Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnSeuvestre

Ceserac: dusau amassada gascona

“Per maishant que sia, lo bilanç sus l’estat de la lenga e de la soa transmission que deu estar hèit se volem crear e aviar las atrunas adaptadas per la renavida de la nosta lenga”

Dissabte passat que’s tienè a Cezerac (Seuvestre) la dusau amassada gascona, manejada peus creators de la pagina Facebook Esprit Gascon. Lo prètzhèit qu’èra simple: apressar lo monde a l’entorn de l’identitat e de la lenga de Gasconha, sensibilizar a ua presa de consciéncia comuna, que sia au nivèu territoriau, simbolic o lingüistic.
 
Un bèth programa qu’èra perpausat, dab un hèish d’invitats, vienuts de mei d’un parçan gascon: Tederic Cahuzac (associacion Gascon Lanas), Renaud Lassalle (autor deu libe Lo gascon de la Hauta-Lana), Vincent Poudampa (Région Gascogne Prospective), Fabrici Bernissan (Nosauts de Bigòrra), Gilabèrt Narioò (Per Noste) e Alexis Arette (autor).
 
Au contrari de çò que d’uns podèn pensar, l’amassada n’èra pas briga antioccitanista. Mes la màger part deus participants qu’èran d’avís tà’n constatar la mauescaduda en Gasconha, maugrat ua implantacion pro hòrta.
 
A l’escota de quauques chifras sus l’estat de la lenga e de la soa transmission alavetz, que’s mautèn quauques  participants, mes de l’avís generau, aqueth bilanç, autant maishant que sia, que deu estar hèit totun se volem crear e aviar las atrunas adaptadas per la renavida de la nosta lenga.
 
En fin de jornada, lo cinquantenat de participants que podón assistir aus concèrts de The incredible Garuche Band e deu grop Esta.
 
Ràdio País qu’èra sus plaça entà enregistrar l’eveniment. La màger part de las conferéncias que seràn disponibles en podcast sus radiopais.fr.
 
 
 
 
Ràdio País
 
 
 
 
Aqueste article es fruch d'un acòrdi de cooperacion entre Jornalet e Ràdio País.
 
 
 

 
 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Johnny Halliday Saint Trospette
11.

Los occitanistas de Gasconha? N'as pas plan comprés l'amic o qu'as plan comprés e que n'as gahat la caguèra. Que vòlen har quauqu'arren navèth, pas parlar de preïstòria.

  • 5
  • 3
Johnny Halliday Saint Trospette
10.

#3 Toi, t'es un champion du monde !

  • 4
  • 2
Gilles Toulouse
9.

Lo Vincent Poudampa qu'ei joen tanben! #3 on as lo cap praube mossur?

  • 6
  • 3
Gilles Toulouse
8.

Lo Vincent Poudampa qu'ei joen tanben! #3 on as lo cap praube mossur?

  • 8
  • 4
QWERTYQWERTY Orthèz
7.

#3 Estossis vienut tà Labastida Cezerac, qu'averés l'escadença de véder e entèner conferéncias de la bonas, sustot la deu Renaud Lassalle qui t'averé interessat suu gascon negue (en vivent a Magesq lo subjecte que pòd interresà't, non??).

Lo còp qui vien, quan organisis quauquarren hens las Lanas, que vienerèi dab plaser... e de mei, ne soi pas hèra vielh ;-)

  • 8
  • 3

Escriu un comentari sus aqueste article