CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 21 de julhet

Actualitats

Dimècres, 12 de setembre de 2018, 03h00 Escòla

Una estapa novèla per la formacion dels regents de Calandreta

An signat en Corsega una convencion per la formacion dels ensenhaires dins las lengas autoctònas


Comentaris 2 comentaris    
Marrit Flac Bon Plan bon Fabulós (4 vòtes)
carregant En cargar


Dempuèi la creacion de las Escòlas Superioras del Professorat e de l’Educacion (ÈSPE), l’ISLRF e APRENE se cercavan un partenari vertadièr per la formacion dels regents dels malhums immersius. Una convencion foguèt signada pel breton entre l’ÈSPE de Bretanha e l’ISLRF mercés a l’ancian president de region e ministre Le Drian; lo barrament demorava per las autras lengas. Aquesta marrida passa s’acaba aqueste 5 de septembre de 2018 amb la signatura a Corti d’una convencion de partenariat entre l’ÈSPE de Corsega, l’Università Pasquale Paoli e l’ISLRF.
 
Per la primièra reforma de la formacion dels mèstres, una convencion liguèt l’ISLRF e l’Universitat de Perpinhan amb una maqueta de mastèr MEÈF-ÈBI, ensenhament bilingüe e immersiu. Amb la segonda reforma lançada pel president Hollande i aguèt de solucions provisòrias qu’èran pas satisfasentas car las maquetas de mastèr MEÈF daissavan pas la plaça a la lenga. Las ÈSPE mostravan un refús general de considerar l’immersion, nòstra pedagogia e la necessitat de formar los mèstres dins la lenga que lor va servir per ensenhar.
 
Aquela convencion amb Corsega se marca dins la seguida de la de Perpinhan e permet de tornar trobar lo vam d’aquel camin e d’aver una maqueta que ten compte de l’especificitat de l’immersion.
 
Ongan 3 lengas son concernidas (alsacian/moselan, catalan e occitan) e 16 estudiants sont inscriches en mastèr. En octòbre, 10 professors de l’ÈSPE de Corsega vendràn a Besièrs per un seminari de formacion amb totes los estudiants e los professors de l’ISLRF/APRENE. Tornaràn al moment del Congrès dels 40 ans de Calandreta a Quilhan.
 
Acampats a Corti, los ensenhaires se mostrèron fòrça interessats per las novèlas tecnologias elaboradas per APRENE dins lo cursus de formacion, especialament lo trabalh cooperatiu prepausat dins lo portfòlio de cada estudiant.
 
En preséncia de Dòna Benetti, rectritz, e de totas las autoritats academicas, del professor Romani de l’Università di Corsica, e convidat per Dòna Dominique Verdoni, directritz de l'ESPE; lo president de l’ISLRF, Joan-Loís Blenet, s’exprimiguèt dins l’anfiteatre del campus de Corti ont s’èran recampats los ensenhaires, los laureats 2018 dels concorses de 1r e 2d gra de l’Acadèmia de Corsega, e tanben de novèls estudiants.
 
Calandreta foguèt de longa a l’iniciativa d’aquela dinamica de formacion que considèra coma la clau del mestièr de regent. Dempuèi la creacion, 5 bilingüismes existisson dins l’encastre de l’ISLRF a partir de 6 lengas. Amb la mesa en plaça del Mastèr MEÈF se pòt ara parlar de 6 bilingüismes. Lo president constatèt doncas una novèla avançada e insistiguèt sul fach que defendre las lengas minorizadas es mai que mai un biais de se dobrir als autres.
 
Mai que jamai, amb aquesta signatura, l’ISLRF e APRENE se veson identificats coma lo crusòl de la recèrca a prepaus de la pedagogia del plurilingüisme.
 
 
 
 
Aprene

 
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

12 de setembre 10.42h


Francament ... ai pas comprés grand causa d'aqueste article.

Ai de mal véser en qué far venir de professor de corsega en formacion a besièrs participa de la formacion dels futurs regents de calandreta en lenga e en pedagogia.

Los futurs regents poiràn anar ara en corsega se formar a lor mestièr que i seràn formats ?


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

12 de setembre 06.49h

cal una formacion de contunh pels regents, an una responsabilitat grana!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Estivada 2013. © Guillem Sevilla

    Estivada 2013

  • Dus auets en un. © Xavi Gutiérrez Riu

    Prumèra nheuada dera sason ena Val d'Aran

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • © Asalaís Moniguet

    Montpelhièr la lengadociana

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Pòrt de Niça: Li galeras

  • © Zep Armentano

    XI prèmis Gaudí de l'Acadèmia Catalana del Cinèma

  • © Aure Séguier

    Carnaval Biarnés 2017

  • Irissa: prumèra edicion dera corsa populara de BTT

  • Carnaval de Limós. © Franc Bardòu

    Carnaval de Limós 2013

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Val d'Aran, cap de Gasconha

  • Era còlha dera ADÒC ath trabalh

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Arle ©Laurenç Revèst

    Arle (Camarga)

  • © Laurenç Revèst

    Fòrt Maginòt de Sant Anhe

  • Valadas. © Xavi Gutiérrez Riu

    Valadas

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)