CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimars, 4 de setembre de 2018, 03h00 Economia,Environament

Gasconha > Lanas e Labrit > Vasadés

De glifosat dins los bòsques de Vasadés contamina lo mèl e l’aiga

De silvicultors del país fan servir lo glifosat per se desbarrassar de la flòra al pè dels pins e los far créisser pus rapidament


Comentaris 2 comentaris    
Marrit Flac Bon Plan bon Fabulós (5 vòtes)
carregant En cargar


De silvicultors de Vasadés se servisson del glifosat per se desbarrassar de la flòra al pè dels pins e los far créisser pus rapidament
© Auditeur France Bleu Gironde





Etiquetas
glifosat, vasadés

Mentre que se parla d’enebir lo glifosat dins la viticultura, l’erbicida a grèvament demasiat lo massís forestièr de Vasadés. D’abelhaires e d’ecologistas del costat de Sent Sefrian an alertat France Bleu que de silvicultors del país se servisson del glifosat per se desbarrassar de la flòra al pè dels pins e los far créisser pus rapidament.
 
La constatacion es facha dempuèi qualque temps. Aperaquí 2000 ectaras de bòsques son estats tractats amb l’erbicida produch per Monsanto. L’emplec del glifosat es pas illegal mas pausa un cèrt nombre de questions en matèria de biodiversitat e de santat.
 
Los testimoniatges que mençona France Bleu son inquietants. D’un caire, parlan amb Jean-Pierre Duluc, un abelhaire de Sent Sefrian qu’a degut getar 1,2 tona de son mèl (d’una valor d’unes 10 000 èuros) a causa de la preséncia del glifosat. “Lo men grossista qui a analisat lo mèu que m’a avertit que despassava lo lindau autorizat”, çò ditz Duluc en precisant que conteniá lo doble de çò qu’es permés per la nòrma autorizada en Euròpa.
 
D’autre caire parlan amb Jean-Paul Meyric, president del sindicat d’amainatjament del bacin versant de Siron, un afluent esquèrre de Garona. Mayric s’inquieta de la qualitat de l’aiga e evòca una contaminacion possibla dels jaces freatics.
 
France Bleu a tanben contactat Bruno Lafon, president del Sindicat dels Silvicultors del Sud-Oèst [segon las referéncias geograficas de París]. Lafon afirma que pauques esplechaires emplegan lo glifosat, qu’es egalament una practica non recomandada pel sindicat. “Lo glifosat que còsta hòrt car e puish cercam de deféner la biodiversitat”, çò ditz.
 
 
 

 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

7 de setembre 08.57h

D’autscòps lo "bast" (basta, bastar), i.e. çò qui creish au pè deus pins (brana, heuguèra, toja, gabarra) qu’èra tanben (e uei enqüèri supausi) ua encausa de mauhalhèrs. Mes ne’u se virèvan pas dab erbicidas. Ce’n va díser un lanusquet (anonim) tot just après la guèrra (1946):

Qu’èi cercat dens cinquanta libres
Ende trobar de qué paréisher
Sabent com lo qui pòt conéisher
Los moiens qui cau emplegar
Ende har pèrder lo heugar
E la toja capvath la lana,
L’augueta s... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

4 de setembre 09.06h

Un detalh: Sent Sefrian es en Bordalés (dens lo Cernés).

Aquera practica es vergonhosa; sabèvi pas que se hasèva, mès après tot lo pinadar landés es pas una vraia seuga!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 17
  • sol Aush 18
  • sol Bordèu 18
  • sol Briançon 14
  • sol Caors 15
  • sol Carcassona 18
  • sol Clarmont-Ferrand 15
  • sol Confolent 16
  • sol Gap 12
  • sol La Canau 18
  • sol La Gàrdia 18
  • sol Limòtges 18
  • sol Lo Borg Sant Dalmatz 16
  • sol Lo Puèi de Velai 13
  • sol Marselha 17
  • sol Montpelhièr 17
  • sol Naut Aran 16
  • sol Niça 18
  • sol Nimes 17
  • sol Pau 18
  • sol Peireguers 17
  • sol Rodés 18
  • sol Tolon 18
  • sol Tolosa 18
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Laurenç Revèst

    Fòrt Maginòt de Sant Anhe

  • Val d'Aran, cap de Gasconha

  • © Franc Bardòu

    Tresaurs andorrans

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • A Gavotina marítima: Recabruna Cab Martin, a vila vielha e o castèl dau sécolo X

  • © Franc Bardòu

    País Bordalés

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • © Aure Séguier

    Carnaval Biarnés 2017

  • © Adriana Díaz

    Canas 2019

  • © Zep Armentano

    XI prèmis Gaudí de l'Acadèmia Catalana del Cinèma

  • Meravilhas aranesas. © Franc Bardòu

    Meravilhas aranesas

  • © Laurenç Revèst

    Toponims occitan en Li Bergueas, Li Novenas (vilars de Pelhon): valaia dal Palhon de Pelha

  • Castelar

  • La prima en valaa de Tiniá. © Laurenç Revèst

    La prima en Tiniá

  • Era còlha dera ADÒC ath trabalh

  • © Franc Bardòu

    Asuèlhs Bigordans

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)