CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 23 d'octòbre

Actualitats

Dissabte, 29 de setembre de 2018, 03h00 Politica

Provença > Provença > País Marselhés

Marselha: d’elegits de tot l’estat francés fan una crida per la descentralizacion

Amassadas al Faròt, las tres grandas associacions d’elegits de l’estat lancèron la “Crida de Marselha per las libertats localas”


Comentaris 6 comentaris    
Marrit Flac Bon Plan bon Fabulós (6 vòtes)
carregant En cargar


Los cònsols e los conselhièrs municipals de l’estat francés demandan a l’estat “d’arrestar la recentralizacion que despolha las collectivitats de lor argent e de lors competéncias”. Amassadas dimècres passat al Congrès de las Regions de França, al Faròt de Marselha, las tres grandas associacions d’elegits de l’estat faguèron la “Crida de Marselha per las libertats localas”, e la faguèron “units dins la diversitat de [lors] istòrias e de [lors] sensibilitats politicas” en tot constituir una associacion que los reünís amb lo nom dels “Territòris Units”.
 
Aquela “Crida” es signada per mai de 1200 elegits de tot l’estat francés e explica: “Luènh d’èsser una menaça quina que siá per la Republica, la descentralizacion es una escasença. Çò que la mina es l’ultraconcentracion parisenca, son las promessas non tengudas d’un estat trombosat, es l’impression que lo vejaire dels territòris compta pas, que los elegits locals son vagament consultats mas pas jamai escotats”. Entre d’autras causas, los elegits planhon que las regions ajan perdut las competéncias en l’educacion après “una reforma facha per de tecnocratas parisencs” que menaça mai d’un centre educatiu de barrament.
 
Demest los signataris podèm remarcar Gérard Larcher, president del Senat, Dominique Bussereau al cap de l’Assemblada dels Departaments de França, François Baroin, president de l’Associacion dels Cònsols de França, Hervé Morin que baileja la de las regions, e Renaud Muselier, president de la region de Provença.
 
“Auriáu preferit qu’aguessiam a nòstre costat un govèrn que se serviguèsse pas dei collectivitats territorialas coma variabla d’ajustament de sei politicas publicas”, çò diguèt Muselier a Var-Matin. “Mentre que pensaviam legitimament d’anar devèrs un 4n acte de descentralizacion, nos dirigissèm devèrs lo 1r acte de la recentralizacion. Es una terribla marcha enrèire per nòstre país. Es contrari au sens de l’istòria. Es l’invèrs de çò que se passa dins leis autrei país europèus”, çò precisèt.

 
 

 
 



 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

2 d'octòbre 23.15h

Son uns actes que tenen molta d'importancia, Dieu fassa que donen fruits per far las autonomias, e acabar amb lo centralisme nazi. Culturas, Libertats e Estatuts d'Autonomia !


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

30 de setembre 20.25h

#1 Malaurosament, l'esquizofrenia de la politica "a la francèsa" es exactament atal, o-as tot compres companh!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

30 de setembre 07.18h

Decentralizacion? Es que sabon çò que vòl dire aqueles jacobins? S'es per aver mai de sòuses per crear d'emplècs a pas res faire dins la comunas per fa plaser a de gents que los ajude a ganhar las eleccions, nos interèssa pas.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 17.49h

Leis elegits que descurbon subte la decentralizacion a la saussa republicanista faràn jamai que cercar mejans per perlongar son pichòt poder. Lei Larcher, Morin, Estrosi e autre Muselier an trobat un pontin per conquistar mai lo poder a Paris e Brussèlas. Lei regions se'n baton...
Li eriam au Farò aquest 27 de setembre per manifestar (occitanistas e provençalistas qu'an iniciat la peticion "Ni Sud Ni Paca"sus change org.) e botar en plaça la posicion de la societat civila (33 000 signatur... Legir mai


Valoriza aqueste comentari:   votar positiu 15   votar negatiu 2
Respondre comentari replica Comentari inadeqüat   Formulari d'abús de comentari

29 de setembre 12.48h

Aquestes elegits plan coneguts per esser convidats per las cadenas centralistas son ara mens centralistas e monarquistas que del temps ont son en campanha electorala... Lo buf pot leu virar coma amb aqueste fin democrate de valls qu es un vertadier republican. Subretot quand cal amassar lo poder dins seus mans. Aital es nostra epoca, los medias officials e los servitors del oligarquia en placa podon parlar coma volon sens que lo brave mond pot veser un vertadier opausant a lors ideas oportunist... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 11.12h

Doncas avèm coma causida siá una Descentralizacion menada pels elèits de la drecha francesa (conformament a çò qu'es estada la descentralizacion en França dempuèi la Revolucion) siá una recentralizacion macronica e monarquica.
L'est pas belle la France, frères occitans?


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 13
  • sol Aush 11
  • sol Bordèu 13
  • sol Briançon 12
  • sol Caors 14
  • sol Carcassona 13
  • sol Clarmont-Ferrand 11
  • sol Confolent 12
  • sol Gap 8
  • sol La Canau 13
  • sol La Gàrdia 15
  • sol Limòtges 13
  • sol Lo Borg Sant Dalmatz 16
  • sol Lo Puèi de Velai 12
  • sol Marselha 22
  • sol Montpelhièr 17
  • sol Naut Aran 9
  • sol Niça 21
  • sol Nimes 17
  • sol Pau 12
  • sol Peireguers 14
  • sol Rodés 11
  • sol Tolon 13
  • sol Tolosa 11
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • La prima en valaa de Tiniá. © Laurenç Revèst

    La prima en Tiniá

  • Omenatge a Aragon. © Franc Bardòu

    Omenatge a Aragon

  • Zep Armentano

    25au Corsa Aran per sa Lengua

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • País de Rasés. © Franc Bardòu

    País de Rasés

  • Fèsta occitana a Barcelona, a l'ocasion del cinquen anniversari de Jornalet

  • © Franc Bardòu

    Coserans al còr

  • Coserans: Sent Líser, Casavèth, Sent Guironç, Saurat...

  • Calhau nheuat. © Xavi Gutiérrez Riu

    Prumèra nheuada dera sason ena Val d'Aran

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Asuèlhs comengeses. © Franc Bardòu

    Asuèlhs Comengeses

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Laurenç Revèst

    Menton, 'a vivaroalpenca maritima

  • Ciutat de Draoníer. © Cristòu Daurore

    Ciutat de Draoníer (Val Maira)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Conselh Generau d'Aran

    Lo Torn de França 2016 en Aran

  • Val d'Aran, cap de Gasconha

  • © Franc Bardòu

    Tèrra albigesa

  • © Zep Armentano

    Era Mongetada (Val d'Aran 28-29 d'octobre 2017)

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


6%



4%



90%



0%




Vots 124 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)