Actualitats
Concors de fotografia d’estiu de Jornalet: los resultats
Entre d’autres critèris, avèm mes en valor las fòtos que mòstran d’interaccions umanas e que contribuisson a la conscientizacion occitana del país
Florent Palacin, Eglantine Sacaze, Thomas Hérail e David Palaysi son los ganhants del concors d’estiu de Jornalet d’ongan per lor fòto sul mont Valièr. “S’aviatz volgut entendre a parlar occitan a mai de 2800 m d’altitud, vos auriá calgut pujar al Valièr amb nosautres a la fin de de julhet! I avèm rescontrat de cosins bascos e catalans...”, çò disiá lo messatge que la còla nos mandèron amb lor imatge.
Per decidir lo prèmi, avèm consultat lo vejaire de Zep Armentano, professional de l’audiovisual e redactor de cinèma de Jornalet. Aqueste a valorizat que las fòtos foguèsson arribadas amb un títol e un pichon tèxte descriptiu, que l’imatge foguèsse mes al ponch, que foguèsse un imatge mai amator que professional e que faguèsse descobrir al public un endrech desconegut e acantonat en Occitània. D’autres critèris de valorizacion son que la fòto mòstre d’interaccions umanas e que contribuisca a la conscientizacion occitana del país.
Amb aqueles critèris, seguisson en segonda e tresena posicion los imatges de Meritxell Pueyo e de Gwenaël Cany respectivament.
Podètz veire totes los imatges del concors d’estiu d’ongan aicí.
Los ganhants del concors recebràn un exemplar del libre Aran un país, que conten mai de 100 fotografias de la Val d’Aran acompanhadas de poèmas de Jèp de Montoya. En mai d’aquò, lor mandarem un drapèu occitan amb l’estela per que lo pòscan mostrar a cada nòva cima que conquistaràn.
La redaccion de Jornalet merceja plan totes los participants, per la beutat dels imatges mas sustot per aver volgut donar de vam e de vida al jornal e al país.
Per decidir lo prèmi, avèm consultat lo vejaire de Zep Armentano, professional de l’audiovisual e redactor de cinèma de Jornalet. Aqueste a valorizat que las fòtos foguèsson arribadas amb un títol e un pichon tèxte descriptiu, que l’imatge foguèsse mes al ponch, que foguèsse un imatge mai amator que professional e que faguèsse descobrir al public un endrech desconegut e acantonat en Occitània. D’autres critèris de valorizacion son que la fòto mòstre d’interaccions umanas e que contribuisca a la conscientizacion occitana del país.
Amb aqueles critèris, seguisson en segonda e tresena posicion los imatges de Meritxell Pueyo e de Gwenaël Cany respectivament.
Podètz veire totes los imatges del concors d’estiu d’ongan aicí.
Los ganhants del concors recebràn un exemplar del libre Aran un país, que conten mai de 100 fotografias de la Val d’Aran acompanhadas de poèmas de Jèp de Montoya. En mai d’aquò, lor mandarem un drapèu occitan amb l’estela per que lo pòscan mostrar a cada nòva cima que conquistaràn.
La redaccion de Jornalet merceja plan totes los participants, per la beutat dels imatges mas sustot per aver volgut donar de vam e de vida al jornal e al país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
migra pas, aià quitament pas sasit coma 'quò marchava. Dau còp, aní me permenar per becana, e, de las vetz, faguí quauquas fotografias. Coma ò fan los pitits vielhs, las publií sus un paubre ciber-caier, se'n res dire, se'n res damandar a degun.
Aquò per dire maitot que d'un pauc mai, per me'n tornar, passava per Montembuòu e per becana - quitament un zeugma.
Qu'es per dueinan aura, que desire far Esgolesme - Sent Junian mai ma novela becana « farjada ne'n Auvernha » :
https://rapieta.wordpress.com/2018/08/15/chamins-lemosins-vinhana-per-becana/
https://rapieta.wordpress.com/2018/08/20/un-chamin-roman-dins-la-charenta-lemosina/
https://rapieta.wordpress.com/2018/08/18/portaments-daiga-e-de-granit/
JP Bertrand
A ben, merda, sei passat a costat d'aqueu concors de fotografias! Auriá ben vougut l'i participar. Espere que se tornará far.
Mercés plan ! Nos fa grand plaser !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari