Actualitats
De mobilizacions contra las construccions eolianas industrialas
En Santafrican e dins la Montanha Borbonesa los abitants se son organizats contra “una logica d’esplecha industriala de la natura jos l’escampa d’ecologia”
Las construccions eolianas industrialas se multiplican pertot en Occitània, e los abitants de diverses parçans començan de se mobilizar contra elas. Las regions pus afectadas son las mens pobladas del país, ont l’estat esperariá de trobar una resisténcia minimala. Pasmens, en Santafrican (Roergue) e dins la Montanha Borbonesa (Auvèrnhe) los abitants se son mobilizats.
A Sant Victor e Melviu (Santafrican), RTE ensaja de s’apropriar de las tèrras de dos joves agricultors per implantar un transformador electric de sèt ectaras. Los joves païsans roergasses tenon lo sosten del collectiu Amassada. Sus aquela lucha an fach un vidèo amb lo títol en occitan “Pas res nos arrèsta”.
Dins lo bòsc de las Coletas (Limanha Borbonesa), los abitants se son tanben mobilizats contra un projècte d’eoliana que “menaca de desfiguracion” lo bòsc per “una logica d’esplecha industriala de la natura jos l’escampa d’ecologia”. Lo jornal La Montagne ne consagrava un article del temps que los ciutadans partejan lors luchas sus una pagina Facebook. Tanben an fach un filmet entitolat “Elices al país de las meravilhas”.
A Sant Victor e Melviu (Santafrican), RTE ensaja de s’apropriar de las tèrras de dos joves agricultors per implantar un transformador electric de sèt ectaras. Los joves païsans roergasses tenon lo sosten del collectiu Amassada. Sus aquela lucha an fach un vidèo amb lo títol en occitan “Pas res nos arrèsta”.
Dins lo bòsc de las Coletas (Limanha Borbonesa), los abitants se son tanben mobilizats contra un projècte d’eoliana que “menaca de desfiguracion” lo bòsc per “una logica d’esplecha industriala de la natura jos l’escampa d’ecologia”. Lo jornal La Montagne ne consagrava un article del temps que los ciutadans partejan lors luchas sus una pagina Facebook. Tanben an fach un filmet entitolat “Elices al país de las meravilhas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 M'èri pas avisat de la confusion possibla. Ara vesi pas qu'aquò !
Sus lo subjèct que n'es question, lo problèma es que tot lo mond es per una energia "neta". Ca que la, degús ne'n vòl dins son òrt.
La famosa problematica del NIMBY.
Co segur es que per levar una sola centrala nuclària, ne'n caldrà de milierassas d'eolianas....
#3 Tot depend de çò qu'entendètz per "los ecologistas" ! Se son los mariòls que fa totes sas patomimas als governaments susccessius abans de constatar qu'es lo grand capital internacional que règna en mèstre totipotent subre la politica dels estats, avètz plan rason : aqueles "ecologistas" a ren non còsta preconizava l'eolian.
MAs los ecologistas vertadièrs se fondan subre la filosofia e las sciéncias experimentalas, e non pas subre las parlicadas de la politicalha de mestièr. Per saber çò que vòlon los vertadièrs ecologistas, vos cal legir (en francés, ailàs) "La Décroissance". Los ecologistas vertadièrs preconizan pas de produïre d'electricitat autrament, mas de ne produire plan mens, e sense cap perspectiva d'i ganhar moneda personalament…
#3 Avètz plan rason. Lo problèma es que i-a un valat bèl entre l'eolian que volian los ecologistas fai unas decenias, amb d'eolianas de talha umana coma l'èran aquelas eolianas qu'òm vesia dins las campanhas e que servissian a posar l'aiga, e aquestas eolianas gigantassas que se vèson a de luògas e de luògas, que degalhan completament lo païsatge e que genèran de camps electro-magnetics tras que nocius per tot çò viu. Los ecologistas de salon que vos disan qu'es totjorn melhor que d'aver a la plaça una centrala nucleària doblidan de dire 1) qu'aqui ont òm a implatat aquelas eolianas industrialas i-avia pas de centralas nucleàrias, doncas s'agis pas d'un remplaçament. 2) que las centralas qu'existissian abans existissan totjorn 3) que i-a de novèlas que se bastissan 4) e que d'autras , dichas de "nòva generacion" son en projècte. Aquel eolian made in EDF, que represènta mens de un per cent de sa produccion electrica, mas qu'es tras que vesible dins lo païsatge, es un aganta-gòbi biaissut de l'Estat per faire creire que s'entrèva d'ecologia e qu'EDF seria una entreprèsa ecologica, çò que nos es dich de longa dins sas campanhas promocionalas. Es una engana granda qu'a pas res a veire amb l'ecologia, e que, cerèsa sus la còca divisa los ecologistas entre eles.
#2 "Mas las eolianas èran pas una solucion preconizada pels ecologistas per luchar contra lo rescalfament climatique ?"
Oc, mas dels plants ciutadans a talha umana, e pas dels plants industrials dels grands grops capitalistas.
http://combraillesdurables.blogspot.com/
http://eolien-citoyen.fr/
Dos eisemples de creiacion d'eleitricetat local per una utilizacion local
En primièr, solidaritat ambe'ls paisans que vòlan servar lors tèrras.
Mas las eolianas èran pas una solucion preconizada pels ecologistas per luchar contra lo rescalfament climatique ?
“Pas res nos arrèsta”. Ieu compreni aquò coma "(un) rien nous arrête", çò qu'an probablament volgut dire o auriái dich " Res nos arresta pas". Podèm pas criticar los que méton en dobte l'unitat de l'occitan, quand una frasa vòl dire una causa e son contrari...Mas uèi las preocupacions van mai a la complicacion de la grafia e a la catalanizacion del vocabulari que al manten de la sintaxa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari