CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimars, 11 de setembre de 2018, 03h00 Internacional,Politica,Societat

Catalonha celèbra uèi sa fèsta nacionala amb de presonièrs e exiliats politics

La Diada se debana uèi dins lo remembre del referendum del 1r d’octòbre e dins un encastre de repression perlongada


Comentaris 2 comentaris    
Marrit Flac Bon Plan bon Fabulós (5 vòtes)
carregant En cargar


Per anonciar la Diada, un centenat de personas s’acampèron dimenge passat a Brussèlas, jos l’emblematic monument de l’Atomium. Los acampats reclamèron la libertat dels presonièrs politics e dels exiliats, e que se concretizèsse la Republica
© Julian Cazenave





Etiquetas
catalonha, diada, independéncia, presonièrs politics

Catalonha festeja uèi sa Diada nacionala amb un govèrn regional en foncions e sos representants legitims en preson o en exili. La Diada a luòc uèi onze meses après que se votèt majoritàriament per l’independéncia dins un referendum reprimit amb violéncia per la polícia espanhòla e dins un encastre d’incertesa après una republica proclamada e non aplicada, jos una repression estatala e amb un cambiament de govèrn en Espanha que, per ara, contunha las meteissas politicas repressivas que lo govèrn precedent.
 
Demest los divèrses eveniments se tendrà a 17h14 una manifestacion multitudinària que cèrca d’emplir l’Avenguda Diagonala de Barcelona. A ne jutjar pel nombre d’inscriches (aperaquí 450 000) se prevei una manifestacion pus nombrosa que las dels ans precedents. Jol lèma “Libertat, justícia, democracia. Republica Catalana”, la manifestacion anóncia una davalada cauda amb la vista dirigida cap al jutjament dels representants del pòble encarcerats.
 
Al delà dels presidents de las doas principalas associacions independentistas, totes los que son en preson, exiliats o enseguits en justícia d’autre biais, son d’elegits de las tres candidaturas independentistas votadas pel pòble a las darrièras eleccions regionalas del 21 de decembre passat, convocadas pel govèrn espanhòl.
 
L’11 de setembre, los catalans se remembran la casuda de Barcelona en 1714 davant las tropas borbonosas. Lo País Valencian èra tombat en 1707 e Malhòrca anava èsser vencuda en 1716. Aquela desfacha representèt la fin de las institucions catalanas e la castelhanizacion del país.
 
 
Los presonièrs e los exiliats cridan a la participacion
 
Diluns passat, tres jornals catalans (Ara, El Punt Avui, El Periódico) publicavan un article signat pels presonièrs politics e los elegits exiliats entitolat “Libertat, justícia e democracia. Republica Catalana”. Dins aquel article, eles fan una crida a la participacion e a emplir las carrièras de Barcelona.
 
Los setze signataris parlan d’una Diada excepcionala a causa de “l’encastre de repression perlongada” e del recòrd del referendum del 1r d’octòbre passat. Revendican la libertat, la justícia, la democracia e la republica, e considèran que i a una reculada dels dreches dins l’estat espanhòl.
 
L’article finís que demanda als sindicats, a las organizacion patronalas, als collègis professionals, a las entitats del sector terciari e a tota la societat que s’engatgen a defendre los dreches e las libertats universalas.
 
L’article l’an escrich ensems de divèrsas presons estant, e tanben de Genèva, Brussèlas e Saint Andrews en Escòcia.
 
 
Dimenge passat a Brussèlas
 
Per anonciar la Diada, un centenat de personas s’acampèron dimenge passat a Brussèlas, jos l’emblematic monument de l’Atomium. Los acampats reclamèron la libertat dels presonièrs politics e dels exiliats, e que se concretizèsse la Republica Catalana.
 
Demest los representants internacionals i aviá una representacion de Libertat.
 
La majoritat dels elegits exiliats se tròban en Belgica. Aquí, a Waterloo, i a l’ostal de la Republica Catalana d’ont Carles Puigdemont e son govèrn a l’exili trabalhan per l’internacionalizacion de l’afar e per poder tornar lèu en cò lor en libertat. 
 
 
 
Mesa a jorn a 21h00

Un milion de personas segon la polícia de Barcelona an manifestat sus l’Avenguda Diagonala de Barcelona. Jol lèma “Libertat, justícia, democracia. Republica Catalana”, la manifestacion anóncia una davalada cauda amb la vista dirigida cap al jutjament dels representants del pòble encarcerats.
 




Sus la premsa internacionala
 

The GuardianA million attend rally in Barcelona to call for Catalan independence

 

France24: La démonstration des indépendantistes catalans dans les rues de Barcelone

 

Europe1 Catalogne : près d’un million d’indépendantistes manifestent à Barcelone

 

Le FigaroCatalogne: démonstration de force des indépendantistes

 

TSF: Milhares marcham pela independência em dia da Catalunha

 

The Independent:  Catalonia: Hundreds of thousands take to Catalan streets for first rally since independence bid

 

The Irish IndependentPro-independence Catalans demand release of jailed leaders

 

La 7: Catalogna, 9 mesi dopo la repressione arde ancora la protesta: un milione in piazza a Barcellona

 

EuroNews: Catalogna in piazza per l’indipendenza

 

ANSA: Barcellona, marcia per la Giornata nazionale della Catalogna

 

TVi24: Dia da Catalunha levou um milhão às ruas pela independência

 

Des TaggspiegelHunderttausende Katalanen fordern Abspaltung von Spanien

 

MDR: Großkundgebung in Katalonien

 

Tageschau.deAufruf zu einem “Herbst des Protestes”




abonar los amics de Jornalet
 



publicitat
BANER1-2-3: DGPL AN LAFONT



Comentaris

14 de setembre 23.08h

1.000.000 de catalans e duas dotzenas de fachas.
E perquè aquesta diferència?
Cresi que non repartian aqueste cop entrepans de chorís, ni mini capelhets ,ni aiga cotaminada. Es vei que las ajudas de la banca se la quedan sos dirigents.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 de setembre 06.00h

A la fèsta espanholista de Rivera e Arrimadas, èran qualques desenas a la la plaça del Rei lo meteis jorn. Aquò's la majoritat silenciosa que dison los nacionalistas espahnòls (Ciudadanos, PP e PSOE).


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 20
  • sol Aush 20
  • sol Bordèu 19
  • sol Briançon 17
  • sol Caors 19
  • sol Carcassona 19
  • sol Clarmont-Ferrand 16
  • sol Confolent 19
  • sol Gap 17
  • sol La Canau 20
  • sol La Gàrdia 19
  • sol Limòtges 22
  • sol Lo Borg Sant Dalmatz 17
  • sol Lo Puèi de Velai 16
  • sol Marselha 19
  • sol Montpelhièr 18
  • sol Naut Aran 18
  • sol Niça 19
  • sol Nimes 19
  • sol Pau 19
  • sol Peireguers 20
  • sol Rodés 20
  • sol Tolon 22
  • sol Tolosa 20
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Dau castèu de Grimaud

  • © Adriana Díaz

    Canas 2019

  • © Aure Séguier

    Carnaval Biarnés 2017

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • F coma fuòc dau cèu

    Meissonencas en Camarga pichòta

  • Julien Cazenave

    17.02.2019: manifestacion a Brussèlas en sosten als independentistas catalans

  • País de Rasés. © Franc Bardòu

    País de Rasés

  • © Franc Bardòu

    Darrièr refugi abans l’envòl (1206-2016)

  • © Conselh Generau d'Aran

    Lo Torn de França 2016 en Aran

  • Asuèlhs de Garnagués. © Franc Bardòu

    Asuèlhs de Garnagués

  • © Catarin Seguran

    Quauqua part sus un chamin de l'Aut Buechaine entre lo riu de Chaurana e lo Grand Buech (Gavotina)

  • © Chau Viva

    Qualques salas de classa d'occitan en collègi

  • Agaits tolosans. © Franc Bardòu

    Agaits Tolosans

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Franc Bardòu

    País Bordalés

  • Quilha deth Haro en Les (Val d'Aran) ©Maria Vergés

    Quilha deth Haro en Les (Val d'Aran)

  • País de Rasés. © Franc Bardòu

    País de Rasés

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)