Bandièra01 1180x150: País Invisible

Actualitats

Celèbes: un tèrratrem e un tsunami tuan mai d’800 personas

La granda èrsa a devastat, mai que mai, las vilas de Palu e Donggala. La chifra provisòria de victimas es a aumentar

Se calcula qu’en aquela vila i a aperaquí 10 000 personas aculhidas en sits improvisats
Se calcula qu’en aquela vila i a aperaquí 10 000 personas aculhidas en sits improvisats | @InfosFrancaises
Son ja mai de 800 las personas mòrtas a causa del tèrratrem de 7,5 e del consecutiu tsunami que los ven de patir l’illa de Celèbes en Indonesia. La granda èrsa a devastat, mai que mai, las vilas de Palu e Donggala. La chifra provisòria de victimas es a aumentar. Twitter es ara una de las fonts d’informacion pus dirèctas e se pòt seguir amb l’etiqueta #Sulawesi.
 
A Palu, la majoritat de las victimas èran sus las plajas dins l’encastre d’una fèsta populara quand las tuèt l’èrsa del tsunami. Se calcula que dins aquela vila i a aperaquí 10 000 personas aculhidas dins de sits improvisats.
 
L’archipèla d’Indonesia se situa dins lo luòc conegut coma la Cencha de fuòc del Pacific, un endrech ont aqueles fenomèns son abituals. Dins l’estiu passat, unas cent personas moriguèron dins l’illa de Lombok a causa d’una seguida de tèrratrems.
 
 

 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Los sunamis cresi qu'es poden predir quan passaran e poden avisar a la poblacion que prengan mesuras. Mas cresi pas que s'hagi fait res d'açò.

  • 0
  • 0

Escriu un comentari sus aqueste article