CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Dimècres, 14 de novembre de 2012, 03h00 Internacional,Lenga,Politica

La lenga occitana, al Parlament Europèu


Comentaris 12 comentaris    
Marrit Flac Bon Plan bon Fabulós (10 vòtes)
carregant En cargar


Pel primièr còp, la lenga occitana serà al centre del debat dins lo Parlament Europèu. A la demanda de l’eurodeputada Catherine Grèze, elegida dins la circonscripcion del Sud-Oèst de França, l’intergrop sus las lengas minorizadas consagrarà la siá session del 22 de novembre a la lenga d’òc.


Aquel grop, format per d’eurodeputats de partits e de grops politics divèrses, s’amassa cada còp que i a session dins lo Parlament Europèu per tractar dels afars qu’afèctan las lengas e culturas minorizadas d’Euròpa. S’i tracta, normalament, lo cas concret d’una d’aquelas lengas e lo 22 de novembre serà lo torn de l’occitan. Ça que la, serà pas lo primièr còp que se tractarà lo tèma per rapòrt a França, pr’amor que la politica francesa intransigenta amb las lengas mal nomenadas regionalas atrai de costuma l’atencion dels eurodeputats.
 
Segon Grèze, la tòca de la session es de “far avançar la causa occitana a Brussèlas” e apond que la lenga occitana es oficiala en Espanha, ont es parlada per qualques milièrs de personas, mas o es pas en França, ont i a l’immensa majoritat de la populacion occitana. Es per aquò que se demanda: “Quina sòrta d’egalitat i a entre los ciutadans europèus?”. Segon lo sieu vejaire, l’Union Europèa a l’obligacion d’intervenir pr’amor qu’ajudar pas una lenga implica de la daissar morir “a fuòc lent”. Grèze considèra, de mai, que la lenga occitana fa partida del patrimòni e de las raices de la cultura francesa, e doncas la siá proteccion equival a protegir lo patrimòni cultural francés. Per tot aquò, crei qu’es urgent que França signe la Carta Europèa de las Lengas Minoritàrias e Regionalas, qu’es, a prepaus, una promessa electorala de François Hollande.
 
L’eurodeputada Grèze a convidat, en aquela escasença, qualques especialistas a prene la paraula. Dins aquel sens, i participaràn Guilhèm Latrubesse, conselhièr regional de Miègjorn-Pirenèus e pòrtavotz del Partit Occitan (PÒC), Joan-Loís Blenet, president de la Confederacion de las Calandretas, e Felip Hammel, director del CIRDÒC. Al delà, un trentenat de militants de la federacion Euròpa-Ecologia se desplaçaràn tanben a Brussèlas per assistir a la session e vesitar lo Parlament Europèu.



publicitat
BANER1-2-3: DGPL DICTADES



Comentaris

15 de novembre 07.38h

De que'n pensan los professionaus de l'ensenhament ? E hargan locutors dab 3h / setmanas dens lo melhor deus cas ? Mei que mei, los joens qui pescan lo bachi dab l'opcion occitan, transmeten la lenga aus lors hihs quan fondan una familha ? Ne coneishi hòrt chic.
Èi en classa (Sud Gironda) una bèra màger part de 2das qui ignoran tot de l'occitan e d'autes qui n'an ideas faussas. Los impausar una lenga estrangèra brutalament, aquò me dèisha pensatiu.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 23.53h

#9 E ben ieu, soi pas contra lo francés, s'es opcional a Occitània, tè !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 21.14h

Es una bona idèia que quicom se faga a nivèl del parlament europèu. La sola causa que m'estona es la composicion de la delegacion dels "especialistas", un pauc estrecha : seria pas estat melhor de far venir de representants de la coordinacion Anem Oc, la qu'a organizat las manifs de Besiers -Carcassona-Tolosa, e qu'amb IEO, FELCO, Calandreta, Felibritge e Oc-bi es representativa de la movéncia culturala occitana dins sa diversitat ?


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 20.50h

#5

" una part bèla del monde son PER l'occitan, mas pas impausat"

Lo monde seriá contra s'es impausat?! E benlèu seriá per s'es opcional ?

D'ont sortís aquesta teoria de Bernat-mon-oncle ?

Quin colhonada!

