Dijòus, 13 de setembre de 2018, 03h00 Cultura,Economia,Internacional,Politica,Societat
Los usatgièrs deuràn pagar una redevença per mençonar de ligams amb dreches d’autor, e se demanda a YouTube que filtre los contenguts
Victòria dels defensors del copyright al Parlament Europèu. L’eurocambra aprovèt ièr dimècres la lei suls dreches d’autor qu’a descadenat las protèstas de qualques collectius e usatgièrs en favor de la libertat d’expression e de difusion. Ara, comença un periòde de negociacion e en genièr se tornarà votar.
Un dels articles pus discutits es lo 13, qu’obliga las grandas plataformas de vidèo, mai que mai YouTube, de filtrar los contenguts que cargan los usatgièrs abans de los publicar per tal de detectar se respèctan o pas los dreches d’autor.
Tanben l’article 11 es a l’origina de la polemica, car establís una taxa europèa per mençonar d’articles o de materials amb dreches d’autor. Atal, los usatgièrs deuràn pagar una redevença per citar dins lors ligams d’articles de revistas o de jornals, de vidèos musicals o d’autres contenguts amb de dreches d’autor.
Se poirà pas tanpauc partejar los populars mèmes que mòstren d’imatges de sèrias o de filmes.
Las societats start-ups son exclusas d’aquela nòrma, mas non pas las personas ni las corporacions.
Comentaris
15 de setembre 23.11h
Acò de se creire qu' intermet es de l'UE, coma se fossi un canal de radio o de television o un jornal, es d'una granda beneïtura. Voler censurar los continguts d'internet, es de dictaduras e estats totalitaris. Es al cap i a la fin,una excusa de la dreta nazi europea que vol controlar internet.
Valoriza aqueste comentari:
2
0
1
Comenta
Lo comentari es estat mandat corrèctament
Un comentari
En cargar
Un comentari
Mandar
