Bandièra01 capçalera  1180x150: Botiga

Actualitats

Rugbi Top 14: Lo Mont: purmèira victòria de la sason, e a l’exterior

| Arria Belli
Tolosa 27-9 Montpelhièr
 
Lo resultat pòt har créder que i avèva sonque una esquipa suu terrenh mes la vertat es un chic mei diferenta. Tolosa marquèt los dus ensais sus dus turn over. L’experiéncia tolosenca fit la diferéncia suu purmèir ensai de Médard peu son tornar en Top 14. A 9 a 9 Montpelhièr èra dens la partida, muishèt hòrt de qualitat. Un còp arribat a egalizar, sus la recepcion de la veishiga los montpelhièrencs ne la mestrisèren pas e Medard podot marcar cinc punts. Davant au planchòt, los tolosencs avèvan hèit lo mei complicat e ne deishèren pas la possibilitat aus adversaris deu jorn de préner lo punt de bonus defensiu.
 
 
Clarmont 24-21Tolon (BD)
 
Èra l’aficha de la jornada mes dab hòrt d’internacionaus seleccionats per la jornada de rugbi internacionau. Lo suspens èra de la partida dinc a la darrèira segonda, Brook James marquèt la penalitat de la victòria a la 83au minuta sus una accion polemica. A la tempsada los clarmontés menèren 18 a 9 mes chic a chic los tolonés dab l’ajuda deu tustaire Wilkinson egalizèren a la 80au minuta e pensarèn aver hèit lo tribalh.
 
 
Biàrritz 15-3 Perpinhan
 
Yachvili ne manquèt pas son retorn a la competicion dab los 15 punts de la soa esquipa. Dab l’ajuda deu vent en purmèira tempsada, los bascos saboren validar la lora dominacion generau sus la partida. En segonda tempsada los catalans ne profeitèren pas d’aqueth avantage.
 
 
Estadi Francés 20-13 Agen (BD)
 
Dab un ensai marquèt a la purmèira minuta, los ageneses comencèren plan la partida e menrèren 6 a 8 apres 40 minutas de jòc. Mès lo tustaire Jerôme Porical permit a París d’estar davant au planchòt dens la 7 purmèiras minutas de  la 2au tempsada.
 
 
Grenòble 9-6 Baiona (BD)
 
La ploja fut  presenta de la purmèira a la darrèira minuta. Tot se joguèt davant e au pè. Las duas penalitats mancadas de Boyer costan car a la fin de la aprtida e los bascos pòden har de dòu de ne pas aver perpausat un chic ùei de jòc darrèir.
 
 
Bègla-Bordèu (BD) 13-16 Castras
 
Es la des·hèita a casa peus girondins. Un còp, de mei l’indisciplina fut la clau de la partida. A 14 contra 15 los bordalés priren un ensai de penalitat e permit aus castrés de tornar dens la partida. A La darrèira segonda Kockott ne marquèt la penalitat de la victòria. 
 
Racing  16-17Lo Mont
 
Vaquí la purmèira victòria de la sason peus landés. Com de costuma los montés joguèren la partida a hons mes en fin de partida ne paguèren pas la lora indisciplina. Mielhor lo Racing prit dus cartons jaunes contra sonque un peus jaune e e negre.Podoren tornar de l’Isla de França dab quate punts au classament dab una penalitat escaduda de Vignau Tuquet a tres minutas de la fin.
 
 
Tolon     42 11 9 0 2 329 184 145
2   Clarmont     40 11 9 0 2 247 173 74
3   Tolosa     38 11 8 0 3 343 210 133
4   Castras     32 11 7 1 3 247 202 45
5   Montpelhièr     32 11 7 0 4 216 202 14
6   Grenòble     30 11 7 0 4 270 239 31
7   Biàrritz     24 11 5 0 6 206 203 3
8   Estadi francés     24 11 5 1 5 253 257 -4
9   Racing     21 11 4 0 7 180 202 -22
10   Perpinhan     21 11 4 0 7 238 267 -29
11   Baiona     20 11 4 0 7 158 243 -85
12   Bègla-Bordèu     16 11 3 0 8 206 259 -53
13   Agen     16 11 3 0 8 195 297 -102
14   Lo Mont     6 11 1 0 10 155 305 -150
 
 
 

Eric Goyhenne

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article