Quina fotralada de partit lo PÒC de defendre un tal punt de vista!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 19.21h

Segon çò que s'es demostrat en sociolingüistica:
— Cau parlar la lenga dins la vida viva vidanta e dins la vida familiala, senon la lenga es condemnada.
— L'escòla ajuda a sauvar la lenga, mai es un objectiu mens urgent que la vida vidanta e la familha. En tot cas, es pas una rason per laissar tombar l'occitan a l'escòla!
— Donc: renonciar a l'ensenhament obligatòri de l'occitan, es una posicion irrealista e ineficaça per quauqu'un que pretend voler sauvar l'occitan.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 18.03h

N'i a qui estudian l'occitan en classa que me'n passarí dab un gran plaser ! e n'i a d'autes que los aurèi pas jamei en cors... Snif...
Ah, la lenga, la melhora e la sordeisha de las causas. E los escocés, parlan tots garlic ? eh... gaelic ? Impausar ? non, prepausar sistematicament e las familhas qui ne'n vòlen pas : un arrefús escriut per l'escòla.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 17.14h

La solucion còrsa me sembla la bona : pas d'obligacion, los que vòlen pas de cors d'occitan an la possibilitat de desmarcar lor pitit. Tot lo monde an cors mas n'i a pas d'obligacion. Mas de segur qu'es desjà una contrencha fòrta per quauquas personas.

Lo problema es pas tant l'ensenhament per me, que l'usatge de la linga. De que serv d'aprener 'na linga que se parla nonmàs a l'escòla ? Faudria desjà que los occitanistas parlen occitan. E mai entre lo laxisme generau e l'intransigénc... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 16.35h

4 & 5, vivent a Tolosa, me soi pres e pendent e après la campahna pel mètro en occitan la reaccion del monde en plena cara. Farètz pas avançar Occitània CONTRA las gents. Crezètz aquò e sètz mòrts.
Cal donar l'enveja d'occitan… una part bèla del monde son PER l'occitan, mas pas impausat. E pensatz vertadièrament que cambiaràn de vejaire amb una obligacion ? Possible… mas lo rics es que siá pas dins lo sens que nos agradariá.

(passar al francés, mercés de la conariá, soi ... Legir mai


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

14 de novembre 14.01h

#2 Es vertat, cal pas que l'occitan siá obligatòri. E las matematicas tanpauc. Sèm pas la Catalonha, ont lo monde compta de sòus! Cal préner la mesura de la realitat del terrenh... se las matematicas son obligatòrias, los enfants aimaràn pas comptar los sòus e seràn totjorn paures.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

14 de novembre 12.54h

Chère Lumière (enfin, c'est una façon de parler),

Vous me permettrez de vous répondre en français, puisque l'obligation de l'enseignement de l'occitan dégouterait les gens.

Je pense que des idées comme les vôtres sont extrèmement dangereuses pour l'occitan.

Le terrain? Quel terrain et quelle réalité ? Vous parlez d'une réalité de générations d'angélistes qui jour après jour, siècle après siècle ont consciemment accepté de se faire bouffer le nez par l'impérialisme fran... Legir mai


Valoriza aqueste comentari:   votar positiu 7   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 14
  • sol Gap 9
  • sol La Canau 17
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 20
  • sol Montpelhièr 18
  • sol Naut Aran 14
  • sol Niça 19
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 16
  • sol Tolosa 16
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • © Celèsta Toion

    La plaja espaci de libertat? D'expression?

  • © Conselh Generau d'Aran

    Lo Torn de França 2016 en Aran

  • © Manel Armengol

    Presentacion deth roman Òc a Barcelona en ocasion dera Hèsta d'Aran

  • © Aure Séguier

    Carnaval Biarnés 2017

  • Gavotina marítima: trofèu d'August e vila vielha d'A Torbia

  • Zep Armentano

    25au Corsa Aran per sa Lengua

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Xavi Gutiérrez Riu

    Tarba

  • © Laurenç Revèst

    Nimes e preséncia d'occitan

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Magalí Barceló

    Santa Gabèla: quatrena fèsta del fogal rural La Gabèla

  • Ciutat de Draoníer. © Cristòu Daurore

    Ciutat de Draoníer (Val Maira)

  • Gavotina marítima: trofèu d'August e vila vielha d'A Torbia

  • © Aure Séguier

    Carnaval Biarnés 2017

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Catarin Seguran

    Las ribas del riu Tiniá d'estiu

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


59%



28%



13%




Vots 32 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)