thibault
Segon un sondatge que l'a realizat la Comission Europèa, l’80% dels ciutadans europèus son partisans d’eliminar lo cambiament orari. Per aquela rason, la Comission Europèa prepausarà al Parlament Europèu d’eliminar lo cambiament d’ora.
 
Pasmens, après l’avaloracion de l’eurocambra e l’aprobacion del Conselh Europèu, seràn los govèrns de cada estat qu'auràn lo poder d'aviar aquela modificacion.
 
Dijòus e divendres passats, la Comission Europèa faguèt una reünion d'informacion per avalorar los resultats del sondatge, que pren en compte una mòstra de 4,5 milions de responsas.
 
Lo cambiament orari comencèt de se far a partir de la crisi del petròli de 1973, quand qualques païses aguèron decidit de cambiar d'orari per aprofechar la lutz del Solelh e consumar mens d’electricitat. Dempuèi 1981, aquel sistèma es una nòrma de l’Union Europèa. Amb aquela practica, l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai.
 
En febrièr passat, una resolucion del Parlament Europèu assegurava que l’argument de l’estalviament d’energia èra pas significatiu; al contrari, lo cambiament orari a d’efièches negatius sus la santat umana.
 
 
 

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
5.

Per lo moment, la Comission trantalha: restar sus l'ora d'estiu ò prendre l'ora d'ivèrn? Personalament, me sembla qu'aquela d'ivèrn, mai pròcha de l'ora dau Solèu, es la melhora.

  • 2
  • 0
Granet Serras de l\'agenes
4.

Plan maishanta novela pel's que travalhan defòra sen oras ficsas e mai o mens tant que fai jorn coma los agricultors e d'autres .

  • 0
  • 1
farfaneta nimes
3.

E ben .... Bona novèla !

  • 4
  • 1
farfaneta nimes
2.

E ben .... Bona novèla !

  • 2
  • 0
Mèfi ! 31
1.

Transpòrt aerian, ferroviairi...
Le càmbiament d'ora es tanben un pètaclòsc pels entrepresas de transpòrt...

  • 2
  • 1

Escriu un comentari sus aqueste article