Bandièra01 capçalera  1180x150: Novestivada

Actualitats

Lo PS demanda que Valls demissione s'es candidat a la comuna de Barcelona

“Se pòt pas èsser elegit de la Republica Francesa e a l’encòp menar una campanha a Barcelona”, çò a dich la representanta socialista de l'Assemblada francesa

Los socialistas franceses començan de n'aver un sadol de las aventuras politicas de Manuel Valls. Ara, la presidenta del grop socialista a l’Assemblada francesa, Valérie Rabault, a avertit que Valls deurà demissionar coma deputat se ven candidat al mandat de cònsol màger de Barcelona a las eleccions municipalas de l’an venent . “Se pòt pas èsser elegit de la Republica Francesa e a l’encòp menar una campanha a Barcelona”.
 
L’ex-primièr ministre de França a ja anonciat qu’aqueste mes comunicariá sa decision definitiva, malgrat que pendent las darrièras setmanas aja multiplicat sa preséncia a Barcelona, per estudiar la reüssida que la poiriá aver sa candidatura per Ciutadans, un partit politic ultranacionalista espanhòl e antiindependentista, que se bat contra las politicas lingüisticas que favorisson lo catalan e l’occitan en Catalonha e Aran.
 

 
Fòrça engatjat contra l’independéncia de Catalonha
 
En abril passat, Valls expliquèt a la television publica espanhòla, TVE, qu’estudiava la proposicion del partit politic Ciudadanos que li ofrís d’èsser candidat a la direccion de la comuna de Barcelona per las eleccions municipalas venentas. Valls precisèt que s’èra fòrça engatjat contra l’independéncia de Catalonha perque cresiá qu’èra un afar fòrça important per Euròpa e li agradariá de demorar engatjat “d’un biais o d’un autre”. Per ansin, ajustèt: “Soi intrat dins aquel debat pr’amor que soi nascut a Barcelona, filh de catalan, e perque vòli tanben donar a Catalonha e a Espanha mas originas”.
 

Tensions per causir lo candidat per Barcelona


L’actual pòrtavotz de Ciudadanos a Barcelona es Carina Mejías, qu’a anonciat publicament son intencion d’èsser candidata a las eleccions municipalas. Mas darrièrament li arriba fòrça concurréncia. En mai de Manuel Valls, tanben l’èx-deputat Jordi Cañas vòl èsser candidat. Cañas quitèt la politica en seguida d’una acusacion de frauda fiscala, mas après èsser relaxat per la justícia, es tornarmai present dins los mèdias e vòl tornar a la politica activa.


 
Del Partit Socialista a La Republica en Marcha


Après èsser primièr ministre, Valls se presentèt a l’eleccion primària del Partit Socialista francés (PS) per la presidenciala de 2017 mas Benoît Hamon ganhèt contra el. Puèi se prepausèt a Emmanuel Macron, qu’aviá sostengut tre lo primièr torn de la presidenciala contra Benoît Hamon, coma candidat a las legislativas per son partit La Republica en Marcha (LREM), mas Macron o rebutèt. Aital, Valls se presentèt coma candidat socialista, mas LREM li opausèt pas cap d’adversari per sa circonscripcion. Valls foguèt elegit deputat a l’Assemblada Nacionala francesa per solament 139 vòtes de mai que sa rivala d’esquèrra Farida Amrani, e, qualques meses pus tard, quitèt lo PS per passar al grop d’LREM.


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
12.

A, sembla qu'òm sap pas qu'es par amor qu'es en Espanha. A quitat sa femna e s'es trapat una tipessa de la banca plena de dardenas qu'es del PP. Pel moment es pas a Barcelona. Passa sas nuèches a Marbella, sus la còsta del Sol, ont, se sap, i a pas que de paures. Espandis s vida privada dins las revistas pipòlas espanhòlas mas vòl faire un procés a Paris Match qu'a publicat qualques fòtos. Ane, lo Emmanuel es dins la nauta politica. Vòl pas qu'en França se sàpia que fa de politica bartassièra.

  • 3
  • 0
Joseph Staline Moscou
11.

Lui, c'est vraiment la crevure absolue, l'archétype du politique sans foi ni loi qui louvoie au gré des vents.
Pro palestinien un jour, se plaignant du manque de "blancos" un autre, éternellement lié à Israël ensuite et maintenant espagnolissime.
Et dire que ça a été au PS, et 1er minitsre de l'autre nullité, pauvre parti politique en putréfaction.

  • 4
  • 0
Joseph Staline Moscou
10.

Lui, c'est vraiment la crevure absolue, l'archétype du politique sans foi ni loi qui louvoie au gré des vents.
Pro palestinien un jour, se plaignant du manque de "blancos" un autre, éternellement lié à Israël ensuite et maintenant espagnolissime.
Et dire que ça a été au PS, et 1er minitsre de l'autre nullité, pauvre parti politique en putréfaction.

  • 4
  • 0
francesc palma
9.

Non sias beneit Manelet, que non vedes qu' aquestes de ciutadans son uns falangistas declarats. Tu ets un pocavergonha pesseter mas eles son fachas.

  • 6
  • 0
Sinistratus Pubescens
8.

#7 Carré véder se Duterte e recruta, tanben…

  • 4
  • 0

Escriu un comentari sus aqueste article